ଧାଡି ପହଣ୍ଡିରେ ରଥକୁ ବିଜେ କଲେ ତିନି ଠାକୁର

ପୁରୀ : ଆଜି ଆଷାଢ ଶୁକ୍ଳ ଦ୍ୱିତୀୟା ତିଥି-ପବିତ୍ର ରଥଯାତ୍ରା। ରତ୍ନ ସିଂହାସନ ଛାଡି ବଡଦାଣ୍ଡକୁ  ଭକ୍ତଙ୍କ ଗହଣକୁ ଆସିବେ ଶ୍ରୀଜିଉ । ତିନି ରଥରେ ବିଜେ ହୋଇ ଗୁଣ୍ଡିଚା ମନ୍ଦିରକୁ ଯିବେ ତିନି ଠାକୁର। ଶ୍ରୀଜିଉଙ୍କ ଦର୍ଶନ ପାଇଁ ରଥ, ପଥର ପ୍ରସ୍ତୁତି ଶେଷ ହୋଇ ସାରିଛି। ନିର୍ଦ୍ଧାରିତ ସମୟନୁସାରେ ମହାପ୍ରଭୁଙ୍କ ସମସ୍ତ ନୀତିକାନ୍ତି ଆରମ୍ଭ ହେବା ସହ ଧାଡି ପହଣ୍ଡିରେ ତିନି ଠାକୁର ରଥକୁ ବିଜେ କରିଛନ୍ତି । ହୁଳହୁଳି, ହରିବୋଲ ଧ୍ୱନିରେ ସିଂହଦ୍ୱାର ସହ ସମସ୍ତ ଅଞ୍ଚଳ ପ୍ରକମ୍ପିତ ହୋଇଛି।  ଏହି ପବିତ୍ର ରଥଯାତ୍ରା ଅବସରରେ ଶ୍ରୀକ୍ଷେତ୍ରରେ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି ।