୨୦୦ରୁ ଅଧିକ ଅଞ୍ଚଳରେ ପହଞ୍ଚିଲାଣି ଟ୍ରୁ-୫ଜି ସେବା
ଭୁବନେଶ୍ୱର : ସାରା ରାଜ୍ୟରେ ଟ୍ରୁ-୫ଜି ସେବା ସମସ୍ତ ଜିଲ୍ଲା ମୁଖ୍ୟାଳୟରେ ଉପଲବ୍ଧ। ଏହିପରି ଭାବେ ରାଜ୍ୟର ୨୦୦ରୁ ଅଧିକ ସହରରେ ଏହି ସେବା କାର୍ଯ୍ୟ କରୁଛି। ଆଗାମୀ ଦିନରେ ସହରଗୁଡ଼ିକର ଆଖପାଖରେ ଥିବା ଶତାଧିକ ଗ୍ରାମଗୁଡ଼ିକ ମଧ୍ୟ ଜିଓ ଟ୍ରୁ-୫ଜି ସେବା ପାଇପାରିବେ ବୋଲି ଜଣାପଡିଛି। ଜିଓ ପ୍ରଥମ ଟେଲିକମ୍ ସେବା ପ୍ରଦାନକାରୀ ଭାବେ ଓଡ଼ିଶାର ସମସ୍ତ ଜିଲ୍ଲା ମୁଖ୍ୟାଳୟ ଓ ୨୦୦ରୁ ଅଧିକ ସହରରେ ଉକ୍ତ ସେବାର ଶୁଭାରମ୍ଭ କରିସାରିଛି। ଏହି ଅବସରରେ ଜିଓ ପକ୍ଷରୁ କୁହାଯାଇଛି ଯେ, ଗତିରେ ବୃଦ୍ଧି ପାଉଥିବା ଏକ ବିଶ୍ୱସ୍ତରୀୟ ନେଟ୍ୱର୍କ ପ୍ରଦାନ କରିଥିବାରୁ ଆମେ ଗର୍ବିତ । ଜିଓ ଟ୍ରୁ-୫ଜି ଓଡ଼ିଶାର ଲୋକମାନଙ୍କୁ ଶିକ୍ଷା, ସ୍ୱାସ୍ଥ୍ୟସେବା, ପର୍ଯ୍ୟଟନ, ମାନୁଫାକ୍ଚରିଂ (ବିନିର୍ମାଣ), ଏସ୍ଏମ୍ଇ, ଇ-ଗଭର୍ଣ୍ଣାସ୍, କୃଷି, ଅଟୋମେସନ, ଆର୍ଟିଫିସିଆଲ ଇଣ୍ଟେଲିଜେନ୍ସ, ଗେମିଂ ଓ ଆଇଟି ଆଦି କ୍ଷେତ୍ରରେ ଅସୀମିତ ଅଭିବୃଦ୍ଧି ସୁଯୋଗ ପ୍ରଦାନ କରିବ । ସେହିପରି ଚଳିତ ବର୍ଷ ଡିସେମ୍ବର ଶେଷ ସୁଦ୍ଧା ଦେଶର ସବୁ ସହର ଓ ଅନ୍ୟ ଅଞ୍ଚଳରେ ଟ୍ରୁ-୫ଜି ସେବାର ଶୁଭାରମ୍ଭ କରିବାକୁ ଜିଓ ପକ୍ଷରୁ ଯୋଜନା ରଖାଯାଇଛି।
