ଡୋନାଲ୍ଡ ଟ୍ରମ୍ପଙ୍କୁ ଦୃଢ଼ ସମର୍ଥନ କରି କୋଟି କୋଟି ଟଙ୍କା ଲାଭ କଲେ ଏଲୋନ୍ ମସ୍କ
ଆମେରିକା: ଆମେରିକାର ରାଷ୍ଟ୍ରପତି ନିର୍ବାଚନରେ ଜିତିବା ପରେ ଡୋନାଲ୍ଡ ଟ୍ରମ୍ପ ଏଲୋନ୍ ମସ୍କଙ୍କ ନାମ ପ୍ରଥମ ଭାଷଣରେ ଉଲ୍ଲେଖ କରିଛନ୍ତି। ତାଙ୍କର ସମର୍ଥନ ପାଇଁ ସେ ତାଙ୍କୁ ଧନ୍ୟବାଦ ଦେଇଥିଲେ। ଏହି ନିର୍ବାଚନରେ ଟେସଲା, ସ୍ପେସ୍ ଏକ୍ସ ଏବଂ ସୋସିଆଲ୍ ମିଡିଆ ପ୍ଲାଟଫର୍ମ X ର ମାଲିକ ଏଲୋନ୍ ମସ୍କ ଡୋନାଲ୍ଡ ଟ୍ରମ୍ପଙ୍କୁ ଦୃଢ଼ ସମର୍ଥନ କରିଥିଲେ। X ରେ ଟ୍ରମ୍ପଙ୍କୁ ସମର୍ଥନ କରୁଥିବା ତାଙ୍କର ପୋଷ୍ଟଗୁଡିକ ଭାଇରାଲ ହୋଇଥିଲା। ବର୍ତ୍ତମାନ ଏଥିପାଇଁ ତାଙ୍କୁ ଅତୁଳନୀୟ ପୁରସ୍କାର ମିଳିଛି । ଗୋଟିଏ ଦିନରେ ଟ୍ରମ୍ପଙ୍କ ନିଟ୍ ମୂଲ୍ୟ ୨୬.୫ ବିଲିୟନ ଡ଼ଲାରରେ ବୃଦ୍ଧି ପାଇଛି। ଯାହା ଫଳରେ ସେ ଏବେ ପ୍ରାୟ ୩୦୦ ବିଲିୟନ ଡଲାର ପାଖ ପାଖି ପହଞ୍ଚିଛନ୍ତି।
ବୁଧବାର ଦିନ ଏଲୋନ୍ ମସ୍କଙ୍କର ନେଟୱର୍ଥ ବହୁଗୁଣିତ ହୋଇଛି। ତାଙ୍କର ନିଟ୍ ମୂଲ୍ୟ ୨୬.୫ ବିଲିୟନ ଡ଼ଲାର୍ ଅର୍ଥାତ୍ ଗୋଟିଏ ଦିନରେ ୨,୨୩,୨୩୬ କୋଟି ଟଙ୍କା ବୃଦ୍ଧି ପାଇଛି । ଏହା ସହିତ ଏଲୋନ୍ ମସ୍କର ମୋଟ ସମ୍ପତ୍ତି ଏବେ ୨୯୦ ବିଲିୟନ ଡ଼ଲାରକୁ ବୃଦ୍ଧି ପାଇଛି । ଟେସ୍ଲାର ସେୟାରରେ ବିପୁଳ ବୃଦ୍ଧି ହେତୁ ମସ୍କଙ୍କ ନିଟ୍ ମୂଲ୍ୟରେ ଏହି ବୃଦ୍ଧି ଘଟିଛି । ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସ ଅନୁଯାୟୀ ଏଲୋନ୍ ମସ୍କ ଦୁନିଆର ସବୁଠାରୁ ଧନୀ ବ୍ୟକ୍ତି। ଚଳିତ ବର୍ଷ ଏପର୍ଯ୍ୟନ୍ତ ତାଙ୍କର ସଂପତ୍ତିରେ ୬୧.୧ ବିଲିୟନ ଡ଼ଲାରରେ ବୃଦ୍ଧି ପାଇଛି।
ସେହିପରି ଏହି ରାଷ୍ଟ୍ରପତି ନିର୍ବାଚନରେ ଏଲୋନ୍ ମସ୍କ ଟ୍ରମ୍ପଙ୍କୁ ଦୃଢ଼ ସମର୍ଥନ କରିଛନ୍ତି। ସେ ଏଆଇ (AI) ଜରିଆରେ ଏକ ପ୍ରତିଛବିରେ ମନ୍ତ୍ରୀ ଭାବରେ ଶପଥ ନେଉଥିବାର ପୋଷ୍ଟ ମଧ୍ୟ କରିଥିଲେ। ସେଥିପାଇଁ ବର୍ତ୍ତମାନ ଏହା ମଧ୍ୟ ଅନୁମାନ କରାଯାଉଛି ଯେ ଟ୍ରମ୍ପ ସରକାରରେ ଏଲୋନ୍ ମସ୍କଙ୍କୁ ମନ୍ତ୍ରୀ କରାଯାଇ ପାରେ।
