ପ୍ରଚାର ପାଇଁ ଝାରସୁଗୁଡ଼ା ଆସିବେ କହ୍ନେୟା କୁମାର

ଭୁବନେଶ୍ୱର,୧୯/୪(ବ୍ୟୁରୋ ): ଜେଏନୟୁ ଛାତ୍ର ସଂସଦର ପୂର୍ବତନ ସଭାପତି କହ୍ନେୟା କୁମାର ଝାରସୁଗୁଡ଼ା ଉପନିର୍ବାଚନ ପାଇଁ କଂଗ୍ରେସ ତରଫରୁ ପ୍ରଚାର କରିବା ନେଇ ଜଣାପଡିଛି l କଂଗ୍ରେସ ପ୍ରାର୍ଥୀ ତରୁଣ ପାଣ୍ଡେଙ୍କ ପାଇଁ କୁମାର ପ୍ରଚାର କରିବେ ବୋଲି ଜଣା ପଡ଼ିଛି l କଂଗ୍ରେସ ପକ୍ଷରୁ ତାରକା ପ୍ରଚାରକ ତାଲିକାରେଏଆଇସିସି ସାଧାରଣ ସମ୍ପାଦକ ଏ. ଚେଲା କୁମାର ମଧ୍ୟ ରହିଛନ୍ତି l
ଏହି ତାଲିକାରେ ପିସିସି ସଭାପତି ଶରତ ପଟ୍ଟନାୟକ, କାର୍ଯ୍ୟକାରୀ ସଭାପତି ଚିରଞ୍ଜୀବ ବିଶ୍ୱାଳ, କଂଗ୍ରେସ ବିଧାୟକ ଦଳର ନେତା ନରସିଂହ ମିଶ୍ର, ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ, ଜୟଦେବ ଜେନା, ପ୍ରସାଦ ହରିଚନ୍ଦନ ପ୍ରମୁଖ ଅଛନ୍ତି।
ସେହିପରି ସାଂସଦ ସପ୍ତଗିରି ଉଲ୍ଲାକା, ଏଆଇସିସି ସାଧାରଣ ସମ୍ପାଦକ ଭକ୍ତ ଚରଣ ଦାସ, ଏଆଇସିସି ସମ୍ପାଦକ ଶରତ ରାଉତ, ପୂର୍ବତନ ଏଆଇସିସି ସମ୍ପାଦକ ବିଶ୍ୱରଞ୍ଜନ ମହାନ୍ତି, କଂଗ୍ରେସ ନେତା ବିଜୟ ପଟ୍ଟନାୟକ, ପୂର୍ବତନ ସାଂସଦ ରାମଚନ୍ଦ୍ର ଖୁଣ୍ଟିଆ ଓ ବରିଷ୍ଠ ନେତା ପଂଚାନନ କାନୁନଗୋ ପ୍ରମୁଖ ରହିଛନ୍ତି l ଏପ୍ରିଲ ୨୫ରୁ ମେ ୮ ପର୍ଯ୍ୟନ୍ତ ଏମାନେ ଝାରସୁଗୁଡାରେ ଉପସ୍ଥିତ ରହି ପ୍ରାର୍ଥୀଙ୍କ ସପକ୍ଷରେ ପ୍ରଚାର କରିବେ ବୋଲି ଜଣା ପଡ଼ିଛି l