ଜୁଲାଇ ୧୧ରେ ଆଦାନି ମାମଲାର ପରବର୍ତ୍ତୀ ଶୁଣାଣି
ନୂଆଦିଲ୍ଲୀ: ଶିଳ୍ପପତି ଗୌତମ ଆଦାନିଙ୍କ କଂପାନି ଆଦାନି ଗ୍ରୁପ୍ ବିରୋଧରେ ଆମେରିକୀୟ ସଂସ୍ଥା ହିଣ୍ଡେନ୍ବର୍ଗ ଯେଉଁ ସଙ୍ଗିନ ଅଭିଯୋଗ ଆଣିଥିଲା ତାହାର ତଦନ୍ତ ଶେଷ କରିବା ଲାଗି ଭାରତୀୟ ପ୍ରତିଭୂତି ଓ ବିନିମୟ ବୋର୍ଡ (ସେବି)କୁ ସୁପ୍ରିମକୋର୍ଟ ଅଧିକ ତିନି ମାସ ସମୟ ଦେଇଛନ୍ତି।ଅଗଷ୍ଟ ୧୪ ସୁଦ୍ଧା ରିପୋର୍ଟ ଦେବାକୁ ସେବିକୁ କହିଛନ୍ତି ମଖ୍ୟ ବିଚାରପତି ଡି ୱାଇ ଚନ୍ଦ୍ରଚୂଡ଼। ତଦନ୍ତ ବେଶ ଜଟିଳ ଥିବାରୁ ଅଧିକ ୬ ମାସ ସମୟ ଦେବାକୁ ସେବି କୋର୍ଟଙ୍କୁ ଅନୁରୋଧ କରିଥିଲା। ହେଲେ ସୁପ୍ରିମକୋର୍ଟ ଜୁଲାଇ ୧୧ରେ ମାମଲାର ପରବର୍ତ୍ତୀ ଶୁଣାଣି ହେବ ବୋଲି ରାୟ ଦେଇଛନ୍ତି ।
