ବୁମରାଙ୍କ ସହ ୧୮୫ ରନ୍ ଏବଂ ବୁମ୍ରାଙ୍କ ବିନା ୨୦୦

ଅଷ୍ଟ୍ରେଲିଆ : ସିଡନୀରେ ଟିମ୍ ଇଣ୍ଡିଆର ଅବସ୍ଥା ଖରାପ, କିନ୍ତୁ ବିଶେଷଜ୍ଞଙ୍କ ମତ ସମ୍ପୂର୍ଣ୍ଣ ଭିନ୍ନ। ପ୍ରଥମ ଇନିଂସରେ ୪ ରନ୍ ଅଗ୍ରଣୀ ହାସଲ କରିବା ପରେ ଟିମ୍ ଇଣ୍ଡିଆ ଦ୍ୱିତୀୟ ଇନିଂସରେ ମାତ୍ର ୧୪୧ ରନରେ ୬ ୱିକେଟ୍ ହରାଇଛି । ଭାରତର ଅଗ୍ରଣୀ ହେଉଛି ୧୪୫ ରନ୍। ଏଥିରୁ ଜଣାପଡୁଛି ଯେ ଏହି ଟେଷ୍ଟ ଅଷ୍ଟ୍ରେଲିଆର ମୁଠି ଧିରେ ଧିରେ ଶକ୍ତ ହେବାରେ ଲାଗିଛି , କିନ୍ତୁ ପୂର୍ବତନ କ୍ରିକେଟରମାନେ ବିଶ୍ବାସ କରୁଛନ୍ତି ଯେ ଭାରତ ହାତରୁ ଏହି ମ୍ୟାଚ ଏପର୍ଯ୍ୟନ୍ତ ଖସି ନାହିଁ । ଏପରି କିଛି ମନ୍ତବ୍ୟ ରଖିଛନ୍ତି ପୂର୍ବତନ ବୋଲର ଇରଫାନ ପଠାନ । ପଠାନ ବିଶ୍ୱାସ କରୁଛନ୍ତି ଯେ ଏହି ମ୍ୟାଚ ବର୍ତ୍ତମାନ ଭାରତ ସପକ୍ଷରେ ଅଛି। ତାଙ୍କ ଅନୁଯାୟୀ ଏହି ବିଜୟ ଅନୁପାତ ହେଉଛି ୫୫-୪୫| ଦୀପଦାସ ଗୁପ୍ତା ଏହା ମଧ୍ୟ କହିଛନ୍ତି ଯେ ଯଦି ଟିମ୍ ଇଣ୍ଡିଆ ୨୦୦ ଟାର୍ଗେଟ୍ ସ୍ଥିର କରେ ତେବେ ଏହା ସହଜରେ ମ୍ୟାଚ୍ ଜିତିବ କାରଣ ପିଚ୍ ବୋଲରଙ୍କ ପାଇଁ ଉପଯୁକ୍ତ ଅଟେ। ତେବେ ଯଦି ଜସପ୍ରୀତ ବୁମ୍ରା ଦ୍ୱିତୀୟ ଇନିଂସରେ ବୋଲିଂ ନକରନ୍ତି ତେବେ ଏହା ଏକ ପରିବର୍ତ୍ତନ ଆଣିପାରେ। ଏହା ଉପରେ ଇରଫାନ୍ କହିଛନ୍ତି ଯେ ଭାରତୀୟ ଦଳ ବୁମରାଙ୍କ ସହ ୧୮୫ ରନ୍ ଏବଂ ବୁମ୍ରା ବିନା ୨୦୦ ରନ୍ ରକ୍ଷା କରିପାରିବ ।

ଆହତ ବୁମରାଙ୍କ କଣ ରହିଛି ଅପଡେଟ
ଅଷ୍ଟ୍ରେଲିଆର ପ୍ରଥମ ଇନିଂସରେ ଜସପ୍ରୀତ ବୁମ୍ରା ମାତ୍ର ୧୦ ଓଭର ବୋଲିଂ କରିଥିଲେ। ମଧ୍ୟାହ୍ନ ଭୋଜନ ପରେ ସେ କେବଳ ଗୋଟିଏ ଓଭର ବୋଲିଂ କରି ପଡ଼ିଆରୁ ବାହାରକୁ ଚାଲିଯାଇଥିଲେ । ବୁମରା ପଡ଼ିଆରୁ ବାହାରି ଅଭ୍ୟାସ ଜର୍ସିରେ ସେ ଷ୍ଟାଡିୟମ ଛାଡିଥିବାର ନଜର ଆସିଥିଲେ। ଏହି ସମୟ ମଧ୍ୟରେ କୁହାଯାଇଥିଲା ଯେ ବୁମରା ସପୋର୍ଟ ଷ୍ଟାଫଙ୍କ ସହ ସ୍କାନ କରିବାକୁ ଯାଇଥିଲେ। ସୂଚନାଯୋଗ୍ୟ, ବୁମରା ଆସନ୍ତାକାଲି ବ୍ୟାଟିଂ କରିବାକୁ ଆସିବେ କିନ୍ତୁ ତାଙ୍କ ବୋଲିଂ କରିବାକୁ ନେଇ ଏପର୍ଯ୍ୟନ୍ତ କୌଣସି ସୂଚନା ଅବଗତ ହୋଇ ନାହିଁ ।

ସିଡନୀରେ କଣ ରହିଛି ଇତିହାସ
୧୯୭୮ ରେ ଭାରତୀୟ ଦଳ ଶେଷ ଥର ପାଇଁ ସିଡନୀ ଗ୍ରାଉଣ୍ଡରେ  ବିଜୟୀ ହୋଇଥିଲା | ଭାରତ ଏପର୍ଯ୍ୟନ୍ତ ୧୩ ଟି ଟେଷ୍ଟ ମ୍ୟାଚ୍ ଖେଳିଛି। ଏହି ସମୟ ମଧ୍ୟରେ ଭାରତ ଗୋଟିଏ ମ୍ୟାଚ୍ ଜିତି ପାଞ୍ଚଟି ମ୍ୟାଚ୍ ହାରିଛି। ସିଡନୀରେ ଟିମ୍ ଇଣ୍ଡିଆ ସାତୋଟି ମ୍ୟାଚ୍ ଡ୍ର କରିବାରେ ସଫଳ ହୋଇଛି ।