ଲୋକସଭା ନିର୍ବାଚନ ଲଢିବେ ଜୟଶଙ୍କର, ଧର୍ମେନ୍ଦ୍ର

ନୂଆଦିଲ୍ଲୀ  : ମୋ ଲୋକପ୍ରିୟତାରେ ଢେର ଦିନ ରାଜୁତି କଲଣି। ଦଳ ତୁମାମାନଙ୍କୁ ବହୁଥର ସୁଯୋଗ ଦେଲାଣି। ନିଜ ରାଜ୍ୟ ବାହାରୁ ପ୍ରାର୍ଥୀ କରି ମନ୍ତ୍ରୀ କରିଛି। ନ ହେଲେ ଦଳରେ ଗୁରୁତ୍ୱପୂର୍ଣ୍ଣ ସ୍ଥାନ ଦେଇଛି। ମାତ୍ର ଆଗାମୀ ଦିନରେ ଆପଣମାନଙ୍କୁ ଲୋକସଭା ଲଢିବାକୁ ପଡ଼ିବ। ଏପରି କିଛି ରୋକଠୋକ୍ କଥା ଅମିତ ଶାହଙ୍କ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେପି ନେତାମାନଙ୍କୁ ଶୁଣାଇଛନ୍ତି। ଏହି କ୍ରମରେ ଆଗାମୀ ସାଧାରଣ ନିର୍ବାଚନରେ ପ୍ରାୟ ଅଧ ଡର୍ଜନ କେନ୍ଦ୍ରମନ୍ତ୍ରୀଙ୍କ ସମେତ ୧୮ ଜଣ ରାଜ୍ୟସଭା ଏମପି ପ୍ରାର୍ଥୀ ହେବେ।

ବୈଦେଶିକ ମନ୍ତ୍ରୀ ଜୟଶଙ୍କର ଦିଲ୍ଲୀ, ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓଡ଼ିଶାର ସମ୍ବଲପୁର କିମ୍ବା ଢେଙ୍କାନାଳ ଆସନରୁ ଠିଆହେବେ। ନିର୍ମଳା ସୀତାରମଣ ମଦୁରାଇରୁ, ହରଦୀପ ପୁରୀ ଅମୃତସରରୁ କିମ୍ବା ଅନ୍ୟ କୌଣସି ଶିଖ ବହୁଳ ଆସନରୁ ଲଢ଼ିପାରନ୍ତି। ଭୂପେନ୍ଦ୍ର ଯାଦବ ବିହାର କିମ୍ବା ରାଜସ୍ଥାନରୁ, ପୀୟୂଷ ଗୋଏଲ ଉତ୍ତର ଭାରତରୁ ଲଢିପାରନ୍ତି ବୋଲି ଜଣାପଡିଛି।