National Film Awards 2023; କିଏ ମାରିବ ବାଜି ଆରଆରଆର ନା ପୁଷ୍ପା…
୬୯ ତମ ଜାତୀୟ ଚଳଚ୍ଚିତ୍ର ପୁରସ୍କାର ଘୋଷଣା ୨୪ ଅଗଷ୍ଟ ବା ଆଜି ସଂଧ୍ୟାରେ ଆୟୋଜିତ ହେବାକୁ ଯାଉଛି | ଏହି ପୁରସ୍କାର ବିତରଣ ଉତ୍ସବରେ ଭାରତୀୟ ସିନେମାର ସର୍ବୋତ୍ତମ ଚଳଚ୍ଚିତ୍ର ପୁରସ୍କୃତ କରାଯିବ| ସେହିପରି ଆଜି ସନ୍ଧ୍ୟାରେ ବିଜେତା ତାଲିକା ବାହାରକୁ ଆସିବାକୁ ଯାଉଛି | ଚଳିତ ବର୍ଷ ଜାତୀୟ ଚଳଚ୍ଚିତ୍ର ପୁରସ୍କାରରେ ଆଞ୍ଚଳିକ ସିନେମା ଏବଂ ବଲିଉଡ ମଧ୍ୟରେ କଡ଼ା ସଂଘର୍ଷ ଦେଖିବାକୁ ମିଳିବ। ଏହା ପରେ ମାଲାୟାଲମ୍ ଚଳଚ୍ଚିତ୍ର ଜାତୀୟ ପୁରସ୍କାରରେ ନିଜର ଦବ -ଦବା ଦେଖାଇବାକୁ ଯାଉଛି। ଅନେକ ମାଲାୟାଲମ୍ ଚଳଚ୍ଚିତ୍ର ବକ୍ସ ଅଫିସରେ ଭଲ ବ୍ୟବସାୟ କରିଥିଲା ଏବଂ ସେମାନଙ୍କର କାହାଣୀ ମଧ୍ୟ ବହୁତ ଭଲ ରହିଥିଲା |ଜାତୀୟ ଚଳଚ୍ଚିତ୍ର ପୁରସ୍କାରରେ ସାଉଥ୍ ଚଳଚ୍ଚିତ୍ର ସବୁବେଳେ ଭଲ ପ୍ରଦର୍ଶନ କରିଆସୁଛି | ଖବର ଅନୁଯାୟୀ, ମାଲାୟାଲମ୍ ଚଳଚ୍ଚିତ୍ର ନୟାଟୁଙ୍କ ଅଭିନେତା ଜୋଜୁ ଜର୍ଜ ଶ୍ରେଷ୍ଠ ଅଭିନେତାର ପୁରସ୍କାର ପାଇବେ। ସେହିପରି ଆର୍ ମାଧବନଙ୍କ ନିର୍ଦ୍ଦେଶିତ ରକେଟ୍ରି ଚଳଚ୍ଚିତ୍ରରେ ଅଭିନୟ କରିଥିବା ମାଧବନଙ୍କୁ ମଧ୍ଯ ଏହି ପୁରସ୍କାର ମିଳିପାରେ ବୋଲି ଆସା କରାଯାଉଛି।ଖବର ଅନୁଯାୟୀ, ରାମ ଚରଣଙ୍କ ଆରଆରଆର ଆଉ ଏକ ସମ୍ମାନଜନକ ପୁରସ୍କାର ହାତେଇ ପାରେ ବୋଲି ଆଶା କରାଯାଉଛି। ଶ୍ରେଷ୍ଠ ଅଭିନେତା ପୁରସ୍କାର ପାଇଁ ଉଭୟ ରାମ ଚରଣ ଏବଂ ଜୁନିଅର ଏନଟିଆର ମନୋନୀତ ହୋଇଛନ୍ତି। କେବଳ ଏତିକି ନୁହେଁ, ଶ୍ରେଷ୍ଠ ସଂଗୀତ ନିର୍ଦ୍ଦେଶନା ପୁରସ୍କାର ପାଇଁ ଏମଏମ କିରାବନୀ ମନୋନୀତ ହୋଇପାରନ୍ତି। ଶ୍ରେଷ୍ଠ ଅଭିନେତା ବର୍ଗ ପାଇଁ ଅଲୁ ଅର୍ଜୁନ ମଧ୍ୟ ଜଣେ ଆସାୟୀ ପ୍ରାର୍ଥୀ ଅଟନ୍ତି| ପୁଷ୍ପା: ଦି ରାଇଜ୍ ପାଇଁ ଅଲୁ ଅର୍ଜୁନଙ୍କୁ ମନୋନୀତ କରାଯାଇଛି। ତେବେ ଏହି ଦୁଇ ଜଣଙ୍କ ମଧ୍ୟରୁ କିଏ ଆଜି ବାଜି ମାରୁଛି ଦେଖିବାର ରହିଲା।
