ଆଜି ଆଇପିଏଲରେ ମୁହାଁ-ମୁହିଁ ହେବେ ଦିଲ୍ଲୀ ଓ ହାଇଦ୍ରାବାଦ୍

ହାଇଦ୍ରାବାଦ୍ : ଆଇପିଏଲର ୧୬ତମ ସଂସ୍କରଣର ୩୪ତମ ମ୍ୟାଚରେ ଦିଲ୍ଲୀ ଏବଂ ସନରାଇଜର୍ସ ହାଇଦ୍ରାବାଦ୍ ମଧ୍ୟରେ ଖେଳାଯିବ । ଏହି ମ୍ୟାଚ ରାଜିବ ଗାନ୍ଧୀ ଅନ୍ତଃରାଷ୍ଟ୍ରୀୟ କ୍ରିକେଟ ପଡିଆରେ ସଂନ୍ଧ୍ୟା ୭;୩୦ରେ ଖେଳାଯିବ। ଚଳିତ ଆଇପିଏଲରେ ଏହି ଦୁଇ ଦଳଙ୍କ ପଦର୍ଶନ ଖରାପ ରହିଥିବାରୁ ଦଳର ଖେଳାଳି ଚିନ୍ତିତ ଅଛନ୍ତି । ସେହିପରି ଏହି ୨ ଦଳ ପଏଣ୍ଟ ତାଲିକାର ନବମ ଓ ଦଶମ ସ୍ଥାନରେ ରହିଛନ୍ତି । ହାଇଦ୍ରାବାଦ୍ ତାର ୬ଟି ମ୍ୟାଚରୁ ୨ଟିରେ ବିଜୟଲାଭ କରିଥିବା ବେଳେ ବିପକ୍ଷରେ ଥିବା ଦିଲ୍ଲୀ କ୍ୟାପିଟାଲ ମାତ୍ର ଗୋଟିଏ ମ୍ୟାଚକୁ ଜିତିବାରେ ସଫଳ ହୋଇଛି । ଦିଲ୍ଲୀ ବ୍ୟାଟରଙ୍କ ପକ୍ଷରୁ କେବଳ ଦଳର ଅଧିନାୟକ ଡେଭିଡ୍ ୱାରନର ଭଲ ପଦର୍ଶନ କରୁଥିବାବେଳେ ଆଉ କୌଣଷିବି ଖେଳାଳି ତାଙ୍କ ସାଥ୍ ଦେଉନାହାନ୍ତି । ହାଇଦ୍ରାବାଦର ମଧ୍ୟ ସମାନ ଅବସ୍ଥା। କଲିକତା ବିରୁଦ୍ଧରେ ହ୍ୟାରି ବ୍ରୁକ୍ସ ଆଇପିଏଲରେ ପ୍ରଥମ ଶତକ ହାସଲ କରି ଦଳକୁ ବିଜୟ ପ୍ରଦାନ କରିଥିଲେ । ଆଜିର ମ୍ୟାଚ ଦୁଇ ଦଳ ପାଇଁ କର ବା ମର ପରିସ୍ଥିତି । ହାରିବା ଟିମ୍ ପାଇଁ ଶେଷ ୪ରେ ସ୍ଥାନ ପାଇବା କଷ୍ଟକର ହୋଇପାରେ ।