ଆଇପିଏଲ୍ ଅବସର ସମ୍ପର୍କରେ ମୁହଁ ଖୋଲିଲେ ଧୋନି
ଚେନ୍ନାଇ;ଶୁକ୍ରବାର ରାତିରେ ସନ୍ରାଇଜର୍ସ ହାଇଦ୍ରାବାଦ ବିପକ୍ଷ ଚେନ୍ନାଇ ସୁପର୍ କିଙ୍ଗ୍ସ ବିଜୟ ପରେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂହ ଧୋନୀ ଏମିତି କିଛି ସୂଚନା ଦେଇ ନିଜ ପ୍ରଶଂସକ ମାନଙ୍କୁ ଦ୍ବନ୍ଦ୍ବରେ ପକାଇଛନ୍ତି। ଡେଭନ୍ କନୱେଙ୍କ ଆକର୍ଷଣୀୟ ଅର୍ଦ୍ଧଶତକ ଏବଂ ରବୀନ୍ଦ୍ର ଜାଦେଜାଙ୍କ ୩ ୱିକେଟ୍ ନେଇ ଚେନ୍ନାଇ ସୁପର୍ କିଙ୍ଗ୍ସ ୧୩୫ ରନ୍ ଲକ୍ଷ୍ୟକୁ ୮ ବଲ୍ ପୂର୍ବରୁ ହାସଲ କରିଥିଲା। ‘ଦୁଇ ବର୍ଷ ପରେ ପ୍ରଶଂସକମାନେ ଚେନ୍ନାଇ ଆସିବାର ସୁଯୋଗ ପାଇଲେ ଏବଂ ଆମ ଖେଳ ଦେଖିଲେ। ଏହା ଆମକୁ ଭଲ ଅନୁଭବ ଦେଇଛି। ଦର୍ଶକମାନେ ଆମକୁ ଅତି ଭଲ ପାଇବା ଓ ପ୍ରଶଂସିତ କରିଛନ୍ତି। ମୁଁ ଏବେ ସବୁ କିଛି କହି ସାରିଛି ଏବଂ କରିସାରିଛି। ଖେଳ ଜୀବନର ଶେଷ ପର୍ଯ୍ୟାୟରେ ଅଛି ଏବଂ ଯଥା ସମ୍ଭବ ଲମ୍ବା ଖେଳିଛି’ ବୋଲି ଧୋନି ପ୍ରକାଶ କରିଛନ୍ତି। କେବଳ ଆଇପିଏଲ ଖୋଳୁଥିବା ଧୋନି କଣ ଆଗାମୀ ଆଇପିଏଲ ସଂସ୍କରଣ ଖେଳିବେ ତା ନେଇ ଏବେ ତାଙ୍କ ପ୍ରଶଂସକଙ୍କ ମନରେ ଦ୍ୱନ୍ଦ ଦେଖାଦେଇଛି।
