୧୧,୭୦୩ କୋଟି ଟଙ୍କା ଲାଭ ଦେଇଛି ପୂର୍ବତଟ ରେଳବାଇ ଜୋନ୍
ଭୁବନେଶ୍ୱର : ସାରା ଦେଶରେ ପୂର୍ବତଟ ରେଳପଥ ସର୍ବାଧିକ ଲାଭ କରୁଥିବା ରେଳ ଜୋନ୍। ଗତ ଆର୍ଥିକ ବର୍ଷ ତଥା -୨୦୨୨-୨୩ ରେ ଏହି ଜୋନ୍ ୧୧,୭୦୩ କୋଟି ଟଙ୍କା ଲାଭ କରିଛି। ରେଳବାଇର ସାତଟି ଜୋନ୍କୁ ବାଦ ଦେଲେ ଅନ୍ୟ ସମସ୍ତ ଜୋନ୍ କ୍ଷତିରେ ଚାଲୁଛି। ପୂର୍ବ ରେଳପଥ ସର୍ବାଧିକ ୬୮୦୩ କୋଟି ଟଙ୍କାର କ୍ଷତି କରୁଛି। ଏହି ରିପୋର୍ଟ ୱିଣ୍ଟୱେଲ୍ଥ ପକ୍ଷରୁ ପ୍ରଦାନ କରାଯାଇଛି। ମୋଟ ରାଜସ୍ୱରେ ମାଲ ପରିବହନର ଭାଗ ସର୍ବାଧିକ ୬୮% ଥିବା ବେଳେ ଯାତ୍ରୀ ସେବାରୁ ୨୬% ରାଜସ୍ୱ ଆସୁଛି। ଅବଶିଷ୍ଟ ୬% ଆୟ ଅନ୍ୟାନ୍ୟ ଉତ୍ସରୁ ହେଉଛି। ରେଳବାଇର ମାଲ ପରିବହନରୁ ହେଉଥିବା ଆୟରେ କୋଇଲାର ଭାଗ ସର୍ବାଧିକ ୫୧ ପ୍ରତିଶତ ରହିଥିବା ଜଣାପଡିଛି। ଏହା ପଛକୁ ରହିଛି, ସାର ଓ ପେଟ୍ରୋଲ (୮%), ସିମେଣ୍ଟ (୮%), ଲୁହାପଥର (୭%), ଖାଦ୍ୟଶସ୍ୟ (୭%), ଇସ୍ପାତ (୬%) ଓ କଣ୍ଟେନର (୪%) ପ୍ରମୁଖ।
