ଆଜି ଘୋଷଣା ହେବ ମୁଖ୍ୟମନ୍ତ୍ରୀ ନାମ…

ଭୁବନେଶ୍ବର; ରାଜ୍ୟରେ ବିଜେପି ବହୁମତ ପାଇସାରିବା ପରେ ଓଡ଼ିଶାର ପରବର୍ତ୍ତୀ ମୁଖ୍ୟମନ୍ତ୍ରୀ କିଏ ହେବ ତାକୁ ନେଇ ଚାଲିଛି କଳ୍ପନା ଜଳ୍ପନା । ତେବେ ଏହାରି ଭିତରେ ଆଜି ବସିବ ବିଜେପିର ବିଧାୟକ ଦଳ ବୈଠକ । ଏହି ବୈଠକରେ ସବୁ ବିଧାୟକ ମାନଙ୍କ ମତ ଲୋଡା ଯିବା ପରେ ମୁଖ୍ୟମନ୍ତ୍ରୀ ଘୋଷଣା କରାଯିବ । ଏଥିପାଇଁ ଆଜି ଓଡ଼ିଶାରେ ପହଁଞ୍ଚିବେ ଦୁଇ କେନ୍ଦ୍ରୀୟ ପର୍ଯ୍ୟବେକ୍ଷକ ତଥା କେନ୍ଦ୍ରମନ୍ତ୍ରୀ ରାଜନାଥ ସିଂ ଓ ଭୂପିନ୍ଧର ଯାଦବ । ଏହାପରେ ଘୋଷଣା କରାଯିବ ମୁଖ୍ୟମନ୍ତ୍ରୀଙ୍କ ନାମ । ତେବେ ମୁଖ୍ୟମନ୍ତ୍ରୀ ଦୌଡରେ ଅନେକ ନାମ ରହିଥିବା ବେଳେ ଆଜି ବିଧାୟକ ଦଳ ବୈଠକରେ ଏହାର ନିଷ୍ପତି ନିଆଯିବ । ସେହିପରି ଆଜି ମୁଖ୍ୟମନ୍ତ୍ରୀ ଘୋଷଣା ପରେ ଆସନ୍ତାରକାଲି ଜନତା ମଇଦାନରେ ଶପଥ ସମାରୋହ ଅନୁଷ୍ଠିତ ହେବ । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବିଜେପି ଶାସିତ ରାଜ୍ୟର ମୁଖ୍ୟମନ୍ତ୍ରୀ ମାନେ ଏହି ସମାରୋହରେ ଉପସ୍ଥିତ ରହିବେ ।