ମହିଳା ସଂରକ୍ଷଣ ପ୍ରସଙ୍ଗ ବିଗାଡ଼ିବ କି ଢେଙ୍କାନାଳ-ଅନୁଗୁଳ ରାଜନୀତି ଅଙ୍କ

ଭୁବନେଶ୍ୱର : ନିକଟରେ ବହୁ ପ୍ରତୀକ୍ଷିତ ମହିଳା ସଂରକ୍ଷଣ ବିଲ୍ ସଂସଦରେ  ଗୃହୀତ ହୋଇଛି । ସେଣ୍ଟ୍ରାଲ୍ ଭିସ୍ତାର ନୂତନ ସଂସଦ ଭବନ ଏଥି ପାଇଁ ସ୍ମରଣୀୟ ରହିବ । କାରଣ ଏହା ପ୍ରଥମ ବିଧେୟକ । ଏହାର ପ୍ରଭାବ ନିଶ୍ଚୟ ସୁଦୂରପ୍ରସାରୀ ହେବ।  ଏହି କ୍ରମରେ  ରାଜ୍ୟ ବିଧାନସଭା ପ୍ରମିଳା ମଲ୍ଲିକ ରୂପେ ଜଣେ ମହିଳା ବାଚସ୍ପତି ମଧ୍ୟ ପାଇଛି। ଅନ୍ୟମାନେ ଦୌଡ଼ରେ ରହିଥିଲେ ମାତ୍ର ମହିଳା ମହିଳା ସଂରକ୍ଷଣ  ପ୍ରସଙ୍ଗ ପାଇଁ ଶ୍ରୀମତା  ମଲ୍ଲିକଙ୍କୁ ଦିଆଗଲା ସୁଯୋଗ ବୋଲି ଆଲୋଚନା ହେଉଛି।

ଯଦିଓ ଗୃହୀତ ହୋଇଥିବା ହୋଇ ସାରିଥିବା ଏହି ମହିଳା ବିଲ୍ ବହୁ ଶୀଘ୍ର ରାଷ୍ଟ୍ରପତିଙ୍କ ସ୍ୱୀକୃତି ପାଇ ଆଇନରେ ପରିଣତ ହେବ କିନ୍ତୁ ଏବେ କାର୍ଯ୍ୟକାରୀ ହେବ ନାହିଁ । କିନ୍ତୁ ରାଜନୈତିକ ସ୍ଥିତି ଓ ପାଣିପାଗ ଯାହା ରାଜନୈତିକ ଦଳ ବିଶେଷ କରି ନବୀନ ପଟ୍ଟନାୟକଙ୍କ ବିଜେଡି ଅପେକ୍ଷା କରିବ ନାହିଁ। ୨୦୧୯ ରେ ସମସ୍ତେ ଦେଖି ସାରିଛନ୍ତି । ନବୀନ ପଟ୍ଟନାୟକ ତାଙ୍କ ଦଳ ପକ୍ଷରୁ ୩୩% ଅର୍ଥାତ ୭ ଜଣ ମହିଳାଙ୍କୁ ଲୋକସଭା ପାଇଁ ପ୍ରାର୍ଥୀ କରିଥିଲେ। ଆଗାମୀ ନିର୍ବାଚନରେ ସେ ଏହାକୁ ବିଧାନସଭା ପାଇଁ ଲାଗୁ କରିବାର ଯଥେଷ୍ଟ ସମ୍ଭାବନା ରହିଛି। ତେଣୁ ବିଭିନ୍ନ ଆସନରେ ସମ୍ଭାବ୍ୟ ମହିଳା ପ୍ରାର୍ଥୀତ୍ୱ ନେଇ ଚର୍ଚ୍ଚା ଜୋର ଧରିଲାଣି।  ସ୍ଥାନୀୟ ନିର୍ବାଚନ ଅର୍ଥାତ ପୌର ଓ ପଞ୍ଚାୟତ ନିର୍ବାଚନରେ ସେ ମହିଳାଙ୍କ ପାଇଁ ୫୦% ସ୍ଥାନ ସଂରକ୍ଷଣ ସୁବିଧା ମହିଳାଙ୍କୁ ଦେଇ ସାରିଛନ୍ତି। କେଵଳ ରାଜନୈତିକ ସମୀକ୍ଷକ ନୁହଁନ୍ତି ବିଜେଡ଼ିର ଅନେକ ନେତା ମଧ୍ୟ ଦୃଢ ନିଶ୍ଚିନ୍ତ ଯେ ଅଧିକ ମହିଳାଙ୍କୁ ସୁଯୋଗ ଏଥର ନିଶ୍ଚୟ ।

ଏହାକୁ ନେଇ ଅନୁଗୋଳ ଜିଲ୍ଲାରେ ଏବେ ଏ ନେଇ ଚର୍ଚ୍ଚା ଜୋର ଧରିଛି। ବିଜେଡ଼ି ବିଧାୟକଙ୍କ ଦୃଢ ସମର୍ଥକ ବି ସନ୍ଦେହରେ ଯେ ତାଙ୍କ ନେତାଙ୍କ ଟିକେଟ ମିଳିବା ନେଇ । ସେହିପରି ଚର୍ଚ୍ଚା ହେଲାଣି ଯେ ତାଳଚେରକୁ ମହିଳା ମୁହଁ ଦେଇ ବିଜେଡ଼ି ଗୋଟିଏ ଗୁଳିରେ ଅନେକ ଲକ୍ଷ୍ୟ ଭେଦିବାକୁ ଚାହୁଁଛି। ନୂଆ ଓ ମହିଳା ମୁହଁ ଦେଇ ପ୍ରତିପକ୍ଷଙ୍କୁ ଚକମା ଦେଇ ପାରେ ବିଜେଡି ! ପ୍ରଥମେ ସ୍ଥାନୀୟ ବିଧାୟକ ତିନି ଥର ପରେ ନକରାତ୍ମକ  ଭୋଟକୁ ପ୍ରତିହିତ କରିବା ହୋଇଛି। ସେହିପରି  ବିଜେପିରୁ  ଧର୍ମେନ୍ଦ୍ର ପ୍ରଧାନଙ୍କ ପତ୍ନୀ ନିର୍ବାଚନ ଲଢିବା ଚର୍ଚ୍ଚା ମଧ୍ୟ ଜିଲ୍ଲାରେ ଚର୍ଚ୍ଚା ଜୋର ଧରିଛି। ତୃତୀୟତଃ ବର୍ତ୍ତମାନର ଢେଙ୍କାନାଳ ସାଂସଦଙ୍କ ନିର୍ବାଚନମଣ୍ଡଳୀର ବିଧାୟକଙ୍କ ସହ ଅହିନକୁଳ ସମ୍ପର୍କ ।

ସାଂସଦକୁ ନ ଦେଇ ତାଙ୍କ ପତ୍ନୀ ଶ୍ରୀମତି ନମିତା ବେହେରା ଯିଏ ରାଜ୍ୟ ସରକାରଙ୍କ କୃଷି ବିଭାଗରୁ ଏବେ ଅଵସର ପ୍ରାପ୍ତ ।୨୦୧୯ ରେ ଢେଙ୍କାନାଳ ସାଂସଦ ତଥାଗତ ଶତପଥୀଙ୍କ ରାଜନୀତିରୁ ଅବ୍ୟାହିତ ନେବା ପରେ ବିଜେଡି ଏଠୁ ବର୍ତ୍ତମାନ ସାଂସଦଙ୍କ ପତ୍ନୀଙ୍କୁ ପ୍ରାର୍ଥୀ କରିବା ପାଇଁ ଦଳ ଚାହୁଁଥିବା ସେତେବେଳେ ଅନେକ ବିଜେଡ଼ି ନେତା କୁହନ୍ତି କିନ୍ତୁ ସେତେବେଳେ ଉଭୟ ରାଜି ହୋଇ ନ ଥିଲେ ।ଏବେ୨୦୧୯ ଭଳି ସ୍ଥିତି ନାହିଁ । ବର୍ତ୍ତମାନ ଦଳର ସର୍ବେସର୍ବାଙ୍କ ସମ୍ମୁଖରେ ମୁହଁ ଖୋଲିବା ଭଳି ସାହସ ନାହିଁ। ତା ଛଡ଼ା ବର୍ତ୍ତମାନ ସାଂସଦଙ୍କ ପତ୍ନୀଙ୍କୁ ଦଳ ସୁଯୋଗ ଦେଲେ ସାଂସଦଙ୍କ ଅପେକ୍ଷା ଦଳର ଅନ୍ୟ ବିଧାୟକମାନେ ବେଶୀ ଖୁସି ହେବେ। ଏବଂ ବିଜେପି ସବୁ ଯୋଜନା ପଣ୍ଡ ହୋଇଯିବ କାରଣ ଧର୍ମେନ୍ଦ୍ର ପ୍ରଧାନ ତାଙ୍କ ପତ୍ନୀଙ୍କୁ(ଯାହା ଏବେ  ଚର୍ଚ୍ଚା ଅଧିକ) ଛିଡା କରେଇ ଦୁଃସାହସ କରିବେ ନାହିଁ । ୨୦୦୪ ରେ ତାଙ୍କ ପିତା ଏବଂ ସେ ନିଜେ  ୨୦୦୯ରେ ପରାଜିତ ହେବ ବୋଲି  ଭାବି ନ ଥିଲେ। ତେଣୁ ସେ ଡ଼ର ଏବେ ବି ଲିଭି ନାହିଁ  ବୋଲି ସ୍ଥାନୀୟ ଅଞ୍ଚଳରେ ଆଲୋଚନା ହେଉଛି।   (ଅନୁଗୁଳ-ତାଳଚେର ପ୍ରତିନିଧି, ଓଡ଼ିଶା ପତ୍ରିକା)