ସୁକନ୍ୟା ସମୃଦ୍ଧି ଯୋଜନାରେ ମାସିକ ଏତିକି ଟଙ୍କା ରଖି ପାଆନ୍ତୁ ୫୦ ଲକ୍ଷ …

 ଝିଅର ପାଠପଢ଼ା ଓ ବାହାଘର ଖର୍ଚ୍ଚକୁ ନେଇ ସବୁ ବାପା ଚିନ୍ତିତ ରହିଥାନ୍ତି । ଏଥିପାଇଁ ସେ ନିଜ ସଞ୍ଚୟ ଟଙ୍କାକୁ ବିଭିନ୍ନ ନିବେଶ ଯୋଜନାରେ ବିନିଯୋଗ କରିଥାନ୍ତି। ଯଦି ଆପଣ ବି ଏକ ଝିଅର ବାପା ତେବେ ଏହା ଆପଣଙ୍କ ପାଇଁ ନିଶ୍ଚିତ ଭାବରେ ଚିନ୍ତାର ବିଷୟ ଅଟେ  ।  ସମୟ କ୍ରମେ ଯୋଜନା କରି ଝିଅର ବାହାଘର ଓ ପାଠପଢ଼ା ଖର୍ଚ୍ଚ ପାଇଁ ସହଜରେ ଟଙ୍କା ଜମା କରିପାରିବେ। ସୁକନ୍ୟା ସମୃଦ୍ଧି ଯୋଜନାରେ ନିବେଶ କରି ଆପଣ ଏହା ସହଜରେ କରିପାରିବେ । ଏବେ ପ୍ରଶ୍ନ ଉଠୁଛି ଯଦି ଆପଣ ନିଜ ଝିଅ ପାଇଁ ୫୦ ଲକ୍ଷ ଟଙ୍କା ଜମା କରିବାକୁ ଚାହୁଁଛନ୍ତି ତେବେ ମାସିକ କେତେ ଟଙ୍କା ବିନିଯୋଗ କରିବାକୁ ପଡିବ । ତେବେ ଆସନ୍ତୁ ଜାଣିବା ଏହା ବିଷୟରେ ।

 ସୁକନ୍ୟା ସମୃଦ୍ଧି ଯୋଜନା ଅନୁଯାୟୀ, ଯଦି ଆପଣ ୧୫ ବର୍ଷ ପର୍ଯ୍ୟନ୍ତ ବାର୍ଷିକ ୧,୧୧,୪୦୦ ଟଙ୍କା ଜମା କରନ୍ତି ତେବେ ପରିପକ୍ୱତା ପରେ ଆପଣ ୫୦ ଲକ୍ଷ ଟଙ୍କାରୁ ଅଧିକ ଟଙ୍କା ପାଇପାରିବେ  । ତେବେ ଏଥିପାଇଁ ଏହି ଯୋଜନା ଉପରେ ବାର୍ଷିକ ୮% ହାରରେ ସୁଧ ମିଳିବା  । ତେବେ ଆପଣଙ୍କ ମନରେ ପ୍ରଶ୍ନ ଉଠୁଥିବ ମାସିକ କେତେ ଟଙ୍କା ଜମା କରିବାକୁ ପଡ଼ିବ। ତେବେ ଆସନ୍ତୁ ଜାଣିବା ୫୦ ଲକ୍ଷ ପାଇବା ପାଇଁ ଆପଣଙ୍କୁ ମାସିକ ୯,୨୮୩ ଟଙ୍କା ଏବଂ ପ୍ରତିଦିନ ୩୦୫ ଟଙ୍କା ଜମା କରିବାକୁ ପଡିବ । ଏଭଳି ସ୍ଥିତିରେ ଯଦି ଆପଣ ଭାବୁଛନ୍ତି ଆପଣଙ୍କ ଝିଅର ବୟସ ୫ ବର୍ଷ, ତେବେ ତାଙ୍କୁ ୨୧ ବର୍ଷ ହେବା ପରେ ୫୦ ଲକ୍ଷରୁ ଅଧିକ ଟଙ୍କା ମିଳିବ ।

ସର୍ବନିମ୍ନ ୨୫୦ ଟଙ୍କା ଜମା ସହିତ ଆପଣ ଏହି ଯୋଜନାରେ ଡିପୋଜିଟ ଖାତା ଖଖୋଲିପାରିବେ । ,ସେହିପରି ସର୍ବାଧିକ ଜମା ରାଶି ୧.୫ ଲକ୍ଷ ଟଙ୍କା ରହିଛି। ମନେ ରଖନ୍ତୁ ଖାତା ଖୋଲିବାର ତାରିଖଠାରୁ ୧୫ ବର୍ଷ ପର୍ଯ୍ୟନ୍ତ ଜମା କରିବା ବାଧ୍ୟତାମୂଳକ, ନଚେତ୍ ଆକାଉଣ୍ଟ ‘ଡିଫଲ୍ଟ’ ଅଧୀନରେ ଚାଲିଯିବ। ଆପଣ ବର୍ଷକୁ ୫୦ ଟଙ୍କା ଜରିମାନା ସହିତ ସେହି ଆକାଉଣ୍ଟପୁନଃ ଆରମ୍ଭ କରିପାରିବେ । ଜମା ରାଶି ପରିପକ୍ୱ ହେବା ପରେ ଅର୍ଥାତ୍ ୧୫ ବର୍ଷ ପରେ ଆପଣଙ୍କୁ କୌଣସି ଜମା କରିବାକୁ ପଡିବ ନାହିଁ । ତେବେ ଜମା ଉପରେ ଆପଣଙ୍କୁ ସୁଧ ମିଳିବ ।