ମୋଦିଙ୍କ ଏହି ଭାଷଣରେ ଅପରାଜିତାକୁ ମନକୁ ପାଇଛି, ଜାଣନ୍ତୁ କାହା ମନ ବିଷାଦ….

ଭୁବନେଶ୍ୱର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସ୍ୱାଧିନତା ଦିବସ ଭାଷଣ ପରେ ଭୁବନେଶ୍ୱର ଏମପି ଅପରାଜିତା ଷଡଙ୍ଗୀ ଖୁସି ଅଛନ୍ତି। ଏବଂ ଅପରାଜିତାଙ୍କ ଶିବିର ବିଶ୍ୱାସ କରୁଛି ଯେ, ଏହି ବକ୍ତବ୍ୟ ହିଁ ତାଙ୍କ ପାଇଁ ଗ୍ରୀନ୍ ସିଗନାଲ। ମାତ୍ର ମୋଦିଙ୍କ ଭାଷଣ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ପୂର୍ବତନ ଏମପି ବୈଜୟନ୍ତ ପଣ୍ଡାଙ୍କୁ ଚିନ୍ତାରେ ପକାଇ ଦେଇଛି। ମୋଦି କହିଥିଲେ ଯେ, ଦେଶର ରାଜନୀତି ପାଇଁ ପରିବାରବାଦ ବିପଦ। ତେଣୁ ଆଗାମୀ ଦିନରେ ଏହା ବିରୋଧରେ ଲଢିବାକୁ ପଡିବ। ଏହି କ୍ରମରେ ଧର୍ମେନ୍ଦ୍ର ପୂର୍ବତନ କେନ୍ଦ୍ର ମନ୍ତ୍ରୀ ଦେବେନ୍ଦ୍ର ପ୍ରଧାନଙ୍କ ପୁତ୍ର ଏବଂ ବୈଜୟନ୍ଚ ପୂର୍ବତନ ସାଂସଦ ଇଲା ପଣ୍ଡାଙ୍କ ପୁତ୍ର। ଏହି ଦୁଇଜଣ ପରିବାରବାଦର ଅଂଶବିଶେଷ। ମାତ୍ର ଅପରାଜିତା ଷଡଙ୍ଗୀ କେଉଁ ରାଜନୈତିକ ପରିବାରରୁ ଆସିନାହାନ୍ତି। ତେଣୁ ବିଜେପି ତାଙ୍କୁ ଆଗାମୀ ଦିନରେ ରାଜ୍ୟ ପ୍ରଚାର କମିଟିର ଅଧ୍ୟକ୍ଷ କରିବାର ସମ୍ଭାବନା ଉଜ୍ଜ୍ୱଳ ରହିଥିବା ତାଙ୍କ ଶିବିର ଅନୁଭବ କରୁଛି। ଏହା ହୋଇପାରିଲେ ଅପରାଜିତା କଂଗ୍ରେସ ଓ ବିଜେଡିର ପଟ୍ଟନାୟକ ଏବଂ ବିଜେପିର ପ୍ରଧାନ ଓ ପଣ୍ଡା ପରିବାରକୁ ବିରୋଧ କରିବେ ବୋଲି ସମୀକ୍ଷକମାନେ ମତ ରଖିଛନ୍ତି।