ITR-Verification Last Date 2023; ITR ଯାଞ୍ଚ୍ କରିନାହାଁନ୍ତି ତେବେ ଜାଣନ୍ତୁ କ’ଣ ହେବ ଅସୁବିଧା …
ଆପଣ ଯଦି ଆଇଟିଆର ଫାଇଲ ୩୧ ଜୁଲାଇ ବା ତାପୂର୍ବରୁ ଦାଖଲ କରିଛନ୍ତି । ତେବେ ଆଇଟିଆର ଯାଞ୍ଚ କରିବା ପାଇଁ ଆପଣ ପାଖରେ ଆଉ ସମୟ ନାହିଁ । ଯଦି ଆପଣ ଏହାର ଯାଞ୍ଚ କରିନାହାନ୍ତି ତେବେ ଆପଣଙ୍କର ଆୟକର ଇନଭ୍ୟାଲିଡ୍ ହୋଇଯିବ । ଆୟକର ବିଭାଗ ଏକ୍ସ ପ୍ଲାଟଫର୍ମରେ ଏହିପରି ଟିକସଦାତାଙ୍କ ପାଇଁ ସୂଚନା ଜାରିକରିଛି । ତେବେ ଆପଣ ଯଦି ପୂର୍ବରୁ ଆଇଟିଆର ଦାଖଲ କରିନାହାଁନ୍ତି ତେବେ ଏହା ଦାଖଲ କରିବା ପାଇଁ ଆପଣଙ୍କୁ ଏବେ ଜରିମାନା ସହ ଆୟକର ଦଖଲ କରିବାକୁ ପଡିବ ।
ITR ଯାଞ୍ଚ କରିବାର ତାରିଖ
ଯଦି ଆପଣ ଆଇଟିଆର ପୂର୍ବରୁ ଦାଖଲ କରିସାରିଛନ୍ତି ତେବେ ଆୟକର ବିଭାଗ ପକ୍ଷରୁ ଆପଣଙ୍କୁ ଭେରିଫିକେସନ ପାଇଁ ୩୦ ଦିନ ସମୟ ଦିଆଯାଏ । ଅଥବା ଆଜି ତାର ଶେଷ ତାରିଖ ଏହି ସମୟସୀମା ଭିତରେ ଆପଣଙ୍କ ITR ଯାଞ୍ଚ କରିବା ଆବଶ୍ୟକ ରହିଛି । ନହେଲେ ଆପଣଙ୍କର ଆଇଟିଆର ଖାରଜ ହୋଇଯିବ ।
ITR ଯାଞ୍ଚ ନକଲେ ଅସୁବିଧା କଣ ହେବ
ଆୟକର ରିଟର୍ଣ୍ଣ ଯାଞ୍ଚ ପରେ ହିଁ ITR ସଂପୂର୍ଣ୍ଣ ଦାଖଲ ହୋଇଛି ବୋଲି ବିବେଚିତ କରାଯିବ | ଏଭଳି ପରିସ୍ଥିତିରେ ଟିକସଦାତାଙ୍କୁ ଫେରସ୍ତ ପ୍ରଦାନ କରାଯିବ ନାହିଁ। ଇ-ଯାଞ୍ଚ ବିନା ଆୟକର ବିଭାଗ ଫେରସ୍ତ ପ୍ରଦାନ କରେ ନାହିଁ।
