ଏଲଆଇସିର ଏହି ଯୋଜନାରେ ମିଳୁଛି ୧୧ ଲକ୍ଷ ପର୍ଯ୍ୟନ୍ତ ଲାଭ

ମହିଳାମାନଙ୍କୁ ସ୍ବାବଲମ୍ବୀ କରିବା ଦିଗରେ ସରକାର ବହୁ ପଦକ୍ଷପ ଗ୍ରହଣ କରୁଛନ୍ତି । ଆମ ଦେଶରେ ମହିଳାମାନଙ୍କୁ କିପରି ଆର୍ଥିକ ସହାୟତା ଯୋଗାଇ ଦିଆଯିବ ସେଥି ପ୍ରତି ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯାଉଛି । ଏହିପରି ଆଜି ଆମେ ମହିଳାମାନଙ୍କ ପାଇଁ ଏମିତି ଏକ ଯୋଜନା ନେଇ ଆସିଛୁ ଯେଉଁଥିରେ ସେମାନେ କମ୍ ଟଙ୍କାରେ ଅଧିକ ଲାଭ ପାଇପାରିବେ । ତେବେ ଆସନ୍ତୁ ଜାଣିବା କ’ଣ ରହିଛି ଏହି ଯୋଜନା । ସାଧାରଣତଃ ଆମେମାନେ ପଇସା ସଞ୍ଚୟ କରିବା ପାଇଁ ଏଲଆଇସିକୁ(LIC) ଏକ ଭରସା ଯୋଗ୍ୟ ସଂସ୍ଥା ଭାବେ ବିବେଚିତ କରିଥାଉ । କାରଣ ଏହି ସଂସ୍ଥା ସୁରକ୍ଷା ଓ ସଞ୍ଚୟ ଦୃଷ୍ଟିରୁ ସର୍ବୋତମ ଅଟେ । ତେବେ ଏହି ଏଲଆଇସି (LIC)ର ଏମିତି ଏକ ପ୍ଲାନ ରହିଛି ଯେଉଥିରେ ମହିଳାମାନେ କେବଳ ୮୭ଟଙ୍କା ସଞ୍ଚୟ କରି ୧୧ ଲକ୍ଷ ପର୍ଯ୍ୟନ୍ତ ଲାଭ ପାଇପାରିବେ ।
ତେବେ ଏହି ଯୋଜନାଟିର ନାମ ହେଉଛି ‘ଏଲଆଇସି ଆଧାର ଶିଲା ଯୋଜନା’ । ଯେଉଁଥିରେ ଆପଣ ମାନେ ଦୈନିକ ୮୭ଟଙ୍କା ବିନିଯୋଗରେ ୧୧ ଲକ୍ଷ ଟଙ୍କା ପାଇପାରିବେ । ଏହାକୁ ହିସାବକୁ ନେଲେ ବର୍ଷିକ ମୋଟ୍‌ ୩୧,୭୫୫ ଟଙ୍କା ଆପଣଙ୍କ ସଞ୍ଚୟ ହେବ । ଯଦି ଆପଣ ଏହି ଯୋଜନାରେ ଦଶ ବର୍ଷ ପାଇଁ ବିନିଯୋଗ କରନ୍ତି, ତେବେ ଆପଣ ମୋଟ ୩,୧୭,୫୫୦ ଟଙ୍କା ଜମା କରିପାରିବେ ।
ଏହି ଯୋଜନାର ଅବଧି ୭୦ ବର୍ଷ ରହିଛି । ଆପଣ ଏଥିରେ ଟଙ୍କା ରଖିଲେ ପରିପକ୍ୱତା ସମୟରେ ଆପଣଙ୍କୁ ୧୧ ଲକ୍ଷ ଟଙ୍କା ମିଳିବ । ୮ରୁ ୫୫ ବର୍ଷର ମହିଳାମାନେ ଏଲଆଇସି(LIC)ର ଏହି ଯୋଜନାରେ ବିନିଯୋଗ କରିପାରିବେ । ସେହିପରି ନିୟମ ଅନୁସାରେ ଏଲଆଇସି(LIC)ର ଆଧାର ଶୀଲା ଯୋଜନାରେ ସର୍ବନିମ୍ନ ରାଶି ୭୫ ହଜାର ଟଙ୍କା ସ୍ଥିର କରାଯାଇଛି । ସର୍ବନିମ୍ନ ଅବଧି ସମୟ ୧୦ ବର୍ଷ ରଖାଯାଇଛି । ସେହିପରି ନିବେଶକଙ୍କ ବୟସ ସର୍ବାଧିକ ୨୦ ବର୍ଷ ରହିଥିବା ନେଇ କୁହାଯାଇଛି ।