ବ୍ଲକ କଂଗ୍ରେସ ସଭାପତି ପଦରୁ ଇସ୍ତଫା ଦେଲେ ବସନ୍ତ ମହାକୁର

ଅମରପାଲି;ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ କଂଗ୍ରେସ ସଭାପତି ପଦରୁ ଇସ୍ତଫା ଦେଇଛନ୍ତି ବସନ୍ତ ମହାକୁର। ମାତ୍ର ସେ ଦଳରେ ସାଧାରଣ ସଦସ୍ୟ ଥିବା ପ୍ରକାଶ କରିଛନ୍ତି। ବ୍ୟକ୍ତିଗତ କାରଣ ଦର୍ଶାଇ ସେ ଇସ୍ତଫା ପ୍ରଦାନ କରିଥିବା  ଧରିତ୍ରୀ କୁ ପ୍ରତିକ୍ରିୟା ଦେଇଛନ୍ତି। ସେ ତାଙ୍କର ଇସ୍ତଫା ପତ୍ର ଦଳ ରାଜ୍ୟ ସଭାପତି ଶରତ ପଟ୍ଟନାୟକ ଓ ଜିଲ୍ଲା ସଭପତି ବିନୋଦ ପତ୍ର ଙ୍କୁ ପ୍ରଦାନ କରିଥିବା ସୂଚନା ମିଳିଛି l  ଗତ ରବିବାର କଂଗ୍ରେସ ର ଦଳୀୟ ବିଧାୟକ  ପ୍ରାର୍ଥୀ ଭାବେ ବୀରମହାରାଜପୁର ନିର୍ବାଚନ ମଣ୍ଡଳୀ ପାଇଁ ପ୍ରଦୀପ ସେଠି ଙ୍କ ନାମ ଘୋଷଣା ପରେ ହୁଏତ ଅସନ୍ତୁଷ୍ଟ ଥାଇ ପଦ ରୁ ଇସ୍ତଫା ଦେଇଥିବା ଆଲୋଚନା ହେଉଛି l  ତାଙ୍କ ଇସ୍ତଫା ପତ୍ର ରେ ବ୍ୟକ୍ତିଗତ କାରଣ ଦର୍ଶେଇଥିବା ବେଳେ ବର୍ତ୍ତମାନ ମଧ୍ୟ କଂଗ୍ରେସ ଦଳ ଅଛନ୍ତି ଏବଂ ଥିବେ ବୋଲି କହିଛନ୍ତି।    ତେବେ ପ୍ରାର୍ଥୀ ଘୋଷଣା ହେବା ପରେ ବୀରମହାରାଜପୁର   ବ୍ଲକ କଂଗ୍ରେସ ସଭାପତି ଦଳରୁ ଇସ୍ତଫା ଦେବା ରାଜନୈତିକ ମହଲରେ ଚର୍ଚ୍ଚା ଯୋର ଧରିଛି।