ଜମା ଉପରେ ସୁଧହାର ବଢ଼ାଇଲା ଇପିଏଫ୍ଓ , ଜାଣନ୍ତୁ କେତେ ବଢ଼ିଲା

କର୍ମଚାରୀ ଭବିଷ୍ୟନିଧି ସଂଗଠନ ଅର୍ଥାତ ଇପିଏଫଓ ୨୦୨୩ -୨୪ ଆର୍ଥିକ ବର୍ଷ ପାଇଁ କର୍ମଚାରୀ ଭବିଷ୍ୟନିଧି(ଇପିଏଫ) ଉପରେ ୮.୨୫ ପ୍ରତିଶତରେ ସୁଧ ହାର ସ୍ଥିର କରିଛି । ଗତ ତିନିବର୍ଷ ମଧ୍ୟରେ ଏହା ହେଉଛି ସର୍ବାଧିକ ସୁଧ ହାର । ଗତ ବର୍ଷ ମାର୍ଚ୍ଚରେ, ଇପିଏଫଓ ୨୦୨୨-୨୩ ଆର୍ଥିକ ବର୍ଷ ପାଇଁ ସୁଧ ହାରକୁ ୮.୧୫ ପ୍ରତିଶତକୁ ବୃଦ୍ଧି କରିଥିଲା । ୨୦୨୧-୨୨ ରେ ଏହା ୮.୧୦ ପ୍ରତିଶତ ଥିଲା । ମାର୍ଚ୍ଚ ୨୦୨୨ ରେ, ଇପିଏଫଓ ୨୦୨୧-୨୨ ଆର୍ଥିକ ବର୍ଷ ପାଇଁ ସୁଧ ହାରକୁ ୮.୧୦ ପ୍ରତିଶତକୁ ହ୍ରାସ କରିଥିଲା, ଯାହା ୧୯୭୭-୭୮ ପରଠାରୁ ସର୍ବନିମ୍ନ ଥିଲା । ସେତେବେଳେ ପିଏଫ୍ ଉପରେ ସୁଧ ହାର ୮ ପ୍ରତିଶତ ଥିଲା ।

୨୦୨୩-୨୪ ଆର୍ଥିକ ବର୍ଷ ପାଇଁ ୮.୨୫ ପ୍ରତିଶତ ସୁଧ ହାର ଦେବାର ନିଷ୍ପତ୍ତି ଆଜି ନିଆଯାଇଛି । ଏହି ନିଷ୍ପତି ଇପିଏଫଓର ସର୍ବୋଚ୍ଚ ନିଷ୍ପତ୍ତି ଗ୍ରହଣକାରୀ ସେଣ୍ଟ୍ରାଲ୍‌ ବୋର୍ଡ ଅଫ୍‌ ଟ୍ରଷ୍ଟିଜ୍‌’ (ସିବିଟି) ଦ୍ୱାରା ନିଆଯାଇଛି। ୨୦୨୩-୨୪ ପାଇଁ ଇପିଏଫ୍ ଉପରେ ୮.୨୫ ପ୍ରତିଶତ ସୁଧ ହାର ଦେବାକୁ ସିବିଟି ନିଷ୍ପତ୍ତି ନେଇଛି ବୋଲି ଏକ ସୂତ୍ରରୁ ଜଣାପଡିଛି। ସିବିଟି ନିଷ୍ପତ୍ତି ପରେ ୨୦୨୩-୨୪ ପାଇଁ ଉପରେ ସୁଧ ହାର ସମ୍ମତି ପାଇଁ ଅର୍ଥ ମନ୍ତ୍ରଣାଳୟକୁ ପଠାଯିବ । ସରକାରଙ୍କ ଅନୁମୋଦନ ପରେ ସୁଧହାର ୬ କୋଟିରୁ ଅଧିକ ଇପିଏଫଓ ସଦସ୍ୟଙ୍କ ଆକାଉଣ୍ଟରେ ଜମା ହେବ।