ଭାରତର ୧୦ ଧନୀ ବ୍ୟକ୍ତି , ଜାଣନ୍ତୁ କାହା ପାଖରେ କେତେ ଅଛି ସମ୍ପତ୍ତି …

ପଇସାକୁ ନେଇ ଗୋଟିଏ କଥା କୁହାଯାଇପାରିବ କି ଯଦି ପଇସା ଆଜି ଅଛି , ଆସନ୍ତାକାଲି ନାହିଁ । ସେ ସାଧାରଣ ଲୋକଟି ହେଉ ଅବା ହେଉ କୌଣଷି ଧନୀ ବ୍ୟକ୍ତି । ଟଙ୍କା ଆସେ ଓ ଯାଏ , ସେଥିପାଇଁ ତ ଏହାକୁ ଚଞ୍ଚଳା ମଧ୍ୟ କୁହାଯାଏ । ଗୌତମ ଆଦାନୀ ଏକଦା ବିଶ୍ୱର ଦ୍ୱିତୀୟ ଧନୀ ବ୍ୟକ୍ତି ଥିଲେ । ଆଜି ସେ ବିଶ୍ୱର ୧୫ତମ ଧନୀ ବ୍ୟକ୍ତି। ଗୌତମ ଆଦାନୀଙ୍କ ସମ୍ପତ୍ତି (ଗୌତମ ଆଦାନୀ ନେଟ୍ ଓ୍ଵର୍ଥ)ରେ ଚଳିତ ବର୍ଷ ଯଥେଷ୍ଟ ହ୍ରାସ ଘଟିଛି। ୨୦୨୩ରେ ବର୍ତ୍ତମାନ ସୁଦ୍ଧା ତାଙ୍କ ସମ୍ପତ୍ତି ୩୫.୪ ବିଲିୟନ ଡଲାର ହ୍ରାସ ପାଇଛି। ବର୍ତ୍ତମାନ ତାଙ୍କର ମୋଟ ସମ୍ପତ୍ତି ୮୫.୧ ବିଲିୟନ ଡଲାର ରହିଛି। ଆସନ୍ତୁ ଜାଣିବା ଭାରତର ଶ୍ରେଷ୍ଠ ୧୦ ଧନୀ ବ୍ୟକ୍ତି କିଏ।

•  ବ୍ଲୁମବର୍ଗ ବିଲିୟନେୟର୍ସ ଇଣ୍ଡେକ୍ସ ଅନୁଯାୟୀ ମୁକେଶ ଅମ୍ବାନୀ ଭାରତର ପ୍ରଥମ ଏବଂ ବିଶ୍ୱର ୧୩ତମ ଧନୀ ବ୍ୟକ୍ତି । ବର୍ତ୍ତମାନ ତାଙ୍କର ସମ୍ପତ୍ତି ୯୨.୩ ବିଲିୟନ ଡଲାର ରହିଛି। ଚଳିତ ବର୍ଷ ତାଙ୍କ ସମ୍ପତ୍ତି୫.୧୬ ବିଲିୟନ ବୃଦ୍ଧି ପାଇଛି
• ଭାରତର ଦ୍ୱିତୀୟ ଧନୀ ବ୍ୟକ୍ତି ହେଉଛନ୍ତି ଆଦାନୀ ଗ୍ରୁପର ଅଧ୍ୟକ୍ଷ ଗୌତମ ଆଦାନୀ । ତାଙ୍କର ମୋଟ ସମ୍ପତ୍ତି ର ପରିମାଣ ୮୫.୧ ବିଲିୟନ ଡଲାର । ଚଳିତ ବର୍ଷ ଗୌତମ ଆଦାନୀଙ୍କ ସମ୍ପତ୍ତିରେ ବଡ଼ ଧରଣର ହ୍ରାସ ଘଟିଛି। ଚଳିତ ବର୍ଷ ତାଙ୍କ ସମ୍ପତ୍ତି୩୫.୫୪ ବିଲିୟନ ଡଲାର ହ୍ରାସ ପାଇଛି।
• ଶାପୁର ମିସ୍ତ୍ରୀ ହେଉଛନ୍ତି ଭାରତର ତୃତୀୟ ଏବଂ ବିଶ୍ୱର ୪୦ତମ ଧନୀ ବ୍ୟକ୍ତି । ବର୍ତ୍ତମାନ ତାଙ୍କର ସମ୍ପତ୍ତି ୩୪.୧ ବିଲିୟନ ଡଲାର ରହିଛି।
• ଶିବ ନାଦର ବର୍ତ୍ତମାନ ଭାରତର ଚତୁର୍ଥ ଧନୀ ବ୍ୟକ୍ତି ଏବଂ ବିଶ୍ୱର ୪୪ତମ ଧନୀ ବ୍ୟକ୍ତି ଅଟନ୍ତି । ବର୍ତ୍ତମାନ ତାଙ୍କର ସମ୍ପତ୍ତି ୩୨.୬ ବିଲିୟନ ଡଲାର ରହିଛି।
• ସାବିତ୍ରୀ ଜିନ୍ଦଲ ହେଉଛନ୍ତି ଭାରତର ପଞ୍ଚମ ଧନୀ ବ୍ୟକ୍ତି । ସେ ଭାରତର ପ୍ରଥମ ଧନୀ ମହିଳା । ବର୍ତ୍ତମାନ ତାଙ୍କର ମୋଟ ସମ୍ପତ୍ତି ୨୫.୩ ବିଲିୟନ ଡଲାର ରହିଛି।
• ଅଜିମ ପ୍ରେମଜୀ ବର୍ତ୍ତମାନ ଭାରତର ଷଷ୍ଠ ଧନୀ ବ୍ୟକ୍ତି ଏବଂ ବିଶ୍ୱର ୬୮ତମ ଧନୀ ବ୍ୟକ୍ତି ଅଟନ୍ତି । ବର୍ତ୍ତମାନ ତାଙ୍କର ସମ୍ପତ୍ତି ୨୪.୫ ବିଲିୟନ ଡଲାର ରହିଛି। 
• ଦିଲ୍ଲୀପ ସାଙ୍ଘଭି ବର୍ତ୍ତମାନ ଭାରତର ସପ୍ତମ ଏବଂ ବିଶ୍ୱର ୮୫ତମ ଧନୀ ବ୍ୟକ୍ତି ଅଟନ୍ତି । ତାଙ୍କର ମୋଟ ସମ୍ପତ୍ତି ର ପରିମାଣ ୨୦.୩ ବିଲିୟନ ଡଲାର ।
• ଲକ୍ଷ୍ମୀ ମିତ୍ତଲ ହେଉଛନ୍ତି ବିଶ୍ୱର ୮୯ତମ ଧନୀ ବ୍ୟକ୍ତି ଏବଂ ଭାରତର ଅଷ୍ଟମ ଧନୀ ବ୍ୟକ୍ତି । ତାଙ୍କର ମୋଟ ସମ୍ପତ୍ତି ର ପରିମାଣ ୧୯.୮ ବିଲିୟନ ଡଲାର ।
• ରାଧାକୃଷ୍ଣ ଦାମାନି ଭାରତର ନବମ ଏବଂ ବିଶ୍ୱର ୯୪ତମ ଧନୀ ବ୍ୟକ୍ତି ଅଟନ୍ତି । ତାଙ୍କର ମୋଟ ସମ୍ପତ୍ତି ର ପରିମାଣ ୧୯.୪ ବିଲିୟନ ଡଲାର ।
• କୁମାର ବିର୍ଲା ହେଉଛନ୍ତି ଭାରତର ଦଶମ ଧନୀ ବ୍ୟକ୍ତି ଏବଂ ବିଶ୍ୱର ୧୦୩ତମ ଧନୀ ବ୍ୟକ୍ତି । ତାଙ୍କର ମୋଟ ସମ୍ପତ୍ତି ର ପରିମାଣ ୧୭.୭ ବିଲିୟନ ଡଲାର ।