ରାଜ୍ୟରେ ଜାରି ରହିଛି ପ୍ରଚଣ୍ଡ ଗ୍ରୀଷ୍ମ ପ୍ରବାହ, ଲୁଚକାଳି ଖେଳୁଛି ମୌସୁମୀ…

ଜାରି ରହିଛି ପ୍ରଚଣ୍ଡ ଗ୍ରୀଷ୍ମ ପ୍ରବାହ । ଯେପରି ତତଲା କଡେଇରେ ଭାଜି ହେଉଛି ସାରା ଓଡ଼ିଶା । ତାତି, ଗୁଳୁଗୁଳି ଯେପରି ଜନ ଜୀବନକୁ ଅସ୍ତବ୍ୟସ୍ତ କରିଦେଲାଣି । ଘରୁ ବାହାରିବା କଷ୍ଟକର ହୋଇପଡ଼ିଲାଣି । ଦେହରୁ ଝାଳ ଶୁଖିବାର ନାଁ ନେଉନାହିଁ । ଯେଉଁଠି ମୌସୁମୀର ଆଗମନ ହେବା କଥା ସେଠି ଗରମ ଦିନକୁ ଦିନ ବଢ଼ିବାରେ ଲାଗିଛି । ସାଧାରଣତଃ ରଜ ପର୍ବ କିଛି ଦିନ ପୂର୍ବରୁ ବର୍ଷା ଆରମ୍ଭ ହୋଇଯାଇଥାଏ । କିନ୍ତୁ ଚଳିତ ବର୍ଷର ଚିତ୍ର କିଛି ଅଲଗା । ବର୍ଷା ହେଉନାହିଁ, ଗରମ ଗୁଳୁଗୁଳି ଦିନକୁ ଦିନ ବଢ଼ିବାରେ ଲାଗିଛି । ଏପଟେ ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ସ୍କୁଲ ଖୋଲିବା ତାରିଖକୁ ଘୁଞ୍ଚାଇବାକୁ ଓଡ଼ିଶା ମାଧ୍ୟମିକ ସ୍କୁଲ ଶିକ୍ଷକ ସଙ୍ଘ ‘ଓଷ୍ଟା’ ପକ୍ଷରୁ ଦାବି କରାଯାଇଛି ।