ଏହି ସରକାରୀ ଯୋଜନାରେ ୨ ଲକ୍ଷ ଜମା କରି ପାଅନ୍ତୁ ୩୨ ହଜାର ସୁଧ

ନୂଆଦିଲ୍ଲୀ: କେନ୍ଦ୍ର ସରକାର ଦେଶର ବିଭିନ୍ନ ବର୍ଗ ପାଇଁ ବିଭିନ୍ନ ପ୍ରକାରର ସଞ୍ଚୟ ଯୋଜନା ଚଲାଉଛିନ୍ତି । ଏହି ପରିପ୍ରେକ୍ଷୀରେ, କେନ୍ଦ୍ର ସରକାର ମହିଳାମାନଙ୍କ ପାଇଁ କିଛି ସ୍ୱତନ୍ତ୍ର ଯୋଜନା ମଧ୍ୟ ଚଲାଉଛି, ଯେଉଁଥିରେ ନିବେଶ କରି ଅଧିକ ମାତ୍ରାରେ ସୁଧ ଅର୍ଜନ କରାଯାଇପାରିବ। ଯଦି ଆପଣ ବିବାହିତ ତେବେ ଆପଣ ମଧ୍ୟ ଏହି ଯୋଜନାର ଲାଭ ଉଠାଇପାରିବେ। ଆମେ ମହିଳା ସମ୍ମାନ ସଞ୍ଚୟ ପ୍ରମାଣପତ୍ର (MSSC) ଯୋଜନା ବିଷୟରେ କହୁଛୁ। ଆପଣଙ୍କୁ କହିରଖୁଛୁ ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ଏହି ଯୋଜନା ୨୦୨୩ ମସିହାରେ ଆରମ୍ଭ କରିଥିଲେ। ଏହି ଯୋଜନାରେ କେବଳ ମହିଳାମାନଙ୍କ ପାଇଁ ଉଦିଷ୍ଟ।

ଏହି ସ୍କିମ  ଉପରେ ୭.୫ ପ୍ରତିଶତ ସୁଧ ଦିଆଯାଉଛି। ଏହି ଯୋଜନାରେ, ଆପଣ ସର୍ବନିମ୍ନ ୧୦୦୦ ଟଙ୍କା ଏବଂ ସର୍ବାଧିକ ୨ ଲକ୍ଷ ଟଙ୍କା ଜମା କରିପାରିବେ। ଏହି ଯୋଜନା ୨ ବର୍ଷ ମଧ୍ୟରେ ପରିପକ୍ୱ ହୁଏ। ତଥାପି, ଆପଣ ଆକାଉଣ୍ଟ ଖୋଲିବାର ତାରିଖରୁ ୧ ବର୍ଷ ପରେ ବାଲାନ୍ସର ୪୦ ପ୍ରତିଶତ ଉଠାଇ ପାରିବେ। ଏହି ଯୋଜନା ଅଧୀନରେ, ଆପଣ ଯେକୌଣସି ବ୍ୟାଙ୍କ କିମ୍ବା ପୋଷ୍ଟ ଅଫିସରେ ଆପଣଙ୍କ ସ୍ତ୍ରୀଙ୍କ ନାମରେ ଏକ ମହିଳା ସମ୍ମାନ ସଞ୍ଚୟ ପ୍ରମାଣପତ୍ର ଆକାଉଣ୍ଟ ଖୋଲିପାରିବେ।

ମହିଳା ସମ୍ମାନ ସଞ୍ଚୟ ପ୍ରମାଣପତ୍ର ଯୋଜନା ଅଧୀନରେ, ଆପଣ ୨ ଲକ୍ଷ ଟଙ୍କାରୁ ଅଧିକ ଜମା କରିପାରିବେ ନାହିଁ। ଯଦି ଆପଣ ୨ ଲକ୍ଷ ଟଙ୍କା ଜମା କରନ୍ତି, ତେବେ ଏହି ରାଶି ଉପରେ ଆପଣଙ୍କୁ ୭.୫ ପ୍ରତିଶତ ସୁଧ ମିଳିବ। ଏହା ଅନୁସାରେ, ପରିପକ୍ୱତାରେ, ଆପଣଙ୍କ ସ୍ତ୍ରୀ ମୋଟ ୨,୩୨,୦୪୪.୦୦ ଟଙ୍କା ପାଇବେ। ଏହାର ଅର୍ଥ ହେଉଛି ଆପଣଙ୍କ ସ୍ତ୍ରୀ ୨ ଲକ୍ଷ ଟଙ୍କା ଜମା ଉପରେ ମୋଟ ୩୨,୦୪୪ ଟଙ୍କା ସୁଧ ପାଇବେ।

ଯଦି ଆପଣ ଏପର୍ଯ୍ୟନ୍ତ ବିବାହିତ ନୁହଁନ୍ତି, ତେବେ ଆପଣ ଆପଣଙ୍କ ମାଆଙ୍କ ନାମରେ ମହିଳା ସମ୍ମାନ ସଞ୍ଚୟ ପ୍ରମାଣପତ୍ର ଯୋଜନାରେ ମଧ୍ୟ ନିବେଶ କରିପାରିବେ। କେବଳ ଏତିକି ନୁହେଁ, ଯଦି ଆପଣଙ୍କର ଝିଅ ଅଛି ତେବେ ଆପଣ ତାଙ୍କ ନାମରେ ମଧ୍ୟ ନିବେଶ କରିପାରିବେ।