ଗମ୍ଭୀରଙ୍କ ରାଜନୈତିକ ଇଂନିସରେ ପଡିଲା ପୂର୍ଣ୍ଣଚ୍ଛେଦ …

ଣପୂର୍ବତନ ଭାରତୀୟ ଓପନର୍ ଗୌତମ ଗମ୍ଭୀର ରାଜନୀତିରୁ ଦୂରେଇ ରହିବାକୁ ନିଷ୍ପତ୍ତି ନେଇଛନ୍ତି। କ୍ରିକେଟ୍ କାରଣରୁ ଗମ୍ଭୀର ତାଙ୍କ ରାଜନୈତିକ ଦାୟିତ୍ବରୁ ମୁକ୍ତ ହେବାକୁ ଚାହାଁନ୍ତି। X ରେ ଏକ ପୋଷ୍ଟରେ ଗମ୍ଭୀର ରାଜନୀତିରୁ ଦୂରେଇ ରହିବାକୁ ଘୋଷଣା କରିଥିଲେ। ରାଜନୀତିରୁ ଦୂରେଇ ରହିବାର କାରଣ ଗମ୍ଭୀର କ୍ରିକେଟ୍ ବୋଲି ଦର୍ଶାଇଛନ୍ତି।

ଗୌତମ ଗମ୍ଭୀର ଆଜି (ଶନିବାର) X ରେ ଲେଖିଛନ୍ତି, ମୁଁ ମୋର ରାଜନୈତିକ କର୍ତ୍ତବ୍ୟରୁ ମୁକ୍ତି ପାଇବାକୁ ମାନ୍ୟବର ଦଳର ସଭାପତି ଜେପି ନାଡା ଜିଙ୍କୁ ଅନୁରୋଧ କରୁଛି । ଯାହା ଦ୍ବାରା ମୁଁ ମୋର ଆଗାମୀ କ୍ରିକେଟ୍ ପ୍ରତିଶ୍ରୁତି ଉପରେ ଧ୍ୟାନ ଦେଇ ପାରିବି।

ପୂର୍ବ ଦିଲ୍ଲୀର ବିଜେପି ସାଂସଦ ଗୌତମ ଗମ୍ଭୀର ୨୦୨୪ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ ନାହିଁ। ବିଜେପି ଏହି ତାଲିକା ପ୍ରକାଶ କରିବା ପୂର୍ବରୁ ସେ ରାଜନୀତିରୁ ଅବସର ଘୋଷଣା କରିଛନ୍ତି। ୨୦୧୯ ଲୋକସଭା ନିର୍ବାଚନରେ ସେ ପୂର୍ବ ଦିଲ୍ଲୀ ଆସନରେ ଏକ ବଡ ବିଜୟ ହାସଲ କରିଥିଲେ । ଗମ୍ଭୀର ୨୦୧୨ ଦିନିକିଆ ବିଶ୍ୱକପରେ ୯୭ ରନର ପାଳି ଖେଳି ଭାରତକୁ ବିଜୟର ମୁକୁଟ ପିନ୍ଧାଇଥିଲେ | ଏହା ବ୍ୟତୀତ ସେ ୨୦୦୭ ଟି -୨୦ ବିଶ୍ୱ ଚାମ୍ପିଅନ୍ ଦଳର ମଧ୍ୟ ଅଂଶ ଥିଲେ।
ଚଳିତ ବର୍ଷ ଆଇପିଏଲରେ ସେ କଲିକତାର ମୁଖ୍ୟ ପ୍ରଶିକ୍ଷକ ଭାବେ ଦାୟିତ୍ବ ନେଇଛନ୍ତି । ତେବେ ଏହି ସମୟରେ ନିର୍ବାଚନ ଘୋଷଣା ହେବାର ରହିଛି । ତେବେ ଏହି କାରଣରୁ ବୋଧ ହୁଏ ସେ ନିର୍ବାଚନରେ ପ୍ରତିଦ୍ବନ୍ଦିତା କରିବେନି ବୋଲି ଆଶା କରାଯାଉଛି ।