ଅଦାନିଙ୍କ ହାତକୁ ଆସିଲା ଆଏଏନଏସ୍ ନ୍ୟୁଜ ଏଜେନ୍ସି , ମିଡିଆ ସେକ୍ଟରରେ ମୁହାଁ-ମୁହିଁ ହେଲେ ଅମ୍ବାନି ଓ ଅଦାନି
ଭାରତୀୟ ମିଡ଼ିଆ ଜଗତରେ ଅଦାନୀ ଗ୍ରୁପର ଦବଦବା ଦିନକୁ ଦିନ ବଢିବାରେ ଲାଗିଛି । ନ୍ୟୁଜ ଏଜେନ୍ସି ଆଏଏନଏସରେ (IANS)ରେ ଅଦାନି ଗ୍ରୁପର ଭାଗ ୭୬ ପ୍ରତିଶତରେ ପହଁଞ୍ଚିଛି । ବୁଧବାର ଦିନ କମ୍ପାନୀ ଆଏଏନଏସ ମିଡିଆକୁ ୫କୋଟି ଟଙ୍କା ଦେଇ ତାର ଫ୍ରେସ ସେୟାର କିଣିଛି । ଏହାଦ୍ବାର ଏବେ ନ୍ୟୁଜ୍ ଏଜେନ୍ସିରେ ଏଏମଜି(AMG )ର ଅଂଶଧନ ବର୍ତ୍ତମାନ ୫୦.୫ ପ୍ରତିଶତରୁ ୭୬ ପ୍ରତିଶତକୁ ବୃଦ୍ଧି ପାଇଛି | ଏହାପୂର୍ବରୁ, ଏଏମଜି(AMG) ମଧ୍ୟ NDTV ଗ୍ରୁପରକୁ କିଣି ସାରିଛି |ରଏଟର୍ସ ରିପୋର୍ଟ ଅନୁଯାୟୀ, ନିୟାମକ ଦାଖଲରେ କମ୍ପାନୀ ସୂଚନା ଦେଇଛି ଯେ ଭୋଟ୍ ଅଧିକାର ବର୍ଗରେ AMG ର ଅଂଶ ୭୬ ପ୍ରତିଶତ ଏବଂ ଅଣ-ଭୋଟ୍ ଅଧିକାର ବର୍ଗରେ ୯୯.୨୬ ପ୍ରତିଶତକୁ ବୃଦ୍ଧି ପାଇଛି।ତେବେ ଏହା ପୂର୍ବରୁ ଡିସେମ୍ବର ୨୦୨୨ରେ ଏନଡିଟିଭିର ୬୫ ପ୍ରତିଶତ ଅଶଂଧନ କିଣିଥିଲା । ସେହିପରି ୨୦୨୨ର ଆରମ୍ଭରେ ମଧ୍ୟ ଆଦାନୀ ଗ୍ରୁପ କ୍ୱିଣ୍ଟିଲିୟନ ବିଜନେସ୍ ମିଡିଆକୁ ନିଜ ନାମରେ କରିଥିଲା । ବୁଧବାର ଦିନ ଆଦାନୀ ଏଣ୍ଟରପ୍ରାଇଜେସର ସେୟାର ବଜାରରେ ୩୦୨୧ ଟଙ୍କା ମୂଲ୍ୟରେ କାରବାର କରୁଥିଲା ।
ସେହିପରି ଦେଶର ପ୍ରମୁଖ ଦୁଇ ବ୍ୟବସାୟୀ ମୁକେଶ ଅମ୍ବାନି ଏବଂ ଗୌତମ ଅଦାନୀ ଅନ୍ୟ ସେକ୍ଟର ପରି ମିଡିଆ ସେକ୍ଟରରେ ମଧ୍ୟ ମୁହାଁମୁହିଁ ହୋଇଛନ୍ତି । ଅଦାନୀ ଗ୍ରୁପର ଏନଡିଟିଭି ଏବଂ ଏନଡିଟିଭି ପ୍ରଫିଟ୍ । ଅମ୍ବାନିଙ୍କର ରିଲିୟାନ୍ସ ନ୍ୟୁଜ ୧୮ ଏବଂ ମନି କଣ୍ଟ୍ରୋଲକୁ ଟକ୍କର ଦେଉଛି ।
