ବୟନଶିଳ୍ପ କ୍ଷେତ୍ରରେ ଓଡ଼ିଶା ହେବ ଦେଶର ପ୍ରାଣକେନ୍ଦ୍ର
ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ୱରେ ରାଜ୍ୟରେ ବିକାଶ ଆଗେଇ ଚାଲିଥିବା ବେଳେ ପୋଷାକ ଶିଳ୍ପ କ୍ଷେତ୍ରରେ ଓଡ଼ିଶା ଦେଶର ପ୍ରାଣକେନ୍ଦ୍ର ହେବାକୁ ଯାଉଛି। ବେଙ୍ଗାଲୁରୁରେ ଆୟୋଜିତ ଓଡ଼ିଶା ନିବେଶକ ସମ୍ମିଳନୀରେ ଓଡ଼ିଶାକୁ ବଡ଼ ସଫଳତା ମିଳିଛି। ଦୁଇଦିନ ଧରି ଚାଲିଥିବା ଏହି ସମ୍ମେଳନରେ ରାଜ୍ୟକୁ ପ୍ରାୟ ୧୧,୫୦୦ କୋଟି ଟଙ୍କାର ନିବେଶ ପ୍ରତିଶ୍ରୁତି ମିଳିଛି। ଏହାଦ୍ୱାରା ରାଜ୍ୟର ପ୍ରାୟ ୩୧,୫୦୦ରୁ ଅଧିକ ନିଯୁକ୍ତି ସମ୍ଭାବନା ସୃଷ୍ଟି ହୋଇପାରିବ। ବୟନ, ପୋଷାକ ଓ ବୈଷୟିକ ବୟନ ଶିଳ୍ପ କ୍ଷେତ୍ରରେ ବିଶେଷ ଧ୍ୟାନ ଦେଇ ଓଡ଼ିଶା ସରକାର ମେ ୧୭ ଓ ୧୮ ତାରିଖରେ ବେଙ୍ଗାଲୁରୁଠାରେ ଏକ ନିବେଶ ପ୍ରୋତ୍ସାହନ ରୋଡ୍ ସୋ’ ଓଡ଼ିଶା ନିବେଶକ ସମ୍ମିଳନୀ ନାମରେ ଆୟୋଜନ କରିଥିଲେ । ମେ ୧୭ ତାରିଖରେ ଓଡ଼ିଶା ମୁଖ୍ୟ ଶାସନ ସଚିବ ପ୍ରଦୀପ ଜେନାଙ୍କ ନେତୃତ୍ୱରେ ଓଡ଼ିଶାର ବରିଷ୍ଠ ପ୍ରତିନିଧି ଦଳ ବିଭିନ୍ନ କ୍ଷେତ୍ରର ୨୨ ଜଣ ନିବେଶକଙ୍କୁ ନେଇ ଗୋଟିଏ ପରେ ଗୋଟିଏ ବୈଠକ କରିଥିଲେ।ଯାହା ବୌଷୟିକ ବୟନ ଶିଳ୍ପ ଏବଂ ପରିଧାନଯୋଗ୍ୟ କ୍ଷତ୍ରର 24ଟି ଶିଳ୍ପକୁ ନେଇ ଏକ ବୈଠକ ଗଠନ କରାଯାଇଛି ।
