7th Pay Commission: କର୍ମଚାରୀ ଏବଂ ପେନସନଭୋଗୀଙ୍କ କେବେ ଓ କେତେ ବଢ଼ିବ ମହଙ୍ଗା ଭତ୍ତା ଜାଣନ୍ତୁ…
ଭୁବନେଶ୍ଵର; କେନ୍ଦ୍ରୀୟ କର୍ମଚାରୀ ଏବଂ ପେନସନଭୋଗୀମାନେ ସରକାରଙ୍କଠାରୁ ମହଙ୍ଗା ଭତ୍ତା ବୃଦ୍ଧିକୁ ଅପେକ୍ଷା କରିଛନ୍ତି, କିନ୍ତୁ ଏନେଇ ଏପର୍ଯ୍ୟନ୍ତ କୌଣସି ଘୋଷଣା କରାଯାଇ ନାହିଁ। କେତେକ ଗଣମାଧ୍ୟମ ଦାବି କରିଛନ୍ତି ଯେ, ସେପ୍ଟେମ୍ବର ମାସରେ କେନ୍ଦ୍ରୀୟ କର୍ମଚାରୀ ଏବଂପେନସନଭୋଗୀଙ୍କ ପାଇଁ ମହଙ୍ଗା ଭତ୍ତା ବୃଦ୍ଧି କରାଯାଇପାରେ । ତଥାପି ଆନୁଷ୍ଠାନିକ ଭାବେ ଏପର୍ଯ୍ୟନ୍ତ କୌଣସି ନିଷ୍ପତ୍ତି ନିଆଯାଇନାହିଁ । ପିଟିଆଇ ରିପୋର୍ଟ ଅନୁଯାୟୀ, ଜୁଲାଇ ୩୧ ରେ ଜୁନ୍ ମାସ ପାଇଁ AICPI ଇଣ୍ଡେକ୍ସ ପ୍ରକାଶ ପାଇଥିଲା, ଯାହା ଅନୁଯାୟୀ ହିସାବ କରାଗଲେ ମହଙ୍ଗା ଭତ୍ତା ଏବଂ ପେନସନ ତିନି ପ୍ରତିଶତ ବୃଦ୍ଧି ପାଇବ। ଯଦି ଏହି ବୃଦ୍ଧି ଘଟେ, ତେବେ କର୍ମଚାରୀଙ୍କ DA ୪୨ ପ୍ରତିଶତରୁ ୪୫ପ୍ରତିଶତକୁ ବୃଦ୍ଧି କରାଯିବ।
ତେବେ ଆସନ୍ତୁ ଜାଣିବା ମହଙ୍ଗା ଭତ୍ତା କେଉଁ ଆଧାରରେ ସ୍ଥିର କରାଯାଏ
ଅଲ୍ ଇଣ୍ଡିଆ ଗ୍ରାହକ ମୂଲ୍ୟ ସୂଚକାଙ୍କର ମାସିକ ସଂଖ୍ୟା ଆଧାରରେ ମହଙ୍ଗା ଭତ୍ତା ସ୍ଥିର କରାଯାଏ । ଜାନୁଆରୀରୁ ଜୁନ୍ ପର୍ଯ୍ୟନ୍ତ AICPI ସୂଚକାଙ୍କ ଆଧାରରେ ଜୁଲାଇ ୨୦୨୩ ରେ ପ୍ରଯୁଜ୍ୟ ମହଙ୍ଗା ଭତ୍ତା ସ୍ଥିର କରାଯାଇଥାଏ । ଅନ୍ୟପକ୍ଷରେ ଯଦି ଛଅ ମାସର ସଂଖ୍ୟାକୁ ଦୃଷ୍ଟିରେ ନିଆଯାଏ, ତେବେ ଏହା ନିଶ୍ଚିତ ଯେ ମହଙ୍ଗା ଭତ୍ତା ରେ ୪ପ୍ରତିଶତ ବୃଦ୍ଧି ଘଟିବ । କିନ୍ତୁ ଶେଷରେ ସରକାର ଏହାର ନିଷ୍ପତ୍ତି ନେଇଥାନ୍ତି।
କେତେ ବଢ଼ିବ ମହଙ୍ଗା ଭତ୍ତା
ଯଦି ଡିଏ ଚାରି ପ୍ରତିଶତ ବୃଦ୍ଧି ହୁଏ, ତେବେ ସରକାରୀ କର୍ମଚାରୀଙ୍କ ପାଇଁ ୧୮,୦୦୦ ଟଙ୍କା ମୌଳିକ ଦରମା ଉପରେ ମାସିକ ମହଙ୍ଗା ଭତ୍ତା ୮୨୮୦ ଟଙ୍କା ହେବ, ଅର୍ଥାତ ମାସିକ ୭୨୦ ଟଙ୍କା ବୃଦ୍ଧି ପାଇବ। ସେହିପରି ବାର୍ଷିକ ୮୬୪୦ ଟଙ୍କା ବୃଦ୍ଧି ହେବ | ଯେଉଁଠାରେ ସର୍ବାଧିକ ମୌଳିକ ଦରମା ୫୬,୯୦୦ ଟଙ୍କା ଅଟେ, ତେବେ ମହଙ୍ଗା ଭତ୍ତା ଉପରେ ମାସିକ ବେତନ ୨୨୭୬ ଟଙ୍କା ବୃଦ୍ଧି ହେବ । ଏହାର ଅର୍ଥ ହେଉଛି ବାର୍ଷିକ ୨୭,୩୧୨ ଟଙ୍କା ବୃଦ୍ଧି ହେବ ।
