ଫିଲ୍ମ ରିଲିଜ ପୂର୍ବରୁ ‘ସାଲାର’କୁ ପଛରେ ପକାଇଲା ଶାହାରୁଖଙ୍କ ‘ଡଙ୍କି’ ଜାଣନ୍ତୁ କେମିତି …

୨୦୨୩ ମସିହାର ଦୁଇଟି ବହୁ ପ୍ରତୀକ୍ଷିତ ସିନେମା ଖୁବଶୀଘ୍ର ରିଲିଜ ହେବାକୁ ଯାଉଛି । ଉଭୟ ଶାହାରୁଖ ଖାନଙ୍କ ଫିଲ୍ମ ‘ଡଙ୍କି’ ଏବଂ ସାଉଥ ସୁପରଷ୍ଟାର ପ୍ରଭାସଙ୍କ ଫିଲ୍ମ ‘ସାଲାର’ର ରିଲିଜକୁ ପ୍ରଶଂସକମାନେ ଉତ୍ସୁକତାର ସହ ଅପେକ୍ଷା କରିଛନ୍ତି । ଫିଲ୍ମ ରିଲିଜ୍ ହେବାକୁ ଆଉ ମାତ୍ର କିଛି ଦିନ ବାକି ରହିଛି। ଡିସେମ୍ବର ୨୧ତାରିଖରେ ‘ଡଙ୍କି’ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଥିବାଭେଳେ । ଡିସେମ୍ବର ୨୨ରେ ପ୍ରଭାସଙ୍କ ଫିଲ୍ମ ‘ସାଲାର’ ପ୍ରେକ୍ଷାଳୟକୁ ଆସିବାକୁ ଯାଉଛି । ଏଭଳି ସ୍ଥିତିରେ ରିଲିଜ୍ ପୂର୍ବରୁ ଉଭୟ ଫିଲ୍ମର ଆଡଭାନ୍ସ ବୁକିଂ ଜୋରସୋରରେ ଚାଲିଛି । ତେବେ ଆସନ୍ତୁ ଜାଣିବା ଉଭୟ ‘ଡଙ୍କି’ ଓ ‘ସାଲାର’ର ରୋଜଗାର ଦୃଷ୍ଟିରୁ କେଉଁ ଫିଲ୍ମଟି ଆଗରେ ରହିଛି।

ସୂଚନାଯୋଗ୍ୟ, ଉଭୟ ‘ଡଙ୍କି’ ଓ ‘ସାଲାର’ ଫିଲ୍ମ ଏପର୍ଯ୍ୟନ୍ତ ଆଗୁଆ ବୁକିଂ କରି କୋଟି କୋଟି ଟଙ୍କା ଆୟ କରିସାରିଛନ୍ତି। ପ୍ରଭାସଙ୍କ ଫିଲ୍ମ ‘ସାଲାର’ ପ୍ରଥମ ଦିନ ପାଇଁ ଆଗୁଆ ବୁକିଂ କରି ଏପର୍ଯ୍ୟନ୍ତ ୨,୨୧,୩୪୪ ଟିକେଟ୍ ବିକ୍ରି କରି ୫.୪୫ କୋଟି ଟଙ୍କା ସଂଗ୍ରହ କରିଛି। ରିପୋର୍ଟ ଅନୁଯାୟୀ ଶାହାରୁଖ ଖାନଙ୍କ ଫିଲ୍ମ ପ୍ରଥମ ଦିନରେ ଏପର୍ଯ୍ୟନ୍ତ ୨,୨୯,୪୯୬ ଟିକେଟ୍ ବିକ୍ରି କରିଛି ଏବଂ ଏହାର ବ୍ୟବସାୟ ୬.୭୭ କୋଟି ଟଙ୍କା ରହିଛି । ଅର୍ଥାତ୍ ଆୟ ଦୃଷ୍ଟିରୁ ଏପର୍ଯ୍ୟନ୍ତ ଶାହାରୁଖଙ୍କ ‘ଡଙ୍କି’ ପ୍ରଭାସଙ୍କ ‘ସାଲାର’ ଠାରୁ ଆଗରେ ରହିଛି। ‘ସଲାର’ ଠାରୁ ‘ଡୁଙ୍କି’ ପ୍ରାୟ ଏକ କୋଟି ଅଧିକ ଆୟ କରିଛି।