ବନ୍ଦ ହୋଇଯିବ ମହିଳା ମାନଙ୍କ ଏହି ଯୋଜନା, ଜାଣନ୍ତୁ କାରଣ…

ଗତ ବର୍ଷ ଅର୍ଥାତ୍ ବଜେଟ୍ -୨୦୨୩ ରେ କେନ୍ଦ୍ର ସରକାର ମହିଳାମାନଙ୍କ ସହ ଜଡିତ ଏକ ଯୋଜନାର ଘୋଷଣା କରିଥିଲେ। ଏହି ଯୋଜନାର ନାମ ହେଉଛି ମହିଳା ସମ୍ମାନ ସଞ୍ଚୟ ପ୍ରମାଣପତ୍ର ଯୋଜନା | ବର୍ତ୍ତମାନ ଖବର ହେଉଛି ମାର୍ଚ୍ଚ ୨୦୨୫ ପରେ ଏହି ଯୋଜନା ଜାରି ରଖିବାକୁ ସରକାରଙ୍କର ମୁଡ ନାହିଁ।

ବାସ୍ତବରେ, ମହିଲା ସମ୍ମାନ ସଞ୍ଚୟ ପ୍ରମାଣପତ୍ର ସ୍କିମ୍ ହେଉଛି ଗୋଟିଏ ଥର ଯୋଜନା, ଏବଂ ଏହି ଯୋଜନା ୨୦୨୩ ଏପ୍ରିଲ୍ ରୁ ୨୦୨୫ ମାର୍ଚ୍ଚ ପର୍ଯ୍ୟନ୍ତ ଉପଲବ୍ଧ ହେବ | ଅର୍ଥାତ୍ ମାର୍ଚ୍ଚ ୨୦୨୫ ପରେ ଏହି ଯୋଜନା ବନ୍ଦ ହୋଇଯିବ । ଏମିତି କିଛି ସୂଚନା ଦେଇଛନ୍ତି ଏହି ଯୋଜନା ସହିତ ଜଡିତ ଜଣେ ବରିଷ୍ଠ ସରକାରୀ ଅଧିକାରୀ ।

ଆମେ ଆପଣଙ୍କୁ କହି ରଖୁଛୁ, କେନ୍ଦ୍ର ସରକାର ୨୦୨୩ ବର୍ଷର ବଜେଟରେ ଏହି ଯୋଜନା ଘୋଷଣା କରିଥିଲେ। ଏହି ଯୋଜନାର ଉଦ୍ଦେଶ୍ୟ ହେଉଛି ଭାରତୀୟ ମହିଳାମାନଙ୍କୁ ସଞ୍ଚୟ ଦିଗରେ ପ୍ରୋତ୍ସାହିତ କରିବା। ବର୍ତ୍ତମାନ ଏହି ଯୋଜନାରେ ବାର୍ଷିକ ୭.୫ ପ୍ରତିଶତ ସୁଧ ଦିଆଯାଉଛି | ଏହି ଯୋଜନା ମହିଳାମାନଙ୍କ ମଧ୍ୟରେ ବହୁତ ଲୋକପ୍ରିୟ ଅଟେ।
ବରିଷ୍ଠ ସରକାରୀ ଅଧିକାରୀଙ୍କ କହିବା ଅନୁଯାୟୀ ମହିଳା ସମ୍ମାନ ସଂଚୟ ପ୍ରମାଣପତ୍ର, ବଶିଷ୍ଠ ନାଗରିକ ସଞ୍ଚୟ ଯୋଜନ ଓ ସୁକନ୍ୟା ସମ୍ରିଧୀ ଯୋଜନା ବିଗତ କିଛି ଦିନରେ ଭଲ ପ୍ରଦର୍ଶନ କରିଛନ୍ତି। କିନ୍ତୁ ଏହି ଯୋଜନାଗୁଡିକରୁ ଆସୁଥିବା ଅର୍ଥ ଭବିଷ୍ୟତରେ ବନ୍ଦ ହୋଇପାରେ, ଯେଉଁଥିପାଇଁ ସରକାର ୨୦୨୫ ଆର୍ଥିକ ବର୍ଷରେ ଜାତୀୟ କ୍ଷୁଦ୍ର ସଞ୍ଚୟ ପାଣ୍ଠି ସଂଗ୍ରହକୁ କମ ରଖିବା ପାଇଁ ବାଧ୍ୟ ହୋଇପାରନ୍ତି | ତେଣୁ ଏହି ସ୍କିମକୁ ସରକାର ଆଗମୀ ଦିନରେ ବନ୍ଦ କରିପାରନ୍ତି ବୋଲି ଆଶଙ୍କା କରାଯାଉଛି।