ଚାକିରି ଯିବା ଭୟରେ ଆତ୍ମହତ୍ୟା କଲେ ପେଟିଏମ କର୍ମଚାରୀ …
ମଧ୍ୟପ୍ରଦେଶର ଇନ୍ଦୋର ସହରରେ ଘଟିଚି ଏକ ଦୁଃଖଦ ଘଟଣା । ପେଟିଏମକୁ ନେଇ ଲାଗି ରହିଥିବା ବିବାଦ ପାଇଁ , ଜଣେ କର୍ମଚାରୀଙ୍କର ଜୀବନ ହରାଇଛନ୍ତି । ପେଟିଏମ ବନ୍ଦ ହେଲେ କାଳେ ସେ ଚାକିରି ହରାଇବା , ,ସେ ଭୟରେ ସେ ଆତ୍ମହତ୍ୟା କରି ଦେଇଛନ୍ତି ।
ପେଟିଏମର ଜଣେ ଫିଲ୍ଡ ମ୍ୟାନେଜର ଏମିତି ନିଷ୍ପତି ନେଇଛନ୍ତି । ପୋଲିସର କହିବାନୁସାରେ, ମ୍ୟାନେଜର ଗୌରବ ଗୁପ୍ତା ୪୦ ବର୍ଷ ବୟସରେ ଆତ୍ମହତ୍ୟା କରିଛନ୍ତି । କାଳେ ପେଟିଏମ ବନ୍ଦ ହୋଇଯିବ ଓ ନିଜ ଚାକିରି ହରାଇ ବସିବେ ସେହି ଭୟରେ ସେ ଆତ୍ମହତ୍ୟା କରି ଥାଇପାରନ୍ତି ବୋଲି ପୋଲିସ ସନ୍ଦେହ କରୁଛି ।
ନିୟମ ନମାନିବାରୁ ପେଟିଏମକୁ ନେଇ ଆରବିଆଇ କଠୋର ହୋଇଛି । ଚିନ୍ତାରେ ବ୍ୟବସାୟୀ…ଚିନ୍ତାରେ ଲୋକେ…କଣ କରିବେ ଓ କରିବେ ନାହିଁ ତାହାକୁ ନେଇ ଏବେ ଚିନ୍ତାରେ ପକାଇଛି ପେଟିଏମ୍ ।
। ଆର୍ବିଆଇର ସ୍କାନରରେ ଏବେ ପେଟିଏମ୍ ପେମେଣ୍ଟ ବ୍ୟାଙ୍କ । ୨୦୧୭ ମେରେ ଆରମ୍ଭ ହୋଇଥିବା ପେଟିଏମ୍ ପେମେଣ୍ଟ ବ୍ୟାଙ୍କ ବିବାଦ ପାଇଁ ଅପରିଚିତ ନୁହେଁ ଓ ଆରବିଆଇ ସହିତ ଅନେକ ଥର ସମସ୍ୟା ହୋଇଛି । ଏହାର ୭ ବର୍ଷର କାର୍ଯ୍ୟକାଳ ଭିତରେ ଅତି କମ୍ରେ ୫ଥର ଦଣ୍ତିତ ହୋଇଛି ପେଟିଏମ୍ ପେମେଣ୍ଟ ବ୍ୟାଙ୍କ୍ ।
