ମାର୍କ ଜୁକରବର୍ଗ ହେଲେ ଦୁନିଆର ଦ୍ୱିତୀୟ ଧନୀ, ଜାଣନ୍ତୁ କାହାକୁ ପକାଇଲେ ପଛରେ

ଫେସବୁକ୍ ସିଇଓ ମାର୍କ ଜୁକରବର୍ଗଙ୍କ ସମ୍ପତ୍ତିରେ ଚଳିତ ବର୍ଷ ବହୁତ ବୃଦ୍ଧି ପାଇଛି। ନିକଟରେ ସେ ପ୍ରଥମ ଥର ପାଇଁ ୨୦୦ ବିଲିୟନ ଡଲାରର ନେଟ୍ ମାର୍କ ଅତିକ୍ରମ କରିଥିଲେ। ବର୍ତ୍ତମାନ ସେ ଆଉ ଏକ ରେକର୍ଡ ସୃଷ୍ଟି କରି ଦୁନିଆର ଦ୍ୱିତୀୟ ଧନୀ ବ୍ୟକ୍ତିଙ୍କ ଆଖ୍ୟା ହାସଲ କରିଛନ୍ତି। ତାଙ୍କର ନିଟ୍ ମୂଲ୍ୟ ୨୦୬.୨ ବିଲିୟନ ଡ଼ଲାରରେ ପହଞ୍ଚିଛି। ସେ ଜେଫ୍ ବେଜୋସଙ୍କୁ ପଛରେ ଛାଡି ଏହି ପଦବୀ ହାସଲ କରିଛନ୍ତି। ବର୍ତ୍ତମାନ କେବଳ ଟେସଲା ମାଲିକ ଏଲୋନ୍ ମସ୍କ ତାଙ୍କ ଆଗରେ ଅଛନ୍ତି।

ବ୍ଲୁମବର୍ଗ ବିଲିୟନେୟାର ଇଣ୍ଡେକ୍ସର ସଦ୍ୟତମ ରିପୋର୍ଟ ଅନୁଯାୟୀ, ଏଲୋନ୍ ମସ୍କଙ୍କ ସମ୍ପତ୍ତି ମୂଲ୍ୟ ବର୍ତ୍ତମାନ ୨୫୬ ବିଲିୟନ ଡ଼ଲାର୍ ଅଟେ। ମାର୍କ ଜୁକରବର୍ଗ ୨୦୬ ବିଲିୟନ ଡ଼ଲାର ସହିତ ଦ୍ୱିତୀୟ ସ୍ଥାନରେ ଏବଂ ଆମାଜନ୍ ର ପୂର୍ବତନ ସିଇଓ ଜେଫ୍ ବେଜୋସ୍ ୨୦୫ ବିଲିୟନ ଡ଼ଲାର ସହିତ ତୃତୀୟ ସ୍ଥାନରେ ଅଛନ୍ତି | ବର୍ତ୍ତମାନ ମାର୍କ ଜୁକରବର୍ଗ ଏବଂ ଏଲୋନ୍ ମସ୍କ ମଧ୍ୟରେ ୫୦ ବିଲିୟନ ଡଲାରର ବ୍ୟବଧାନ ରହିଛି | ମେଟା ସିଇଓ ମାର୍କ ଜୁକରବର୍ଗଙ୍କ ପାଇଁ ୨୦୨୪ ବର୍ଷ ବହୁତ ଭଲ ରହିଛି | ତାଙ୍କର ସମ୍ପତ୍ତି ବର୍ତ୍ତମାନ ସୁଦ୍ଧା ୭୮ ବିଲିୟନ ଡଲାର ବୃଦ୍ଧି ପାଇଛି। ଏହା ବ୍ୟତୀତ ସେ ଧନୀ ତାଲିକାରେ ୪ ଟି ସ୍ଥାନ ଉପରକୁ ଉଠିଛନ୍ତି।