ଟ୍ରେନରେ ଯାତ୍ରା କରୁଥିବା ସମୟରେ ଜୋମାଟୋ କରିବ ଫୁଡ୍ ଡିଲିଭର …

ରେଳ ଯାତ୍ରୀଙ୍କ ପାଇଁ ଖୁସି ଖବର ଭାରତୀୟ ରେଳ ବାଇ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ (ଆଇଆରସିଟିସି) ଅନଲାଇନ୍ ଫୁଡ୍ ଡେଲିଭରି କମ୍ପାନି ଜୋମାଟୋ ଜରିଆରେ ଟ୍ରେନ୍ ରେ ଆପଣଙ୍କ ପସନ୍ଦର ଖାଦ୍ୟ ପହଞ୍ଚାଇବ। ଏଥିପାଇଁ ଆଇଆରସିଟିସି ଜୋମାଟୋ ସହ ଚୁକ୍ତି କରିଛି। ଆଇଆରସିଟିସି ସହ ଏହି ଚୁକ୍ତି ପରେ ଜୋମାଟୋର ଷ୍ଟକ ବୁଧବାର କାରବାର ଅଧିବେଶନରେ ଏକ ବର୍ଷର ସର୍ବୋଚ୍ଚ ସ୍ତରରେ କାରବାର କରୁଛି । ଷ୍ଟକ ଏକ୍ସଚେଞ୍ଜରେ ଦାଖଲ କରାଯାଇଥିବା ଏକ ନିୟାମକ ଫାଇଲିଂରେ ଆଇଆରସିଟିସି ସୂଚନା ଦେଇଛି ଯେ ଆଇଆରସିଟିସିର ଇ-କ୍ୟାଟରିଂ ପୋର୍ଟାଲ ମାଧ୍ୟମରେ ପ୍ରି-ଅର୍ଡର ମିଲ୍ ବିତରଣ ପାଇଁ ଜୋମାଟୋ ସହିତ ଚୁକ୍ତି କରିଛି ଏବଂ ଆଇଆରସିଟିସିର ଇ-କ୍ୟାଟରିଂ ଅଧୀନରେ ରେଳ ଯାତ୍ରୀମାନଙ୍କୁ ସେମାନଙ୍କ ପସନ୍ଦର ଖାଦ୍ୟ ଅର୍ଡର କରିବାର ସୀମା ବୃଦ୍ଧି କରିଛି। ଏହି ଚୁକ୍ତି ଅନୁଯାୟୀ ଜୋମାଟୋ ପ୍ରଥମ ପର୍ଯ୍ୟାୟରେ ୫ଟି ରେଳ ଷ୍ଟେସନ ଯଥା ନୂଆଦିଲ୍ଲୀ, ପ୍ରୟାଗରାଜ, କାନପୁର, ଲକ୍ଷ୍ନୌ ଏବଂ ବାରଣାସୀରେ ଆଇଆରସିଟିସିର ଇ-କ୍ୟାଟରିଂ ପୋର୍ଟାଲ ଜରିଆରେ ପ୍ରି-ଅର୍ଡର ଖାଦ୍ୟ ଯୋଗାଣ କରିବ। । ଆଗାମୀ ଦିନରେ ଏହି ସେବାର ସମ୍ପ୍ରସାରଣ କରାଯିବ। ଅନ୍ୟ ରେଳ ଷ୍ଟେସନଗୁଡ଼ିକୁ ମଧ୍ୟ ଖାଦ୍ୟ ବିତରଣ ପାଇଁ  ଜୋମାଟୋକୁ ସଂଯୋଗ କରାଯିବ। ଆଇଆରସିଟିସିର ଇ-କ୍ୟାଟରିଂ ପୋର୍ଟାଲକୁ ଯାଇ ଆପଣ ନିଜ ମନପସନ୍ଦର ଖାଦ୍ୟ ଅର୍ଡର କରିପାରିବେ । ଆଇଆରସିଟିସି ହେଉଛି ଭାରତୀୟ ରେଳବାଇର ଇ-ଟିକେଟିଂ ପୋର୍ଟାଲର ଏକ ୟୁନିଟ୍ ।