ବିରୋଧୀ ନେତା, ମନ୍ତ୍ରୀଙ୍କ ଫୋନ୍ ସମ୍ପର୍କିତ ସବୁ ଖବର ରଖୁଛନ୍ତି କେନ୍ଦ୍ର ସରକାର
କଂଗ୍ରେସ ସାଂସଦ ଶଶି ଥରୁର, ପୱନ ଖେଡା ଏବଂ ଶିବସେନା ସାଂସଦ ପ୍ରିୟଙ୍କା ଚାର୍ତୁବେଦୀଙ୍କ ସମେତ ଅନେକ ବିରୋଧୀଦଳର ସାଂସଦ ଫୋନ ହ୍ୟାକ ହେଉଥିବା ଅଭିଯୋଗ ଆଣିଛନ୍ତି।
ଏହି ନେତାମାନେ ଦାବି କରି କହିଛନ୍ତି କି, ‘ନିଜେ ଆପଲ କମ୍ପାନି ଏଭଳି ମ୍ୟାସେଜ ପଠାଇ ଫୋନ ହ୍ୟାକି କରିବାକୁ ଉଦ୍ୟମ କରାଯାଉଥିବା ନେଇ ସୂଚନା ଦେଇଛି।’ ଟିଏମ୍ସି ସାଂସଦ ମହୁଆ ମୋଇତ୍ରା ଏହି ଘଟଣାକୁ ନେଇ କହିଛନ୍ତି, ‘ଆପଲରୁ ସେ ଏକ ଆଲର୍ଟ ମେସେଜ ଏବଂ ଇମେଲ୍ ପାଇଛନ୍ତି। ସରକାର ତାଙ୍କ ଫୋନ୍ ଏବଂ ଇମେଲ୍ ହ୍ୟାକ୍ କରିବାକୁ ଚେଷ୍ଟା କରୁଛନ୍ତି।’ ମହୁଆଙ୍କ ବ୍ୟତୀତ କଂଗ୍ରେସ ସାଂସଦ ଶଶି ଥରୁର, ପୱନ ଖେଡା ଏବଂ ଶିବସେନା ସାଂସଦ ପ୍ରିୟଙ୍କା ଚାର୍ତୁବେଦୀ ମଧ୍ୟ ନିଜ ଫୋନକୁ ଆସିଥିବା ଏଭଳି ଆଲର୍ଟ ମେସେଜର ସ୍କ୍ରିନସଟ ସେୟାର କରି ସମାନ ଅଭିଯୋଗ ଆଣିଛନ୍ତି।
କେନ୍ଦ୍ର ଯୋଗାଯୋଗ, ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତି ବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବ କହିଛନ୍ତି, ସରକାର ଏହି ପ୍ରସଙ୍ଗରେ ଚିନ୍ତିତ ଅଛନ୍ତି ଏବଂ ଏହାର ତଦନ୍ତ କରାଯିବ । ଦେଶରେ କିଛି ସମାଲୋଚକ ଅଛନ୍ତି। ଏମାନେ ଦେଶର ବିକାଶ ଦେଖି ପାରୁନାହାନ୍ତି। କାରଣ ଯେତେବେଳେ ତାଙ୍କ ପରିବାର କ୍ଷମତାରେ ଥିଲେ ସେତେବେଳେ ସେ କେବଳ ନିଜ ବିଷୟରେ ଚିନ୍ତା କରୁଥିଲେ । ସେ କହିଛନ୍ତି ଯେ, କେବଳ ଭାରତ ନୁହେଁ, ୧୫୦ଟି ଦେଶର ବିଭିନ୍ନ ଲୋକଙ୍କୁ ଆପଲ୍ ପକ୍ଷରୁ ଫୋନ୍ ହ୍ୟାକିଂ ଆଲର୍ଟ ମିଳିଛି। ମନ୍ତ୍ରୀ ଆହୁରି ମଧ୍ୟ କହିଛନ୍ତି ସରକାରୀ ତଦନ୍ତରେ ଯୋଗ ଦେବାକୁ ଆପଲ କମ୍ପାନିକୁ ବି ଅନୁରୋଧ କରାଯାଇଛି ।
