ମସ୍କଙ୍କୁ ପଛରେ ପକାଇ ବିଶ୍ଵର ତୃତୀୟ ଧନୀ ବ୍ୟକ୍ତି ହେଲେ ଜୁକରବର୍ଗ …

ମାର୍କ ଜୁକରବର୍ଗ ସମ୍ପତ୍ତି ମାମଲାରେ ଏଲନ ମସ୍କଙ୍କୁ ପଛରେ ପକାଇ ବିଶ୍ବର ତୃତୀୟ ଧନୀ ବ୍ୟକ୍ତି ପାଲଟିଛନ୍ତି ।  ୨୦୨୦ ମସିହା ପରେ ଦ୍ବିତୀୟ ଥର ମସ୍କଙ୍କୁ ପଛରେ ପକାଇଛନ୍ତି  । ଗତ ମାର୍ଚ୍ଚ ପ୍ରାରମ୍ଭରେ ଏଲନ ମସ୍କ ବ୍ଲୁମବର୍ଗ ବିଲିୟନେୟର୍ସ ଇଣ୍ଡେକ୍ଟର ପ୍ରଥମ ସ୍ଥାନ ଥିଲେ ।
ମସ୍କ ଏବେ ଧନୀକଙ୍କ ସୂଚୀର ଚତୁର୍ଥ ସ୍ଥାନକୁ ପହଞ୍ଚିଛନ୍ତି । ରିପୋର୍ଟରେ କୁହାଯାଇଛି ଯେ ଟେସ୍ଲା ଇଂକ ତାଙ୍କର କମ ମହଙ୍ଗା କାର ଯୋଜନାକୁ ରଦ୍ଦ କରିଦେଇଛନ୍ତି। ଏହା ପରେ ବଜାରରେ କମ୍ପାନୀର ସେୟାର ମୂଲ୍ୟରେ ହ୍ରାସ ଦେଖାଦେଇଥିଲା । ଏହା ବ୍ୟତୀତ  ମାର୍ଚ୍ଚ ମଝିରୁ ଟେସ୍ଲା କାରର ଡେଲିଭରୀ ହ୍ରାସ ହୋଇଛି, ଯାହା କୋଭିଡ ମହାମାରୀ ପ୍ରାରମ୍ଭିକ ଦିନ ପରେ ପ୍ରଥମ ହ୍ରାସ ବୋଲି କୁହାଯାଇଛି। ଚଳିତବର୍ଷ ଆରମ୍ଭରୁ ପର୍ଯ୍ୟନ୍ତ ମସ୍କଙ୍କ ସମ୍ପତ୍ତାରେ ୪୮.୪ ବିଲିୟନ ଡଲାର ହ୍ରାସ ହୋଇଛି।
ଅପରପକ୍ଷେ ଜୁକରବର୍ଗଙ୍କ ସମ୍ପତ୍ତିରେ ଚଳିତବର୍ଷ ୫୮.୯ ବିଲିୟନ ଡଲାର ସଂଯୁକ୍ତ ହୋଇଛି । ୧୬ ନଭେମ୍ବର ୨୦୨୦ ପରେ ପ୍ରଥମ ଥର ଜୁକରବର୍ଗ ବ୍ଲୁମବର୍ଗର ସବୁଠୁ ଧନୀ ଲୋକଙ୍କ ରାଙ୍କିଙ୍ଗ ଶୀର୍ଷ ୩ ସ୍ଥାନକୁ ଛୁଇଁଛନ୍ତି । ଏବେ ମସ୍କଙ୍କ ମୋଟ ସମ୍ପତ୍ତା ୧୮୦.୬ ବିଲିୟନ ଡଲାରରେ ଥ‌ିବା ବେଳେ ଜୁକରବର୍ଗଙ୍କ ସମ୍ପତ୍ତା ୧୮୬.୯ ବିଲିୟନ ଡଲାରକୁ ପହଞ୍ଚିଛି।