ଅଜଣା ନମ୍ବର କଲକୁ କରନ୍ତୁ ଦୂରୁଜୁହାର
ଭୁବନେଶ୍ୱର : ବହୁ ସମୟରେ ଆମ ମାନଙ୍କୁ ଅଜଣା ନମ୍ବରୁ କଲ୍ ଆସିଥାଏ। ହେଲେ ଏହି ଅଜଣା ନମ୍ବର କଲ୍ ଘାତକ ହୋଇପାରେ। ତେଣୁ ଏହି ସବୁ ଅପରିଚିତ ନମ୍ବରରୁ ଆସୁଥିବା କଲ୍ ନ ଉଠାଇବା ପାଇଁ ଟେଲିକମ୍ ମନ୍ତ୍ରୀ ଅଶ୍ବିନୀ ବୈଷ୍ଣବ ପରାମର୍ଶ ଦେଇଛନ୍ତି। ଏହି ଅବାଞ୍ଛିତ କଲ୍ ଓ ଆହ୍ୱାନ ସମ୍ପର୍କିତ ଏକ ପ୍ରଶ୍ନର ଉତ୍ତରରେ ଶ୍ରୀ ବୈଷ୍ଣବ କହିଛନ୍ତି ଯେ, ଅଜଣା ନମ୍ବରରୁ ଆସୁଥିବା କଲ୍କୁ ଲୋକମାନେ ଉଠାଇବା ଅନୁଚିତ। କେବଳ ସେହି କଲ୍ଗୁଡ଼ିକୁ ଉଠାଇବା ଦରକାର ଯାହା ଯେଉଁ ନମ୍ବରଗୁଡ଼ିକ ନିଜ ଫୋନ୍ରେ ସେଭ୍ ହୋଇଛି। ଯଦି କୌଣସି ଅଜଣା ନମ୍ବର ପ୍ରଥମେ ମେସେଜ୍ ପଠାଇ ନିଜର ପରିଚୟ ଦେବେ ଓ ସେହି ପରିଚୟ ଯଦି ସତ ବୋଲି ମନେ ହେବ ତେବେ ସେଭଳି ନମ୍ବରରୁ ଆସିଥିବା କଲ୍କୁ ଲୋକମାନେ ଉଠାଇପାରିବେ ବୋଲି କେନ୍ଦ୍ର ମନ୍ତ୍ରୀ ପରାମର୍ଶ ଦେଇଛନ୍ତି।
