ସରକାର ବଢାଇଲେ ଇପିଏଫ ସୁଧହାର

ଦେଶର କର୍ମଚାରୀଙ୍କ ପାଇଁ ଖୁସି ଖବର ଆଣିଛନ୍ତି କେନ୍ଦ୍ର ସରକାର । 2022-23 ଆର୍ଥିକ ବର୍ଷ ପାଇଁ କର୍ମଚାରୀଙ୍କ ଭବିଷ୍ୟ ପାଣ୍ଠି ଯୋଜନା ଅଧୀନରେ ଜମା ଉପରେ ସରକାର 8.15 ପ୍ରତିଶତ ସୁଧ ହାର ନିଶ୍ଚିତ କରିଛନ୍ତି। କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ ସଂଗଠନ (ଇପିଏଫଓ) 28 ମାର୍ଚ୍ଚ 2023 ରେ 2022-23 ଆର୍ଥିକ ବର୍ଷ ପାଇଁ କର୍ମଚାରୀଙ୍କ ପ୍ରୋଭିଡେଣ୍ଟ ଫଣ୍ଡ (ଇପିଏଫ) ଜମା ଉପରେ 8.15 ପ୍ରତିଶତ ସୁଧ ଦେବାକୁ ନିଷ୍ପତ୍ତି ନେଇଥିଲା। କିନ୍ତୁ ଏବେ EPFO ଏହାର ଛଅ କୋଟିରୁ ଅଧିକ ସଦସ୍ୟଙ୍କ ପାଇଁ ସୁଧ ବଢାଇ ଦେଇଛି, ଯାହା ପୂର୍ବରୁ 8.10 ପ୍ରତିଶତ ଥିଲା |

ଆଜି ଜାରି କରାଯାଇଥିବା ଏକ ସରକାରୀ ନିର୍ଦ୍ଦେଶ ଅନୁଯାୟୀ, ଇପିଏଫ୍ଓ ଏହାର ଆଞ୍ଚଳିକ କାର୍ଯ୍ୟାଳୟଗୁଡ଼ିକୁ 2022-23 ଆର୍ଥିକ ବର୍ଷ ପାଇଁ 8.22 ପ୍ରତିଶତ ହାରରେ ସୁଧ ସଦସ୍ୟଙ୍କ ଖାତାରେ ଜମା କରିବା ପାଇଁ କହିଛି । ଅର୍ଥ ମନ୍ତ୍ରଣାଳୟ ଏହି ସୁଧ ହାରରେ ରାଜି ହେବା ପରେ ଏହି ନିର୍ଦ୍ଦେଶ ଆସିଛି। ବର୍ତ୍ତମାନ EPFO ର ଆଞ୍ଚଳିକ କାର୍ଯ୍ୟାଳୟଗୁଡ଼ିକ ଗ୍ରାହକଙ୍କ ଆକାଉଣ୍ଟରେ ସୁଧକୁ କ୍ରେଡିଟ୍ କରିପାରିବେ | 2021-22 ଆର୍ଥିକ ବର୍ଷ ପାଇଁ ଇପିଏଫଓ ,ଇପିଏଫ୍ ଡିପୋଜିଟ ଉପରେ 8.10 ପ୍ରତିଶତ ସୁଧ ହାରକୁ ହ୍ରାସ କରିଛନ୍ତି । 1977-78 ମସିହା ପରେ ଏହା ହେଉଛି ଇପିଏଫ ଉପରେ ସର୍ବନିମ୍ନ ସୁଧ ହାର ।ଏ ସଂପର୍କିତ ସରକାରୀ ନିର୍ଦ୍ଦେଶକୁ ସବୁ ଆଞ୍ଚଳିକ କର୍ମଚାରୀ ଭବିଷ୍ୟନିଧି କାର୍ଯ୍ୟାଳୟକୁ ଜଣାଇଦିଆଯାଇଛି । ଶ୍ରମ ଓ ନିଯୁକ୍ତି ମନ୍ତ୍ରଣାଳୟ ପକ୍ଷରୁ ଏହି ପ୍ରସ୍ତାବକୁ କେନ୍ଦ୍ର ସରକାରଙ୍କ ଧାରା ୬୦(୧) ଆଧାରରେ ଗୃହୀତ ହୋଇଛି। ଉପଭୋକ୍ତାଙ୍କୁ ନୂଆ ସୁଧହାର 2023ରୁ ମିଳିବ । ସେଣ୍ଟ୍ରାଲ ବୋର୍ଡ ଅଫ ଟ୍ରଷ୍ଟି(CBT)ର ସୁପାରିଶ ପରେ ସୁଧହାର ଅର୍ଥ ମନ୍ତ୍ରଣାଳୟ ଦ୍ୱାରା ନୋଟିପାଏ କରାଯାଏ । ତାପରେ ଇପିଏଫଓ ଉପଭୋକ୍ତାଙ୍କ ଖାତାରେ ଏହି ସୁଧହାରକୁ ଜମା କରାଯାଏ ।