PM kisan; ଚାଷୀଙ୍କୁ ମିଳିବ ଖୁସି ଖବର , ପିଏମ୍ କିଷାନ ଟଙ୍କାରେ ହୋଇପାରେ ବୃଦ୍ଧି
ଭୁବନେଶ୍ଵର;ଦେଶର କୃଷକ ମାନଙ୍କୁ ମିଳିପାରେ ଖୁସି ଖବର । କେନ୍ଦ୍ର ସରକାରଙ୍କ ପିଏମ କିଷାନ ଯୋଜନାରେ ଚାଷୀ ଭାଇ ମାନଙ୍କୁ ମିଳୁଥିବା ଟଙ୍କାରେ ହୋଇପାରେ ବୃଦ୍ଧି । ପିଏମ କିଷାନ ସମନ ନିଧି ଯୋଜନାରେ କୃଷକ ପରିବାରକୁ ଯେଉଁ ବାର୍ଷିକ ୬୦୦୦ ଟଙ୍କାର ସହାୟତା ମିଳୁଥିଲା ସେଥିରେ ପ୍ରାୟ ୫୦ ପ୍ରତିଶତ ବୃଦ୍ଧି କରିପାରନ୍ତି କେନ୍ଦ୍ର ସରକାର । ତେବେ ଏଥିରେ ୨୦୦୦ରୁ ୩୦୦୦୦ ହଜାର ଟଙ୍କା ପର୍ଯ୍ୟନ୍ତ ଆର୍ଥିକ ସହାୟତା ମିଳିପାରେ । ତେବେ ଏନେଇ ଆର୍ଥିକ ପୋର୍ଟାଲ ଫାଇନାନସିଆଲ ଏକ୍ସପ୍ରେସର ଖବର ଅନୁଯାୟୀ ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ଯେ ଏହି ପ୍ରସ୍ତାବ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ନିକଟରେ ରଖାଯାଇଛି। ଅଧିକାରୀଙ୍କ କହିବାନୁସାରେ, ଯଦି ଏହି ପ୍ରସ୍ତାବ ଗ୍ରହଣ କରାଯାଏ, ତେବେ ବାର୍ଷିକ ୨୦,୦୦୦-୩୦,୦୦୦ କୋଟି ଟଙ୍କା ଖର୍ଚ୍ଚ ସରକାରଙ୍କ ସମ୍ମୁଖରେ ବୃଦ୍ଧି ପାଇବ | ଯଦିଓ ଏହା କେବେ କାର୍ଯ୍ୟକାରୀ ହେବ ତାହା ସ୍ଥିର ହୋଇନାହିଁ, କିନ୍ତୁ ରାଜସ୍ଥାନ, ମଧ୍ୟପ୍ରଦେଶ, ଛତିଶଗଡ ଏବଂ ତେଲେଙ୍ଗାନା ଚାରିଟି ରାଜ୍ୟରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଏହି ନିଷ୍ପତ୍ତି ନିଆଯିବ ବୋଲି ବିଶ୍ୱାସ କରାଯାଉଛି।
