ରାମ ମନ୍ଦିର ଦର୍ଶନ ପାଇଁ ରେଳବାଇ ପକ୍ଷରୁ ବଡ଼ ପ୍ରସ୍ତୁତି , ଏହି ସବୁ ସହରରୁ ଚାଲିବ ୧୦୦୦ରୁ ଅଧିକ ଟ୍ରେନ୍ ଜାଣନ୍ତୁ …

ନୂଆଦିଲ୍ଲୀ ; ରାମ ମନ୍ଦିର ଖୋଲିବା ପରେ ଯାତ୍ରୀମାନଙ୍କ ଦର୍ଶନ ପାଇଁ ଯିବା ଆସିବାରେ ଯେମିତି କୌଣସି ଅସୁବିଧା ନହୁଏ । ଏଥିପାଇଁ ରେଳବାଇ ପକ୍ଷରୁ ବଡ଼ ପ୍ରସ୍ତୁତି କରାଯାଇଛି। ଦେଶର ବିଭିନ୍ନ ସହରରୁ ଅଯୋଧ୍ୟା ପର୍ଯ୍ୟନ୍ତ ୧୦୦୦ରୁ ଅଧିକ ଟ୍ରେନ୍ ଚଳାଚଳ କରିବାକୁ ଯୋଜନା କରିଛି ଭାରତୀୟ ରେଳବାଇ। ରାମ ମନ୍ଦିର ଉଦଘାଟନର ମାତ୍ର କିଛି ଦିନ ପୂର୍ବରୁ ଏହି ଟ୍ରେନ୍ ଚଳାଚଳ ଆରମ୍ଭ ହେବ, ଯାହାଦ୍ୱାରା ଯାତ୍ରୀମାନେ ଆରାମରେ ଅଯୋଧ୍ୟା ଯାତ୍ରା କରିପାରିବେ । ଜାନୁଆରୀ ୨୩ରୁ ସାଧାରଣ ଲୋକଙ୍କ ପାଇଁ ଖୋଲିବ ରାମ ମନ୍ଦିର ଦ୍ୱାର ।

ଦିଲ୍ଲୀ, ମୁମ୍ବାଇ, ଚେନ୍ନାଇ, ବେଙ୍ଗାଲୁରୁ, ପୁଣେ, କୋଲକାତା, ନାଗପୁର, ଲକ୍ଷ୍ନୌ ଏବଂ ଜମ୍ମୁରୁ ଅଯୋଧ୍ୟା କୁ ଟ୍ରେନ୍ ଚଳାଚଳ କରିବ। ଯାତ୍ରୀମାନେ ଯେପରି କୌଣସି ଅସୁବିଧାର ସମ୍ମୁଖୀନ ନହୁଅନ୍ତି ସେଥିପାଇଁ ଚାହିଦାକୁ ଦୃଷ୍ଟିରେ ରଖି ରେଳବାଇ ଟ୍ରେନ୍ ସଂଖ୍ୟା ବଢ଼ାଇବାକୁ ଯୋଜନା କରିଛି।ସେହିପରି ଯାତ୍ରୀ ମାନଙ୍କ ସୁବିଧାକୁ ଦ୍ରୁଷ୍ଚିରେ ରଖି  ଆଇଆରସିଟିସି ମଧ୍ୟ ଦ୍ରୁତ ଗତିରେ କ୍ୟାଟରିଂ ସୁବିଧାରେ ଉନ୍ନତି ଆଣିବା ରେ ଲାଗିଛି ।

ରାମ ମନ୍ଦିରକୁ ବହୁ ସଂଖ୍ୟାରେ ଯାତ୍ରୀ ଆସୁଥିବାରୁ ରେଳବାଇ ପକ୍ଷରୁ ଅଯୋଧ୍ୟା ଷ୍ଟେସନର ନବୀକରଣ କରାଯାଉଛି, ଯେଉଁଥିରେ ଏହି ଷ୍ଟେସନର କ୍ଷମତା କୁ ଦୈନିକ ୫୦,୦୦୦ ଯାତ୍ରୀକୁ ବୃଦ୍ଧି କରାଯାଉଛି । ଜାନୁଆରି ୧୫ ସୁଦ୍ଧା ଏହି କାମ ଶେଷ ହେବ। ତେବେ ଜାନୁଆରି ୨୨ ତାରିଖରେ ଭବ୍ୟ ରାମ ମନ୍ଦିରର ପ୍ରାଣ ପ୍ରତିଷ୍ଠା କରାଯିବା । ଏହି କାର୍ଯ୍ୟକ୍ରମରେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ୭ ହଜାରରୁ ଭିଭିଆଇପି ଓ ଭିଆଇପି ଯୋଗ ଦେବେ ।