ଆପଲ ଫୋନ୍ ବ୍ୟବହାରକାରୀଙ୍କ ପାଇଁ ଖୁସି ଖବର

ମୁମ୍ବାଇ; ଭାରତର ମୁମ୍ବାଇର ବାନ୍ଦ୍ରା କୁର୍ଲା କମ୍ପ୍ଲେକ୍ସରେ ପ୍ରଥମ ଥର ଖୋଲିଲା ଆପଲର ଷ୍ଟୋର । ଆପଲର ସିଇଓ ଟିମ୍‌ କୁକ୍‌ ଏହି ଷ୍ଟୋରର ଉଦଘାଟନ କରିଛନ୍ତି । ଆଉ ଆପଲ ବିକେସିର ଶୁଭାରମ୍ଭ ପରେ ଷ୍ଟୋରର ଦ୍ୱାର ପାଖରେ ଛିଡ଼ା ହୋଇ ଆପଲ ସିଇଓ ଗ୍ରାହକଙ୍କୁ ‌ଷ୍ଟୋର ଭିତରକୁ ନିମନ୍ତ୍ରଣ କରୁଥିବାର ଦୃଶ୍ୟ ବି ଦେଖିବାକୁ ମିଳିଥିଲା। ଏହାର ଫଟୋ ଓ ଭିଡିଓ  ସୋସିଆଲ ମିଡିଆରେ ‌ଭାଇରାଲ ହେବାରେ ଲାଗିଛି।
ଭାରତରେ ଏହି ଷ୍ଟୋର ଖୋଲିବା ଆଇଫୋନ ବ୍ୟବହାରକାରୀଙ୍କ ପାଇଁ ଏକ ଖୁସି ଖବର । ଏହି ଷ୍ଟୋରକୁ ଯାଇ ଗ୍ରାହକ ଆପଲ ପ୍ରଡକ୍ଟକୁ କମ ଦାମରେ କିଣିବାର ସୁଯୋଗ ପାଇ ପାରିବେ । ଏହାସହ ସର୍ଭିସ ମଧ୍ୟ ମିଳିପାରିବ। ଏହାସହ ଏହି ଷ୍ଟୋରକୁ ବହୁତ ଭଲ ଶୈଳୀରେ ଡିଜାଇନ କରାଯାଇଛି ।
ମୁମ୍ବାଇରେ ଆପଲ ଷ୍ଟୋରର ଉଦଘାଟନ ପରେ  ସିଇଓ ଟିମ୍‌ କୁକ୍‌ ଆଜି ପ୍ରଧାନମନ୍ତ୍ରୀ ମୋଦୀଙ୍କୁ ଭେଟିବେ। ଏହାପରେ  ସେ ଦେଶର ଜାତୀୟ ରାଜଧାନୀ ଦିଲ୍ଲୀ ଗସ୍ତରେ ବାହାରି ଯିବେ। କାରଣ ଆପଲର ଦ୍ୱିତୀୟ ଷ୍ଟୋର ଦିଲ୍ଲୀରେ ଖୋଲିବାକୁ ଯାଉଛି। ଏହି ଷ୍ଟୋରର ନାଁ ରହିଛି ଆପଲ ସାକେତ୍ । ଏହି ଷ୍ଟୋରରେ ଆପଲର ସମସ୍ତ ନୂତନ ଉତ୍ପାଦ ଉପଲବ୍ଧ ରହିବ । ଏହାସହ ଏହି ଷ୍ଟୋରରେ ଆପଣ ସପୋର୍ଟ ଓ ସର୍ଭିସ ମଧ୍ୟ ପାଇ ପାରିବେ ।

Leave a Reply

Your email address will not be published. Required fields are marked *