ଅଷ୍ଟ୍ରେଲିଆକୁ ମିଳିଲା ଆଉ ଏକ ଡେଭିଡ ୱାର୍ନର ଜାଣନ୍ତୁ କେମିତି…

ନିକଟରେ ଅଷ୍ଟ୍ରେଲିଆର କିମ୍ବଦନ୍ତୀ ବ୍ୟାଟ୍ସମ୍ୟାନ୍ ଡେଭିଡ ୱାର୍ନର ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କରିଛନ୍ତି । ଯଦି ଦେଖାଯାଏ ଡେଭିଡ ୱାର୍ନରଙ୍କ ଆନ୍ତର୍ଜାତୀୟ କ୍ୟାରିୟର ବହୁତ ଭଲ ରହିଥିଲା । ଏହି ବ୍ୟାଟ୍ସମ୍ୟାନ୍ ସମସ୍ତ ତିନୋଟି ଫର୍ମାଟରେ ଉତ୍କୃଷ୍ଟ ବ୍ୟାଟିଂର ପ୍ରଦର୍ଶନ ମଧ୍ୟ କରିଛନ୍ତି । କିନ୍ତୁ ଏବେ ପ୍ରଶ୍ନ ଉଠୁଛି ଯେ ଅଷ୍ଟ୍ରେଲିଆ ଦଳରେ ଓପନର୍ ଭାବରେ ଡେଭିଡ ୱାର୍ନରଙ୍କୁ ସ୍ଥାନ କିଏ ନେବ ? ତେବେ ଏହି ପ୍ରଶ୍ନର ଉତ୍ତର ଦେଇଛି ଆଇସିସି ।
ବାସ୍ତବରେ ଆଇସିସି ତାର ଅଫିସିଆଲ୍ ସୋସିଆଲ୍ ମିଡିଆ ହ୍ୟାଣ୍ଡେଲରୁ ଏକ ଭିଡିଓ ପୋଷ୍ଟ କରିଛି । ଏହି ଭିଡିଓରେ ଡେଭିଡ ୱାର୍ନରଙ୍କ ସହ ହ୍ୟାରି ଡିକ୍ସନ୍ ଙ୍କୁ ଦେଖିବାକୁ ମିଳିଛି । ସୋସିଆଲ ମିଡିଆରେ ଭାଇରାଲ ଭିଡିଓରେ ଏହା ଦେଖିବାକୁ ମିଳିଛି ଯେ ହ୍ୟାରି ଡିକ୍ସନଙ୍କ ଅନେକ ସଟ୍ ଯାହା ସେ ଠିକ୍ ଡେଭିଡ ୱାର୍ନରଙ୍କ ଭଳି ଖେଳୁଛନ୍ତି । ବର୍ତ୍ତମାନ ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏଥି ସହିତ ସୋସିଆଲ ମିଡିଆ ବ୍ୟବହାରକାରୀମାନେ କ୍ରମାଗତ ଭାବରେ ହ୍ୟାରି ଡିକ୍ସନ୍ ଉପରେ ନିଜର ମତାମତ ମଧ୍ୟ ଦେଉଛନ୍ତି ।

ତେବେ ଏହି ଉଦୟମାନ ଖେଳାଳି ଜଣଙ୍କ ବର୍ତ୍ତମାନ ଅଷ୍ଟ୍ରେଲିଆ ପକ୍ଷରୁ ଅଣ୍ଡର ୧୯ ବିଶ୍ବକପ ଖେଳୁଛିନ୍ତି । ସେହିପରି ସେ ବିଗ ବ୍ୟାସ ଲିଗରେ ମଧ୍ୟ ମେଲବୋର୍ଣ୍ଣ ପାଇଁ ଖେଳି ଏହି ଯୁବ ବ୍ୟାଟ୍ସମ୍ୟାନ୍ ତାଙ୍କ ଦକ୍ଷତା ସହିତ ବହୁତ ପ୍ରଭାବିତ କରିଛନ୍ତି ।ତେବେ ହ୍ୟାରି ଡିକ୍ସନ୍ ଡେଭିଡ ୱାର୍ଣ୍ଣରଙ୍କ ପରି ଅଷ୍ଟ୍ରେଲିଆ ପାଇଁ ମ୍ୟାଚ ବିଜେତା ଭାବେ ଉଭା ହେବେ କି ନାହିଁ ତାହା ଦେଖିବାର ରହିଛି ।