ବନ୍ଦ ହୋଇଯିବ ଗୁଗୁଲ୍, ଆମାଜନ୍ ..କାହିଁକି ଏପରି କଥା କହିଲେ ବିଲ୍ ଗେଟ୍ସ
ଭୁବନେଶ୍ୱର : କୌଣସି ବିଷୟରେ ଜାଣିବାକୁ ଚାହିଁଲେ, ସ୍ମାର୍ଟ ଫୋନ ଜରିଆରେ କିଏ ବା ଗୁଗୁଲ ସର୍ଚ୍ଚ ନ କରେ। ହେଲେ ଏହି ଗୁରୁ ତଥା ଗୁଗୁଲ୍ ସର୍ଚ୍ଚ ଆଉ ଦରକାର ହେବ ନାହିଁ। ଯାହା ଆମକୁ ଭାବିଲା ବେଳକୁ ଆଶ୍ଚର୍ଯ୍ୟ ଲାଗୁଛି। ହେଲେ ଏପରି ଏକ ଦିନ ଆସିବ ଏହି ଗୁଗୁଲ ସର୍ଚ୍ଚ ବନ୍ଦ ହେବାକୁ ବାଧ୍ୟ ହେବ ବୋଲି ମାଇକ୍ରୋସଫ୍ଟର ମୁଖ୍ୟ ବିଲ୍ ଗେଟ୍ସ ଚେତାବନୀ ଦେଇଛନ୍ତି। ବିଲ୍ ଙ୍କ କହିବାନୁଯାୟୀ, ଯେଉଁଭଳି ଦ୍ରୁତ ଗତିରେ ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ତଥା କୃତ୍ରିମ ବୁଦ୍ଧିମତ୍ତା ବିକାଶ ହେଉଛି ତାହା ଜାରି ରହିଲେ ଗୁଗୁଲ୍ ସର୍ଚ୍ଚ ଓ ଆମାଜନ ବନ୍ଦ ହୋବାର ବାଟ ଖୋଲିଯିବ। ସେ ଆହୁରି କହିଛନ୍ତି ଯେ ଯଦି ନୂଆ କୃତ୍ରିମ ବୁଦ୍ଧିମତ୍ତା ଟୁଲ୍ ମଣିଷ କିଭଳି ଭାବୁଛି, ଲୋକମାନଙ୍କ ଆବଶ୍ୟକତା ଓ ଅନୁଭବକୁ ଭଲ ଭାବେ ପଢ଼ିପାରିବ ତେବେ ତାହା ମଣିଷର ସ୍ଥାନ ନେଇପାରିବ। ଆଗାମୀ ଦିନରେ ଅତ୍ୟାଧୁନିକ ଏଆଇ ବ୍ୟବସ୍ଥା ଆସିବା ପରେ ଲୋକମାନଙ୍କୁ ଆଉ ବିଭିନ୍ନ ୱେବସାଇଟ୍ ପରିଦର୍ଶନ କରିବାକୁ ପଡ଼ିବନି। ସେହି ସମୟରେ ଗୁଗୁଲ୍ ସର୍ଚ୍ଚ ଓ ଆମାଜନ ଭଳି ୱେବସାଇଟ୍ ଅଦରକାରୀ ହୋଇପଡ଼ିବ ବୋଲି ବିଲ୍ ପୂର୍ବାନୁମାନ କରିଛନ୍ତି। ସେହିପରି ଖୁବ୍ଶୀଘ୍ର ମାନବସମ୍ବଳ ଦ୍ୱାରା କରାଯାଉଥିବା କାମ ମାନବ ପ୍ରସ୍ତୁତ ରୋବଟ୍ ମାନେ କରିବେ। ଏହା ଦ୍ୱାରା ଅଧା କୁଶଳୀ ଶ୍ରମିକମାନଙ୍କ ଲାଗି ରୋଜଗାର ବିପଦ ସୃଷ୍ଟି କରିବ। ଛଟେଇର ବିରାଟ ସୁଯୋଗ ସୃଷ୍ଟି କରିବ। ରୋବଟ୍ ଜରିଆରେ କାରଖାନାରେ କାମ ଶସ୍ତାରେ ଓ ସୁବିଧାରେ ହୋଇପାରିବ। ତେଣୁ କର୍ପୋରେଟ ଜଗତ ଆଉ ମଣିଷଙ୍କୁ ଖୋଜିବେ ନାହିଁ ବୋଲି ବିଲ୍ ମତ ରଖିଛନ୍ତି।
