ରାମ ମୟ ହେଉଛି ଇନଷ୍ଟାଗ୍ରାମ , ଦୈନିକ ଏତିକି ଭିଡିଓ ହେଉଛି ପୋଷ୍ଟ …

ରାମ ମୟ ହୋଇଛି ପୁରା ଦେଶ । ରାମଲାଲାଙ୍କ ଆଗମନକୁ ଚାତକ ପରି ଚାହିଁ ରହିଛିନ୍ତି ସବୁ ସନାତନ ଧର୍ମର ଲୋକ ।  ଆସନ୍ତା ୨୨ରେ ରାମ ଲାଲାଙ୍କ ପ୍ରାଣପ୍ରତିଷ୍ଠା ଉତ୍ସବ ପାଇଁ ଉତ୍ସବ ମୁଖରିତ ହେଲାଣି ଅଯୋଧ୍ୟା ନଗରୀ । ଧୂପ ନୈବେଦ୍ୟର ସୁଗନ୍ଧରେ ଫାଠି ପଡୁଛି ଚାରି ଦିଗ । ତେବେ ଏହି ଆସନ୍ତା ୨୨ ତାରିଖ ଦିନ ୧୨ଟା ୩୦ରେ ରାମଲାଲାଙ୍କ ପ୍ରାଣ ପ୍ରତିଷ୍ଠା କରାଯିବ। କାର୍ଯ୍ୟକ୍ରମରେ ପ୍ରଧାନମନ୍ତ୍ର ନରେନ୍ଦ୍ର ମୋଦି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ୬ ହଜାରରୁ ଅଧିକ ବିଶିଷ୍ଟ ବ୍ୟକ୍ତି ବିଶେଷ ସାମିଲ ହେବେ । ଏଥିସହ ୪ ହଜାର ସନ୍ଥ ମଧ୍ୟ ଭବ୍ୟ ଉତ୍ସବରେ ସାମିଲ ହେବା କାର୍ଯ୍ୟକ୍ରମ ରହିଛି । ପ୍ରାଣ ପ୍ରତିଷ୍ଠା ଉତ୍ସବକୁ ମଝିରେ ଆଉ ମାତ୍ର ୨ ଦିନ ଥିବା ବେଳେ ଜୋରସୋରରେ ଆଗେଇ ଚାଲିଛି ପ୍ରସ୍ତୁତି ।ତବେ ଏହାରି ଭିରରେ ଏମିତି ଏକ ଖବର ଆସି ପହଁଚିଛି ଯାହା ଆପଣଙ୍କୁ ଆଶ୍ଚର୍ଯ୍ୟ କରିଦେବ । ରାମ ମୟ କେବଳ ପରିବେଶ ହୋଇନି । ଏହା ସହ ସୋସିଆଲ ମିଡିଆ ମଧ୍ୟ ରାମଙ୍କ ଗୁଣଗାନ କରୁଛି । ତେବେ ଏକ ରିପୋର୍ଟ ଅନୁଯାୟୀ ଦୈନିକ ପାଞ୍ଚ ଲକ୍ଷରୁ ଅଧିକ ରିଲ୍ସ ଶ୍ରୀରାମଙ୍କ ପାଇଁ ଇନଷ୍ଟାଗ୍ରାମରେ ଅପଲୋଡ଼ ହେଉଛି ।