ଅଗ୍ନିଶମ ବିଭାଗରେ ବାହାରିଲା ୯୪୧ ପଦବୀ ; ଜାଣନ୍ତୁ କେମିତି କରିବେ ଆବେଦନ …
ଓଡ଼ିଶା ଅଗ୍ନିଶମ ଓ ଜରୁରୀକାଳୀନ ସେବାରେ ୯୪୧ଟି ପଦବୀ ପାଇଁ ନିଯୁକ୍ତି ପାଇଁ ବିଞ୍ଜପ୍ତି ପ୍ରକାଶ ପାଇଛି । ଏହି ସଂସ୍ଥାରେ ଚାକିରି କରିବା ପାଇଁ ଆଗ୍ରହୀ ପ୍ରାର୍ଥୀମାନଙ୍କୁ ଫାୟାରମ୍ୟାନ ଓ ଡ୍ରାଇଭର ପଦବୀରେ ନିଯୁକ୍ତି ମିଳିବ।
ତେବେ ଏହି ସବୁ ନିଯୁକ୍ତି ପାଇଁ ଆପଣ ଅନଲାଇନରେ ଆବେଦନ କରିପାରିବେ । ଆବେଦନ କରିବାର ଶେଷ ତାରିଖ ସେପ୍ଟେମ୍ବର ୩୦ ରଖାଯାଇଛି । ଏହି ତାରିଖ ମଧ୍ୟରେ ପ୍ରାର୍ଥୀମାନେ ଆବେଦନ କରିପାରିବେ । ତେବେ ରାଜ୍ୟ ଅଗ୍ନିସମ ବିଭାଗ ପକ୍ଷରୁ ମୋଟ ୯୪୧ ପଦବୀରେ ନିଯୁକ୍ତି ପ୍ରକାଶ ପାଇଛି । ଫାୟାରମ୍ୟାନରେ – ୮୨୬ ଟି ଖାଲି ସ୍ଥାନ ଥିବାବେଳେ ଡ୍ରାଇଭରଙ୍କ ପାଇଁ ୧୧୫ ରହିଛି । ସେହିପରି ପ୍ରାର୍ଥୀମାନଙ୍କ ବୟସ ୧୮ ରୁ ୨୫ ବର୍ଷ ମଧ୍ୟରେ ହୋଇଥିବା ଆବଶ୍ୟକ ।
ଯେକୌଣସି ବିଭାଗରେ ଅତି କମରେ ଯୁକ୍ତ ୨ ପାସ କରିଥିବା ଆବଶ୍ୟକ
କେବଳ ଡ୍ରାଇଭର ପଦବୀ ପାଇଁ ପ୍ରାର୍ଥୀଙ୍କ ପାଖରେ ଭାରି ଯାନ ଚଳାଇବାର ଲାଇସେନ୍ସ ଥିବା ଆବଶ୍ୟକ
ଚୟନ ପ୍ରକ୍ରିୟା
- ପ୍ରଥମେ ପ୍ରାର୍ଥୀମାନଙ୍କୁ ଏକ ପ୍ରବେଶିକ ପରୀକ୍ଷା ଦେବାକୁ ହେବ
- ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ପ୍ରାର୍ଥୀମାନଙ୍କ ମେଡିକାଲ ଭେରିଫିକେସନ କରାଯିବ
- ତା ପରେ ପଦବୀ ପାଇଁ ଚୟନ ପ୍ରାର୍ଥୀମାନଙ୍କ ଅନ୍ତିମ ତାଲିକା ଏସଏସସିର ୱେବସାଇଟରେ ବାହାରିବ
କେମିତି କରିବେ ଆବେଦନ
- ଓଡ଼ିଶା ଅଗ୍ନିଶମ ବିଭାଗର ୱେବସାଇଟ୍ odishafshgscd.gov.inକୁ ପରିଦର୍ଶନ କରନ୍ତୁ
- ୱେବସାଇଟ୍ ଭିତରେ carrier option ଉପରେ କ୍ଲିକ୍ କରନ୍ତୁ
- ଏହାପରେ ସେଠାରେ ନିଜର ରେଜିଷ୍ଟ୍ରେସନ କରନ୍ତୁ
- ରେଜିଷ୍ଟ୍ରେସନ ପରେ ‘Log in ’ କରି ପଦବୀ ପାଇଁ ଫର୍ମ ପୂରଣ କରନ୍ତୁ
- ଫର୍ମ ପୂରଣବେଳେ ନିଜର ପ୍ରମାଣପତ୍ର ସବୁ ଦାଖଲ କରନ୍ତୁ
- ଶେଷରେ ପୂରଣ କରିଥିବା ଫର୍ମର ଏକ ପ୍ରିଣ୍ଟ ଆଉଟ ନିଜପାଖରେ ରଖନ୍ତୁ
