ଆମେରିକା ରାଷ୍ଟ୍ରପତି ନିର୍ବାଚନ 2024 ଖବର କଣ ? ଆସନ୍ତୁ ଜାଣିବା

ନୂଆଦିଲ୍ଲୀ: (ବିଜୟ ସାହୁ)-ବର୍ଷେ ହେଲା ଆମେରିକା ରାଷ୍ଟ୍ରପତି ନିର୍ବାଚନ ପ୍ରକ୍ରିୟା ଆରମ୍ଭ ହେଇ ଆସନ୍ତା ମଙ୍ଗଳବାର ସରିବାକୁ ଯାଉଛି, ତଥାପି ଆମର ମୁଖ୍ୟ ମିଡିଆରେ କୌଣସି ଚର୍ଚ୍ଚା ନାହିଁ ।
ସବୁଠାରୁ ପରିତାପର ବିଷୟ ଯେ ଆମର ଜଣେ ଭାରତୀୟ କନ୍ୟା ହୁଏତ ଏଥର ଆମେରିକା ଇତିହାସ ରେ ପ୍ରଥମ ମହିଳା ରାଷ୍ଟ୍ରପତି ହେଇ ଇତିହାସ ସୃଷ୍ଟି କରି ପାରନ୍ତି, ତଥାପି ଭାରତର ମିଡିଆ ସିଆଡେ ଧ୍ୟାନ ଦେଇ ନାହାନ୍ତି । ଆଗାମୀ 6/ 7 ତାରିଖରେ ହୁଏତ ଟିକିଏ ସିଆଡେ ନଜର ପକେଇବେ । କିନ୍ତୁ 2019 ନିର୍ବାଚନ ବେଳେ ବହୁତ ଧ୍ୟାନ ସିଆଡେ ଥିଲା ଯେହେତୁ ମୋଦୀ ଜୀ  ରାଷ୍ଟ୍ରପତି ପ୍ରାର୍ଥୀ ଟ୍ରମ୍ଫଙ୍କୁ ଭାଇ କରି ନିର୍ବାଚନ ପ୍ରଚାର କରିଥିଲେ । ଏଥର ବି ଭାଇ ଖୁବ ଟକ୍କର ଦେଉଛନ୍ତି, ତଥାପି ମୋଦୀ ଜୀ କିଛି କହୁ ନାହାଁନ୍ତି । କଣ ହେଇଛି କେଜାଣି ?

ଛାଡ଼ ସେକଥା । ଆମେ ବିଶ୍ୱର ଏହି ଅନନ୍ୟ ନିର୍ବାଚନ ପ୍ରକ୍ରିୟା ସମ୍ପର୍କରେ କିଛି ଜାଣିବା ।
ଏଥର ଡେମୋକ୍ରାଟିକ ପାର୍ଟିରୁ ଭାରତୀୟ ବଂଶଜ କମଲା ହାରିସ ଓ ପୂର୍ଵ ରାଷ୍ଟ୍ରପତି ଡୋନାଲଡ଼ ଟ୍ରମ୍ଫ ଙ୍କ ମଧ୍ୟରେ ପ୍ରତିଦ୍ବନ୍ଦିତା ହେଉଛି । ଇତି ମଧ୍ୟରେ ଯେଉଁ ଭୋଟରମାନେ Early Voting ପାଇଁ Option ନେଇଥିଲେ ସେମାନଙ୍କ ମଧ୍ୟରୁ ପ୍ରାୟ 6 କୋଟି ଭୋଟର ଭୋଟ ଦେଇ ସାରିଲେଣି । ଭାରତୀୟ ତାରିଖ ଅନୁଯାୟୀ 4 ଓ 5 ତାରିଖ ମଧ୍ୟ Early Voting ଚାଲିବ । 6 ତାରିଖରେ ଚୂଡାନ୍ତ ଭୋଟ୍ ଦାନ ହେବ । ସମୁଦାୟ 25 କୋଟି ଭୋଟର ନିଜ ନିଜ ରାଜ୍ୟର ନିର୍ବାଚନ ଆଇନ ଅନୁଯାୟୀ ରେଜିଷ୍ଟ୍ର କରିଛନ୍ତି ।
ଚୂଡାନ୍ତ ଭୋଟ ପରେ ଯଦି କୌଣସି ପ୍ରାର୍ଥୀ ସ୍ପଷ୍ଟ ମତ ପାଇଯିବେ ତାହେଲେ ଆମେରିକା ମିଡିଆ ଘୋଷଣା କରିଦେବେ । ସ୍ପଷ୍ଟ ମତ ଅର୍ଥାତ ପପୁଲାର ଭୋଟ ଓ ଇଲେକ୍ଟ୍ରୋକାଲ କଲେଜଗୁଡ଼ିକର ଭୋଟ । ଅନ୍ୟଥା ବିଭିନ୍ନ Permutation / Combination କରି ନିର୍ବାଚନ ବିଶେଷଜ୍ଞମାନଙ୍କ ଫଳାଫଳ ଆକଳନ ହେବ ।

ଏହା ସତ୍ତ୍ୱେ ଜାନୁଆରୀ 6 ତାରିଖରେ ଆମେରିକା ଡିସି ରେ ବିଭିନ୍ନ ରାଜ୍ୟରୁ ନିର୍ବାଚିତ 535 କଂଗ୍ରେସ ପ୍ରତିନିଧି ଓ ସିନେଟ ପ୍ରତିନିଧି ରାଷ୍ଟ୍ରପତି ନିର୍ବାଚନ ଅଧିବେଶନରେ ସମବେତ ହେଇ ରାଷ୍ଟ୍ରପତି ନିର୍ବାଚନ କରିବେ । କଂଗ୍ରେସ ପ୍ରତିନିଧି – 438 ଓ ସିନେଟ ପ୍ରତିନିଧି 100 . ଆମେରିକାର 50ଟି ରାଜ୍ୟରୁ ଭିନ୍ନ ଭିନ୍ନ ସଂଖ୍ୟକ କଂଗ୍ରେସ ପ୍ରତିନିଧି ନିର୍ବାଚିତ ହୁଅନ୍ତି, କିନ୍ତୁ ସିନେଟ ପ୍ରତିନିଧି ପ୍ରତ୍ୟେକ ରାଜ୍ୟରୁ କେବଳ ଦୁଇ ଜଣ । ଆମେରିକା ଡିସିରୁ କେବଳ ତିନି ଜଣ ମନୋନୀତ ସିନେଟ ସଭ୍ୟ ।
ଉପରାଷ୍ଟ୍ରପତି ଏହି ଅଧିବେଶନରେ ଅଧ୍ୟକ୍ଷତା କରି ନିର୍ବାଚନ ପରିଚାଳନା କରିବେ । ଜାନୁଆରୀ 20 ତାରିଖରେ ଯିଏ 272 ଟି ଭୋଟ ପାଇବେ ସିଏ ନୂଆ ରାଷ୍ଟ୍ରପତି ହେଇ 4 ବର୍ଷ ପାଇଁ Executive Head ହେବେ ।
ଆମେରିକା ରାଷ୍ଟ୍ରପତି ହେଉଛନ୍ତି ରାଷ୍ଟ୍ରମୁଖ୍ୟ ଓ ଶାସନ ମୁଖ୍ୟ । ଆମର ଏଠାରେ ରାଷ୍ଟ୍ରପତି ହେଉଛନ୍ତି ରାଷ୍ଟ୍ରମୁଖ୍ୟ, ପ୍ରଧାନମନ୍ତ୍ରୀ ହେଉଛନ୍ତି ଶାସନ ମୁଖ୍ୟ ।
ଆମ ପ୍ରଧାନମନ୍ତ୍ରୀ ଲୋକସଭା ସଦସ୍ୟଙ୍କ ଦ୍ୱାରା ନିର୍ବାଚିତ ହୁଅନ୍ତି , ରାଜ୍ୟସଭା ଏଥିରେ ଅଂଶ ଗ୍ରହଣ କରି ନଥାଏ । ଏପରି କି ଜଣେ ଲୋକସଭାକୁ ନିର୍ବାଚିତ ହେଇ ନଥିଲେ ମଧ୍ୟ ପ୍ରଧାନମନ୍ତ୍ରୀ ହେଇ ପାରିବେ । କିନ୍ତୁ ଆମେରିକା ରାଷ୍ଟ୍ରପତିଙ୍କୁ ଭୋଟରମାନେ ହିଁ ନିର୍ବାଚିତ କରିଥାନ୍ତି ଓ ବାଲେଟ ମାଧ୍ୟମରେ ଭୋଟ ଦେଇଥାନ୍ତି ।

ଆମେରିକା ନିର୍ବାଚନ ବିଭିନ୍ନ ଜଟିଳ ଓ ଦୁର୍ବୋଧ ପ୍ରକ୍ରିୟା ଭିତରେ ବର୍ଷେ / ଦେଢ଼ ବର୍ଷ କାଳ ଚାଲେ । ଏହାକୁ ସରଳ କରିବା ପାଇଁ ଦାବୀ ହେଉଥିଲେ ମଧ୍ୟ ପୂର୍ବବତ ପ୍ରକ୍ରିୟା ଚାଲିଛି ।
ପ୍ରଥମ ପର୍ଯ୍ୟାୟରେ Presidential Primaries & Caucuses ନିର୍ବାଚନ ପ୍ରକ୍ରିୟା ଆରମ୍ଭ ହୁଏ । ଏହି ପ୍ରକ୍ରିୟା ମାଧ୍ୟମରେ ରାଜ୍ୟ ଓ ପାର୍ଟିଗୁଡିକୁ ରାଷ୍ଟ୍ରପତି ପ୍ରାର୍ଥୀ ଚୟନ ପାଇଁ ସୁଯୋଗ ମିଳେ ।

କୋକସ :
କେତେକ ରାଜ୍ୟରେ  ରାଷ୍ଟ୍ରପତି ନିର୍ବାଚନ ପୂର୍ବରୁ ପାର୍ଟିମାନେ କୋକସ ଅନୁଷ୍ଠିତ କରନ୍ତି । କୋକସ ହେଉଛି ରାଜନୈତିକ ବୈଠକ ବା ଆଲୋଚନା ସଭା । ଏହି ବୈଠକଗୁଡ଼ିକ କାଉଁଣ୍ଟି, ଜିଲ୍ଲା କିମ୍ବା ସହରତଳି ଅଞ୍ଚଳରେ ଅନୁଷ୍ଠିତ ହେଇଥାଏ । ଏହାକୁ ଇଲେକ୍ଟ୍ରୋରାଲକୁହାଯାଏ । କେତେକ କୋକସ ପ୍ରତିନିଧିମାନଙ୍କୁ ଗୁପ୍ତ ଭୋଟ ମାଧ୍ୟମରେ ଚୟନ କରନ୍ତି ଓ ଅନ୍ୟ ମାନେ ବୈଠକରେ ଯୋଗଦାନ କରିଥିବା ନାଗରିକଙ୍କୁ ସେମାନେ ପସନ୍ଦ କରୁଥିବା ପ୍ରାର୍ଥୀ ସପକ୍ଷରେ ଗୋଷ୍ଠୀରେ ଭାଗ ହେବାକୁ କୁହନ୍ତି। ଯେଉଁମାନେ ଏହି ଗୋଷ୍ଠୀରେ ରୁହନ୍ତି ନାହିଁ ସେମାନେ ନିଜର ସ୍ୱତନ୍ତ୍ର ଗୋଷ୍ଠୀ କରନ୍ତି । ପ୍ରତ୍ୟେକ ପ୍ରାର୍ଥୀଙ୍କ ଗୋଷ୍ଠୀ ଭାଷଣ ଦେଇ ଅନ୍ୟ ଗୋଷ୍ଠୀର ସମର୍ଥକଙ୍କୁ ତାଙ୍କ ଗୋଷ୍ଠିର ପ୍ରାର୍ଥୀଙ୍କୁ ସମର୍ଥନ କରିବାକୁ ନିବେଦନ କରନ୍ତି । ଏହା ମୁକ୍ତ ଆଲୋଚନା ଭଳି ହେଇଥାଏ । ଶେଷରେ ପ୍ରତିଟି ପ୍ରାର୍ଥୀ କେତୋଟି ପ୍ରତିନିଧି ପାଇଁ ଯୋଗ୍ୟ ହେବେ ତାହା କୋକସ ଭୋଟରେ ପ୍ରାପ୍ତ ଭୋଟ ଦ୍ୱାରା ନିରୂପଣ ହୋଇ ଥାଏ ।

Types of Primaries & Caucuses :
ରାଜ୍ୟ ଓ ରାଜନୈତିକ ଦଳଗୁଡ଼ିକର ନିୟମ ଅନୁଯାୟୀ ପ୍ରାଇମେରୀ ଓ କୋକସଗୁଡ଼ିକ ମୁକ୍ତ, ଗୁପ୍ତ କିମ୍ୱା ସାଙ୍କେତିକ ହେଇଥାଏ ।
ମୁକ୍ତ ପ୍ରାଇମେରୀ ଓ କୋକସ ବେଳେ  ଭୋଟରମାନଙ୍କୁ କୌଣସି ନିର୍ଦ୍ଦିଷ୍ଟ ରାଜନୈତିକ ଦଳର ଅନୁବନ୍ଧିତ ହେବା ପ୍ରୟୋଜନ ନଥାଏ ।
ଗୁପ୍ତ ପ୍ରାଇମେରୀ ବା କୋକସ ବେଳେ କେବଳ ସେଇ ଦଳର  ଭୋଟର ଅଂଶ ଗ୍ରହଣ କରନ୍ତି ଓ ଭୋଟ ପ୍ରଦାନ କରନ୍ତି ।
ଅର୍ଦ୍ଧ ମୁକ୍ତ ଓ ଅର୍ଦ୍ଧ ଗୁପ୍ତ ପ୍ରାଇମେରୀ ଓ କୋକସଗୁଡ଼ିକ ହେଉଛି ଦୁଇଟି ମୁଖ୍ୟ ବୈଶିଷ୍ଟ୍ୟ । ପ୍ରତ୍ୟେକ ରାଜ୍ୟର ପ୍ରାଇମେରୀ ଓ କୋକସ ପରିଚାଳନା ପାଇଁ ନିଜସ୍ଵ ପଦ୍ଧତି ରହିଛି ।

Awarding Delegates :

ପ୍ରତ୍ୟେକ ପ୍ରାର୍ଥୀଙ୍କୁ କେତୋଟି ପ୍ରତିନିଧି ପ୍ରଦାନ କରାଯିବ ତାହା ଜଟିଳ ନିୟମ ଦ୍ୱାରା ନିର୍ଦ୍ଧାରିତ ହୋଇଥାଏ । ଏହି ନିୟମଗୁଡିକ ରାଜ୍ୟ ରାଜ୍ୟ ମଧ୍ୟରେ ମଧ୍ୟ ଫରକ ଥାଏ ଓ ଏହାକୁ ରାଜନୈତିକ ଦଳମାନେ ଜାତୀୟ ଓ ରାଜ୍ୟ ସ୍ତରରେ ନିର୍ଦ୍ଧାରିତ କରିଥାନ୍ତି । ଅଧିକାଂଶ କ୍ଷେତ୍ରରେ ଯେଉଁମାନେ ପ୍ରତିନିଧି ଭାବରେ ଚୟନ ହୋଇ ଥାନ୍ତି, ସେମାନେ ସକ୍ରିୟ ଦଳୀୟ କର୍ମୀ, ନେତା ଅଥବା ଜଣେ ପ୍ରାର୍ଥୀଙ୍କ  ପ୍ରଥମରୁ ସମର୍ଥକ ହେଇଥାନ୍ତି ।
ପ୍ରତିନିଧିମାନେ ନିର୍ବାଚିତ ହେବା ପରେ ସେମାନେ ଜାତୀୟ ପାର୍ଟି କନଭେନସନରେ ନିଜ ରାଜ୍ୟକୁ ପ୍ରତିମିଧିତ୍ୱ କରିଥାନ୍ତି । ଜାତୀୟ କନଭେନସନରେ ସେମାନେ ପାର୍ଟିର ରାଷ୍ଟ୍ରପତି ପ୍ରାର୍ଥୀ ଚୟନ କରିଥାନ୍ତି ।

National Party Convention :

ଜାତୀୟ ପାର୍ଟି କନଭେନସନରେ ପ୍ରତିନିଧିମାନେ ସେମାନଙ୍କ ପସନ୍ଦର ରାଷ୍ଟ୍ରପତି  ପ୍ରାର୍ଥୀକୁ ଭୋଟ ମାଧ୍ୟମରେ ସ୍ୱୀକୃତି ପ୍ରଦାନ କରନ୍ତି ।ଯଦି ପ୍ରାଇମେରୀ ଓ କୋକସ ବେଳେ  କୌଣସି ରାଷ୍ଟ୍ରପତି ପ୍ରାର୍ଥୀ ସଂଖ୍ୟାଧିକ ପ୍ରତିନିଧିଙ୍କ ଭୋଟ ପାଇ ନଥାନ୍ତି ତାହେଲେ କନଭେନସନରେ ରାଷ୍ଟ୍ରପତି ପ୍ରାର୍ଥୀ ଚୟନ ହୋଇଥାଏ । ଏଠାରେ ପୁଣି ପ୍ରତିନିଧିମାନେ ଭୋଟ ପ୍ରଦାନ କରନ୍ତି । ଏହି କନଭେନସନରେ ମନୋନୀତ ରାଷ୍ଟ୍ରପତି ପ୍ରାର୍ଥୀ ନିଜର ଉପରାଷ୍ଟ୍ରପତି ପ୍ରାର୍ଥୀ ମଧ୍ୟ ଘୋଷଣା କରନ୍ତି ।

Types of delegates
at National Convention :

1- ଯେଉଁ ପ୍ରତିନିଧି ପ୍ରାଇମେରୀ ଓ କୋକସ ପ୍ରକ୍ରିୟାରେ ନିର୍ବାଚିତ ହେବା ବେଳେ Pledge କରିଥାନ୍ତି ସେମାନେ ସେଇ ପ୍ରାର୍ଥୀଙ୍କୁ ସମର୍ଥନ କରିବାକୁ ପ୍ରତିଜ୍ଞାବଦ୍ଧ ।
2–ଯେଉଁ ପ୍ରତିନିଧି Unpledged ଥାଆନ୍ତି, କିମ୍ବା ସୁପର ଡେଲିଗେଟ ସେମାନେ ନିଜ ପସନ୍ଦର ପ୍ରାର୍ଥୀଙ୍କୁ ସମର୍ଥନ କରିଥାନ୍ତି ।
ଏହାକୁ Contested Convention କୁହାଯାଏ । ଏକ୍ଷେତ୍ରରେ ଏକାଧିକ ରାଉଣ୍ଡରେ ଭୋଟ ହେଇଥାଏ । ସେତେବେଳେ ଏହି କନଭେନସନକୁ  Brokered Convention କୁହାଯାଏ । ଏକାଧିକ ରାଉଣ୍ଡରେ ଭୋଟ ହେଲେ ପ୍ରତିନିଧିମାନେ ଓ ସୁପର ଡେଲିଗେଟ ମାନେ ନିଜ ଇଚ୍ଛା ଅନୁଯାୟୀ ଭୋଟ ଦିଅନ୍ତି । ଏହା ବାଲେଟ ମାଧ୍ୟମରେ ହେଇଥାଏ । କିନ୍ତୁ ପ୍ରଥମ ରାଉଣ୍ଡରେ ସୁପର ଡେଲିଗେଟମାନେ ଭୋଟ ଦିଅନ୍ତି ନାହିଁ । ସୁପର ଡେଲିଗେଟ ହେଉଛନ୍ତି ଦଳୀୟ ପ୍ରତିନିଧି ।

ରାଷ୍ଟ୍ରପତି ପ୍ରାର୍ଥୀ ପାଇଁ ସର୍ବନିମ୍ନ ଯୋଗ୍ୟତା :

1- ଆମେରିକାରେ ଜନ୍ମିତ ନାଗରିକ ;
2- 35 ବର୍ଷରୁ ଉର୍ଦ୍ଧ୍ବ ;
3-ଆମେରିକାର ଅନ୍ୟୁନ 14 ବର୍ଷ ବାସିନ୍ଦା ।
ଯେଉଁ ବ୍ୟକ୍ତି ଉପରୋକ୍ତ ତିନୋଟି ସର୍ତ୍ତ ପୂରଣ କରୁଥିବେ ସେ ନିଜର ରାଷ୍ଟ୍ରପତି ପ୍ରାର୍ଥୀ ହେବା ପାଇଁ ଇଚ୍ଛା ପ୍ରକାଶ କରି ପାରିବେ । ସେ ପ୍ରଥମେ $ 5000 ପାଣ୍ଠି ସଂଗ୍ରହ କରିବା ବା ପ୍ରଚାରରେ ନିଜେ ଖର୍ଚ୍ଚ କରିବା ପରେ ଫେଡେରାଲ ନିର୍ବାଚନ କମିଶନଙ୍କ ନିକଟରେ ରେଜିଷ୍ଟ୍ରେସନ କରିବାକୁ ବାଧ୍ୟ । ଏହା ସହିତ ସେ ପାଣ୍ଠି ସଂଗ୍ରହ ଓ ପ୍ରଚାର ଖର୍ଚ୍ଚ ଉଠେଇବା ପାଇଁ ପ୍ରିନ୍ସିପାଲ କ୍ୟାମେନ କମିଟି ଘୋଷଣା କରିବେ ।

ଆମେରିକାର ଭୋଟର :
ଆମେରିକାର ନାଗରିକ ପିତାମାତା ଙ୍କ ଠାରୁ ଜନ୍ମ , ନାଚ୍ୟୁରାଲାଇଜେସନ ଦ୍ଵାରା ଆମେରିକା ନାଗରିକ , ନିଜ ରାଜ୍ୟର ପ୍ରୟୋଜନିୟ ଆବାସିକ ପ୍ରମାଣ , 18 ବର୍ଷ , କିମ୍ବା ଭୋଟ ପ୍ରଦାନ ଦିନ 18 ବର୍ଷ   ଇତ୍ୟାଦି ଯୋଗ୍ୟତା ଥିଲେ ଜଣେ ନାଗରିକ ଭୋଟ ଅଧିକାର ପାଇବେ ।

ଚଳିତ ନିର୍ବାଚନରେ ଦୁଇ ପ୍ରାର୍ଥୀ :

ଏହି ନିର୍ବାଚନରେ ପ୍ରଥମେ ଡେମୋକ୍ରାଟିକ ପାର୍ଟିରୁ ବର୍ତ୍ତମାନର ରାଷ୍ଟ୍ରପତି ଜୋ ବାଇଡେନ ଦ୍ୱିତୀୟ ଥର ପ୍ରାର୍ଥୀ ହେବାକୁ ଘୋଷଣା କରି ପ୍ରଚାର କରିଥିଲେ । କିନ୍ତୁ ପ୍ରାଥମିକ ଅବସ୍ଥାରେ ଶାରୀରିକ ନିର୍ବଳତା ଓ ମାନସିକ ଅସ୍ଥିରତା ଯୋଗୁଁ ଉପରାଷ୍ଟ୍ରପତି କମଲା ହାରିସଙ୍କୁ ପ୍ରାର୍ଥୀ କରାଗଲା । ତାଙ୍କ ସମର୍ଥନ ରେ ବାରକା ଓବାମା, ପତ୍ନୀ ମିସେସ ଓବାମା ଓ କନ୍ୟା ମଧ୍ୟ ପ୍ରଚାରକୁ ଓହ୍ଲେଇଲେ ।  କମଲା ହାରିସ ମିନୋସେତା ଗଭର୍ଣ୍ଣର ଟିମ ୱାଲଜେ ଙ୍କୁ ତୁରନ୍ତ ଉପରାଷ୍ଟ୍ରପତି ପ୍ରାର୍ଥୀ ଘୋଷଣା କଲେ । 
ଅନ୍ୟ ପକ୍ଷରେ ଜୋ ବାଇଡେନଙ୍କ ବୈଦେଶିକ ନୀତି ଓ ଆମେରିକାରେ ମୁଦ୍ରାସ୍ଫୀତି ଇତ୍ୟାଦି ଇସ୍ୟୁକୁ ନେଇ ଡୋନାଲଡ଼ ଟ୍ରମ୍ଫ ପ୍ରଥମେ ଆକ୍ରମଣାତ୍ମକ ବିତର୍କ ଆରମ୍ଭ କଲେ । କିନ୍ତୁ ବାଇଡେନ ଓହରି ଯିବାପରେ କମଲା ହାରିସ ରାଷ୍ଟ୍ରପତି ଡିବେଟ ରେ ବହୁତ ଆଗୁଆ ରହିଲେ ।
ବର୍ତ୍ତମାନ ଆମେରିକା ମିଡିଆରେ କମଲା ହାରିସ ଜନମତ ସର୍ଭେ ରେ ଆଗୁଆ ରହିଛନ୍ତି ବୋଲି ପ୍ରଚାର ହେଉଛି । କିନ୍ତୁ କିଛି ମିଡିଆ ଏହି ନିର୍ବାଚନକୁ ଆମେରିକା ନିର୍ବାଚନର ସବୁଠାରୁ ପ୍ରତିଦ୍ବନ୍ଦିତାମୂଳକ ନିର୍ବାଚନ ବୋଲି ଅନୁମାନ କରୁଛନ୍ତି ।
ବର୍ତ୍ତମାନ ଚାଲିଥିବା ଭୋଟଦାନରେ  କମଲା 60% ଅଧିକ ଓ କେତେକ ରାଜ୍ୟରେ 80 % ପର୍ଯ୍ୟନ୍ତ Popular Vote ପାଉଛନ୍ତି ବୋଲି ପ୍ରଚାର ହେଉଛି ।
କିନ୍ତୁ ଆମେରିକା ନିର୍ବାଚନ ପଦ୍ଧତିରେ    ରାଜ୍ୟଗୁଡ଼ିକର ଇଲେକ୍ଟ୍ରୋରାଲ କଲେଜ ଭୋଟ ନିର୍ଣ୍ଣାୟକ ହେଇଥାଏ । ବିଶେଷ କରି ଯେଉଁ ରାଜ୍ୟରେ ଅଧିକ କଂଗ୍ରେସ ପ୍ରତିନିଧି ଇଲେକ୍ଟ୍ରୋରାଲ କଲେଜ ଭୋଟ ପାଇ ନିର୍ବାଚିତ ହୁଅନ୍ତି ସେଇ ରାଜ୍ୟର ସବୁ ଭୋଟ ସେଇ ପାର୍ଟିର ପାର୍ଥିଙ୍କ ଖାତାକୁ ଯାଇଥାଏ । ତେଣୁ Swing State ଗୁଡ଼ିକରେ କିଏ ଆଗୁଆ ହେଉଛି ତା ଉପରେ ଫଳାଫଳ ନିର୍ଭର କରିବ ।
ଟ୍ରମ୍ଫ ପ୍ରଥମ ନିର୍ବାଚନରେ ରାଷ୍ଟ୍ରପତି ପ୍ରାର୍ଥୀ ହେନେରୀ କ୍ଲିଣ୍ଟନଙ୍କ ଠାରୁ 2%  Popular ଭୋଟ କମ ପାଇଥିଲେ ମଧ୍ୟ କେତେକ ବୃହତ ରାଜ୍ୟରେ ଆଗରେ ଥିବା ହେତୁ ସାମାନ୍ୟ ଅଧିକ କଂଗ୍ରେସ ପ୍ରତିନିଧି ଜିତି ରାଷ୍ଟ୍ରପତି ହେଇଥିଲେ ।

ତେଣୁ ଆଗାମୀ ମଙ୍ଗଳବାର କାହା ପାଇଁ ମଙ୍ଗଳମୟ ହେବ ତାହା ଜଣା ପଡିପାରେ ।
କମଲା ହାରିସ ଯଦି ଜିତନ୍ତି ଭାରତୀୟମାନେ ଅଦିନା ଦୀପାବଳି ପାଳନ ନିଶ୍ଚୟ କରିବେ ।।
କିନ୍ତୁ ଆମେରିକା ନିର୍ବାଚନ ଫଳାଫଳ ଭାରତ ପାଇଁ କଣ ହେବ ତାହା ସମୟ କ୍ରମେ ଜଣା ପଡ଼ିବ ।