ଓଡ଼ିଶା ରାଜ୍ୟ ସଂଗ୍ରହାଳୟରେ ମହାତ୍ମା ଗାନ୍ଧୀ ଗ୍ୟାଲେରୀ ଉଦ୍ଘାଟିତ
ଜାତିର ଜନକ ମହାତ୍ମା ଗାନ୍ଧୀଙ୍କ ତିରୋଧାନ ଦିବସ ଅବସରରେ ଓଡ଼ିଶା ରାଜ୍ୟ ସଂଗ୍ରହାଳୟରେ ମହାତ୍ମା ଗାନ୍ଧୀ ଗ୍ୟାଲେରୀ ଉଦ୍ଘାଟିତ ହୋଇଛି । ସଂଗ୍ରହାଳୟର ନିର୍ଦ୍ଦେଶକ ଶ୍ରୀ ଅନୁଜ ଦାସ ପଟ୍ଟନାୟକ ଅତିଥି ଭାବେ ଯୋଗ ଦେଇ ଏହି ଗ୍ୟାଲେରୀ ଉଦ୍ଘାଟନ କରିଛନ୍ତି । ଏହି ଗ୍ୟାଲେରୀରେ ଗାନ୍ଧିଜୀଙ୍କ ଓଡ଼ିଶା ଗସ୍ତର ଆଠଟି ମ୍ୟରାଲ୍ ପେଣ୍ଟିଂ ରହିଛି । ମହାତ୍ମା ଗାନ୍ଧୀ କେତେଥର ଓଡ଼ିଶା ଆସିଥିଲେ, କେଉଁଠିକୁ ଆସିଥିଲେ, କ’ଣ କହିଥିଲେ ସେ ବିଷୟରେ ସଂପୂର୍ଣ୍ଣ ତଥ୍ୟ ଉଲ୍ଲେଖ ରହିଛି । ଗ୍ୟାଲେରୀର ମୁଖ୍ୟ ଦ୍ଵାରରେ ସାବରମତୀ ଆଶ୍ରମ ଏବଂ ଅରଟ ରଖାଯାଇଛି । ଗାନ୍ଧିଜୀଙ୍କର ବିଭିନ୍ନ ହିତବାଣୀ ଏବଂ ବିଭିନ୍ନ ସ୍ଥାନରେ ସେ ଦେଇଥିବା ଅଭିଭାଷଣ ଓ ଜନତାଙ୍କ ସହ ବାର୍ଭାଳାପ ସଂପର୍କିତ ପେପର କଟିଂ ମଧ୍ୟ ଏହି ଗ୍ୟାଲେରୀରେ ସ୍ଥାନ ପାଇଛି । ଏହି ଗ୍ୟାଲେରୀକୁ ବିଦ୍ୟାଳୟ ପିଲାମାନେ ବୁଲି ଦେଖିବା ସହ ଗାନ୍ଧିଜୀଙ୍କ ବିଷୟରେ ଜାଣି ଖୁସିବ୍ୟକ୍ତ କରିଛନ୍ତି । ଏହାସହ ଗ୍ୟାଲେରୀ ଉଦ୍ଘାଟନ ଅବସରରେ ସଂଗ୍ରହାଳୟ ଉଦ୍ୟାନରେ ବୃକ୍ଷରୋପଣ କାର୍ଯ୍ୟକ୍ରମ ମଧ୍ୟ କରାଯାଇଛି ।
