ମହାରାଷ୍ଟ୍ରରେ ଘଡି଼କେ ଘୋଡା ଛୁଟୁଛି, ଅଜିତଙ୍କୁ ଅର୍ଥ ବିଭାଗ ନ ଦେବା ପାଇଁ ସିନ୍ଧେ ସମର୍ଥକଙ୍କ ଦାବି, ଅକଳରେ କେନ୍ଦ୍ର ବିଜେପି

ମୁମ୍ବାଇ : ହାତୀ ନେ, ଘୋଡ଼ା ନେ ..ମୋ ପେଁକାଳି ବଜେଇ ଦେ। ଓଡ଼ିଆ ଯାତ୍ରାର ଏହି ଡାଇଲଗ୍ ମହାରାଷ୍ଟ୍ର ରାଜନୀତି ପାଇଁ ବେଶ୍ ସୁହାଉଛି। ହାତୀ, ଦେବୁ, ଘୋଡ଼ା ଦେବୁ କହି ନିଜ ମେଣ୍ଟରେ ସିନା ମିଶେଇ ଦେଲେ। ହେଲେ କ୍ଷମତା ପେଁକାଳୀ ଠିକ୍ ରେ ବାଜିପାରୁନି। ଖାଲି ହାତୀ, ଘୋଡ଼ା ନୁହେଁ, ଇଡ଼ି ଭୟ ଦେଖାଇ ମଧ୍ୟ ଶିବସେନା ଓ ଏନସିପିକୁ ଦୁଇ ଭାଗ କରିଦିଆଗଲା। ହେଲେ ମନ୍ତ୍ରୀମଣ୍ଡଳ ବିସ୍ତାର ଓ ବିଭାଗ ଆବଣ୍ଟନ ବେଳକୁ କିଛି ସମାଧାନ ବାହାରୁନି। ଏନସିପି ଗୋଷ୍ଠୀଙ୍କୁ ଶିବସେନା ଗୋଷ୍ଠୀର ବିରୋଧ। ଉପମୁଖ୍ୟମନ୍ତ୍ରୀ ଅଜିତ ପାଓ୍ୱାର ଅର୍ଥ ବିଭାଗ ଦାବି କରୁଛନ୍ତି। ମାତ୍ର ଏକନାଥ ସିନ୍ଧେ ଏହା ସପକ୍ଷରେ ନାହାନ୍ତି।

ଦୁଇ ଦିନ ତଳେ ଉପ-ମୁଖ୍ୟମନ୍ତ୍ରୀ ଅଜିତ ପାୱାର ଓ ରାଷ୍ଟ୍ରବାଦୀ କଂଗ୍ରେସ ପାର୍ଟି (ଏନସିପି-ଅଜିତ) ନେତା ପ୍ରଫୁଲ ପଟେଲ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହାଙ୍କୁ ଭେଟିଥିଲେ। ଅଜିତ ନିଜ ପାଇଁ ଅର୍ଥ ବିଭାଗ ଦାବି କରିଥିବା ଜଣାପଡିଛି।  ଆଉ ଏକ ଘଟଣାକ୍ରମରେ  ୧୦ ଜଣ ସ୍ୱାଧୀନ ବିଧାୟକ ନିଜର ଅସନ୍ତୋଷ ଜାହିର କରିଛନ୍ତି।  ପ୍ରହାର ଜନଶକ୍ତି ପାର୍ଟି ମୁଖ୍ୟ ଓମପ୍ରକାଶ ବିଙ୍କ ନେତୃତ୍ୱରେ ସିନ୍ଦେଙ୍କୁ ସମର୍ଥନ କରୁଛନ୍ତି। ତାଙ୍କ ସହଯୋଗୀ ବିଧାୟକମାନେ ମନ୍ତ୍ରୀ ପଦକୁ ଜାରି ରହିଥିବା ଦାବିକୁ ନେଇ ଖପ୍ପା  ଅଛନ୍ତି। ସେମାନେ ମୁଖ୍ୟମନ୍ତ୍ରୀଙ୍କୁ ହଇରାଣ କରିବାକୁ ଚାଁହୁନାହାନ୍ତି।| ମନ୍ତ୍ରୀ ପଦ ପାଇଁ ଦାବି କରୁ ନାହାନ୍ତି | ଆଉ ତିନି ପରେ ସେମାନେ ମୁଖ୍ୟମନ୍ତ୍ରୀଙ୍କ ସହ ଆଲୋଚନା କରିବେ। ଏହା ପରେ ଏହି ଗୋଷ୍ଠୀ ନିଜର ଚୂଡାନ୍ତ ନିଷ୍ପତ୍ତି ଘୋଷଣା କରିବ।