ସାରା ଦେଶରେ କୋଟି କୋଟି ଚାଷୀଙ୍କ ପାଇଁ ଖୁସି ଖବର ଆଣିଛନ୍ତି କେନ୍ଦ୍ର ସରକାର । 28 ଜୁଲାଇରେ କୃଷକଙ୍କ ବ୍ୟାଙ୍କ ଆକାଉଣ୍ଟରେ ପିଏମ କିଷାନଙ୍କ 14 ତମ କିସ୍ତି ଜମା କରିବାକୁ ଯାଉଛନ୍ତି। ଆପଣ ଜାଣିଥିବେ ପିଏମ କିଷାନ ଯୋଜନା ଅଧୀନରେ ଦେଶର ଯୋଗ୍ୟ କୃଷକମାନଙ୍କୁ ବର୍ଷକୁ ତିନିଥର 2-2 ହଜାର ଟଙ୍କା ଦିଆଯାଏ। ଅର୍ଥାତ୍ ସରକାର ବର୍ତ୍ତମାନ ଦେଶର ଚାଷୀଙ୍କୁ ବାର୍ଷିକ 6,000 ଟଙ୍କା ଆର୍ଥିକ ସହାୟତା ଦେଉଛନ୍ତି। ଏହା ସହିତ ଅଯୋଗ୍ୟ ହିତାଧିକାରୀଙ୍କୁ ବାହର କରିବା ପାଇଁ ସରକାର ପଦକ୍ଷପ ନେବା ବେଳେ ଯୋଗ୍ୟ ହିତାଧିକାରୀଙ୍କୁ ଏଥିରୁ ଅଜାଣତରେ ବଳି ପଡୁଛନ୍ତି । ଯଦି ଆପଣ ଜଣେ ଯୋଗ୍ୟ ହିତାଧିକାରୀ ତେବେ କରନ୍ତୁ ଏହି ତିନୋଟି କାମ ।
ଇ- କେୱାଇସି ସଂପୂର୍ଣ୍ଣ କରିବା ଜରୁରୁ
ନିକଟରେ ସରକାର ପିଏମ କିଷାନ ଅଧୀନରେ ପଞ୍ଜୀକୃତ ଚାଷୀଙ୍କ ଫେସ୍ ସ୍କାନ କରି ଇ-କେୱାସି ସଂପୂର୍ଣ୍ଣ କରିବାର ସୁବିଧା ପିଏମ କିସାନ ମୋବାଇଲ୍ ଆପ୍ ରେ ଏକ ନୂତନ ସୁବିଧା ଆରମ୍ଭ କରାଯାଇଛି | ଏହା ମାଧ୍ୟମରେ କୃଷକମାନେ ଓଟିପି ( OTP) କିମ୍ବା ଫିଙ୍ଗର ପ୍ରିଣ୍ଟ ବିନା ମୁହଁ ସ୍କାନ କରି ଇ- କେୱାଇସି ସଂପୂର୍ଣ୍ଣ କରିପାରିବେ | ଯଦି ଆପଣ ଏପର୍ଯ୍ୟନ୍ତ ଇ- କେୱାସି ସମାପ୍ତ କରିନାହାଁନ୍ତି, ତେବେ ଶିଘ୍ର ଏହି କେୱାଇସି କରେଇ ନିୟନ୍ତୁ | ବିନା କେୱାଇସିରେ ଆପଣଙ୍କ ଟଙ୍କା ପାଇପାରିବେ ନାହିଁ ।
କେବଳ NPCI ସହିତ ସଂଯୁକ୍ତ ବ୍ୟାଙ୍କ ଆକାଉଣ୍ଟରେ ଆସିବ ପଇସା
ପିଏମ କିଷାନ ନିଧି ଯୋଜନା ଅଧୀନରେ 14 ତମ କିସ୍ତି ଦେୟ ପାଇଁ ସରକାର ଆଧାର ଏବଂ ଏନପିସିଆଇ (National Pay
Ment Corporation of India ) ସଂଯୁକ୍ତ ବ୍ୟାଙ୍କ ଆକାଉଣ୍ଟକୁ ବାଧ୍ୟତାମୂଳକ କରିଛନ୍ତି | ଏଥିପାଇଁ ଆଧାର ଏବଂ ଏନପିସିଆଇ କୁ ହିତାଧିକାରୀଙ୍କ ବ୍ୟାଙ୍କ ଆକାଉଣ୍ଟ ସହିତ ଯୋଡିବାକୁ ସରକାର ପୋଷ୍ଟ ବିଭାଗକୁ ଅନୁମତି ଦେଇଛନ୍ତି। ଏହି ପରିପ୍ରେକ୍ଷୀରେ, ତୁମେ ତୁମର ନିକଟତମ ଡାକଘର ନିକଟକୁ ଯାଇ ଇଣ୍ଡିଆ ପୋଷ୍ଟ ପେମେଣ୍ଟ ବ୍ୟାଙ୍କ (ଆଇପିପିବି) ସହିତ ଏକ ନୂତନ ଆକାଉଣ୍ଟ ଖୋଲିବା ଆବଶ୍ୟକ ।
ବ୍ୟାଙ୍କ ଖାତାକୁ NCPI ସହିତ ଲିଙ୍କ୍ କରନ୍ତୁ
ବ୍ୟାଙ୍କ ଖାତାକୁ ଏନସିପିଆଇ ସହିତ ଲିଙ୍କ କରିବା ପାଇଁ ଆପଣଙ୍କର ଆବଶ୍ୟକ ପ୍ରମାଣପତ୍ର ବ୍ୟାଙ୍କ୍ ବା ଡାକଘରେ ନେଇ ଜମା କରନ୍ତୁ । ଆଧାର ନମ୍ବରକୁ ଗୋଟିଏ ବ୍ୟାଙ୍କରୁ ଅନ୍ୟ ବ୍ୟାଙ୍କକୁ ସ୍ଥାନାନ୍ତର କରିବା କ୍ଷେତ୍ରରେ ଗ୍ରାହକ ଯେଉଁଠାରୁ ଆଧାର ସ୍ଥାନାନ୍ତର କରୁଛନ୍ତି ସେହି ବ୍ୟାଙ୍କର ନାମ ଦେବା ଉଚିତ୍। ସମସ୍ତ ବିବରଣୀ ଯାଞ୍ଚ କରିବା ପରେ ଗ୍ରାହକଙ୍କ ଆଧାର ନମ୍ବର ସେମାନଙ୍କ ଆକାଉଣ୍ଟ ଏବଂ ଏନପିସିଆଇ ଖାତା ସହିତ ଲିଙ୍କ୍ ହୋଇଯିବ । ପରେ ଆପଣଙ୍କୁ ପଇସା ପାଇବାରେ କୌଣସି ଅସୁବିଧା ହେବ ନାହିଁ ।
