Railway Recruitment 2023; ରେଳବାଇରେ ନିଯୁକ୍ତି , ଜାଣନ୍ତୁ କେତେ ରହିଛି ପଦବୀ ସଂଖ୍ୟା …
ରେଳବାଇ ନିଯୁକ୍ତି ସେଲ୍ ଦ୍ୱାରା ଜାରି ହୋଇଛି ନିଯୁକ୍ତି ବିଜ୍ଞପ୍ତି । ଏନେଇ କେନ୍ଦ୍ରୀୟ ରେଳବାଇରେ ଦୁଇ ହଜାରକୁ ଅଧିକ ଆପ୍ରେଣ୍ଟିସ୍ ପଦବୀ ପୂରଣ ହେବ । ଏନେଇ ଆଶାୟୀ ପ୍ରାର୍ଥୀମାନେ ଏହି ଆବେଦନ କରିବାକୁ ଅଫିସିଆଲ୍ ସାଇଟ୍ rrccr.com ଭିଜିଟ୍ କରି ଆବେଦନ କରିପାରିବେ । ଏଥିପାଇଁ ଆଜିଠାରୁ ଆରମ୍ଭ ହୋଉଛି ଆବେଦନ ପ୍ରକ୍ରିୟା । ଏହି ଆବେଦନ ପ୍ରକ୍ରିୟା ସେପ୍ଟେମ୍ବର ୨୮ ପର୍ଯ୍ୟନ୍ତ ଜାରି ରହିବ ।
ଏହି ନିଯୁକ୍ତି ଡ୍ରାଇଭ୍ କେନ୍ଦ୍ରୀୟ ରେଳବାଇରେ ଆପ୍ରେଣ୍ଟିସର ୨୪୦୯ ଟି ପଦ ପୂରଣ କରିବ । ଏହି ନିଯୁକ୍ତି ଡ୍ରାଇଭ୍ ଅଧୀନରେ ମୁମ୍ବାଇ କ୍ଲଷ୍ଟରର ୧୬୪୯ ଟି ପୋଷ୍ଟ, ପୁନେ କ୍ଲଷ୍ଟରର ୧୫୨ ଟି ପୋଷ୍ଟ, ସୋଲାପୁର କ୍ଲଷ୍ଟରର ୭୬ଟି ପୋଷ୍ଟ, ଭୁସାବଲ କ୍ଲଷ୍ଟରର ୪୧୮ ଟି ପୋଷ୍ଟ ଓ ନାଗପୁର କ୍ଲଷ୍ଟରର ୧୧୪ ଟି ପଦବୀ ପୂରଣ ହେବ ।
ବୟସ ସୀମା :
ଏହି ନିଯୁକ୍ତି ଡ୍ରାଇଭ ପାଇଁ ଆବେଦନ କରୁଥିବା ପ୍ରାର୍ଥୀଙ୍କ ବୟସସୀମା ୧୫ ବର୍ଷରୁ ୨୪ ବର୍ଷ ମଧ୍ୟରେ ରହିବା ଉଚିତ୍ ।
ଚୟନ ପକ୍ରିୟା :
ଏହି ନିଯୁକ୍ତି ଡ୍ରାଇଭ ପାଇଁ ଆବେଦନ କରୁଥିବା ପ୍ରାର୍ଥୀ ନିଶ୍ଚିତ ଭାବରେ ଦଶମ ଶ୍ରେଣୀ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା କିମ୍ବା ସ୍ୱୀକୃତିପ୍ରାପ୍ତ ବୋର୍ଡରୁ ସର୍ବନିମ୍ନ ୫୦% ମାର୍କ ସହିତ ପାସ କରିଥିବା ଆବଶ୍ୟକ । ଏହା ସହିତ ପ୍ରାର୍ଥୀଙ୍କର ସମ୍ପୃକ୍ତ ଟ୍ରେଡରେ ଆଇଟିଆଇ ସାର୍ଟିଫିକେଟ୍ ମଧ୍ୟ ରହିବା ଉଚିତ୍ ।
ଷ୍ଟାଇପେଣ୍ଡ୍ :
ଏହି ପଦବୀରେ ମନୋନୀତ ପ୍ରାର୍ଥୀଙ୍କୁ ମାସକୁ ୭ ହଜାର ଟଙ୍କା ପର୍ଯ୍ୟନ୍ତ ଷ୍ଟାଇପେଣ୍ଡ ଦିଆଯିବ ।
ଆବେଦନ ଶୁଳ୍କ :
ନିଯୁକ୍ତି ପାଇଁ ଆବେଦନ କରୁଥିବା ପ୍ରାର୍ଥୀଙ୍କୁ ଆବେଦନ ଶୁଳ୍କ ଦେବାକୁ ପଡିବ । ଏହି ନିଯୁକ୍ତି ଅଭିଯାନ ପାଇଁ ଆବେଦନ ଶୁଳ୍କ ୧୦୦ ଟଙ୍କା ରଖାଯାଇଛି । ପ୍ରାର୍ଥୀମାନେ ଡେବିଟ୍ କାର୍ଡ / କ୍ରେଡିଟ୍ କାର୍ଡ / ଇଣ୍ଟରନେଟ୍ ବ୍ୟାଙ୍କିଙ୍ଗ୍ / ଏସବିଆଇ ଚାଲାଣ ଇତ୍ୟାଦି ମାଧ୍ୟମରେ ଆବେଦନ ଶୁଳ୍କ ଦେଇପାରିବେ ।
ଅଧିକ ବିବରଣୀ ପାଇବା ପାଇଁ ଆଶାୟୀ ପ୍ରାର୍ଥୀମାନେ ଅଫିସିଆଲ୍ ସାଇଟ୍ ଭିଜିଟ୍ କରିପାରିବେ ।
