ବଦଳିବେ ଅର୍ଥ ମନ୍ତ୍ରଣାଳୟର ମାଲିକିଆଣି,କିଏ ହେବେ ପରବର୍ତ୍ତୀ ଅର୍ଥମନ୍ତ୍ରୀ…ଓଡ଼ିଶା ସହ କଣ ରହିଛି, ତାଙ୍କ ସମ୍ପର୍କ…ଜାଣନ୍ତୁ

ନୂଆଦିଲ୍ଲୀ : ସଂସଦର ମୋସୁମୀ ଅଧିବେଶନ ଆରମ୍ଭ ହୋଇଯାଇଛି।  ଉତ୍ତର-ପୂର୍ବ ରାଜ୍ୟ ମଣିପୁର ହିଂସା ସମସ୍ତଙ୍କୁ ବ୍ୟଥିତ କରିଛି। ଏହି ପ୍ରସଙ୍ଗରେ ବିରୋଧି ଦଳ ଗୁଡି଼କ ପୂର୍ଣ୍ଣାଙ୍ଗ ଆଲୋଚନା ନେଇ ପ୍ରସ୍ତାବ ରଖିଛନ୍ତି। ତେଣୁ ଅଧିବେଶନ ଜାରି ରହିଥିବା ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କେନ୍ଦ୍ର ମନ୍ତ୍ରିମଣ୍ଡଳ ଅଦଳବଦଳ କରିବେ ନାହିଁ। ଅଧିବେଶନ ପୂର୍ବରୁ ଅଦଳବଦଳ ହୋଇପାରିଥାନ୍ତା। ମାତ୍ର ହରସିମରତ କୌର, ଜୟନ୍ତ ଚୌଧୁରୀ ଏବଂ ଚନ୍ଦ୍ରବାବୁ ନାଇଡୁଙ୍କୁ କରାଯାଇଥିବା ପ୍ଲାନ ଫେଲ୍ ମାରିଥିଲା। ତେଣୁ ଅଧିବେଶନ ପରେ ମନ୍ତ୍ରିମଣ୍ଡଳ ଅଦଳବଦଳ କରାଯିବ ବୋଲି ଜଣାପଡିଛି। ଏହି କ୍ରମରେ କେନ୍ଦ୍ରରେ ଅର୍ଥମନ୍ତ୍ରୀ ଥିବା ନିର୍ମଳା ସୀଥାରମଣକୁ ଅପସାରଣ କରାଯିବାର ଯଥେଷ୍ଟ ସମ୍ଭାବନା ରହିଛି। ହେଲେ ନିର୍ମଳାଙ୍କ ଅର୍ଥ ବିଭାଗ କାହାକୁ ଦିଆଯିବ, ସେ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। ପରବର୍ତ୍ତୀ ଅର୍ଥ ମନ୍ତ୍ରଣାଳୟରେ ଦୌଡ଼ରେ ଓଡ଼ିଶା ସହ ସମ୍ପର୍କ ଥିବା ଜଣେ ଏମପି ଅଛନ୍ତି। ସେ ଏମପି ଜଣଙ୍କ ବର୍ତ୍ତମାନ କ୍ୟାବିନେଟରେ ମନ୍ତ୍ରୀ ମଧ୍ୟ ଅଛନ୍ତି। ତାଙ୍କ ନିକଟରେ ଦୁଇଟି ମନ୍ତ୍ରଣାଳୟ ରହିଛି। ହଁ ପାଠକ ବନ୍ଧୁ ଆମେ କାହା ବିଷୟରେ କହୁଚୁ ଆପଣ ଜାଣିସାରିଲେଣି। ସେ ହେଉଛନ୍ତି-ରେଳ ଏବଂ ଆଇଟି ମନ୍ତ୍ରୀ ଅଶ୍ୱିନୀ ବୈଷ୍ଣବ। ଶ୍ରୀ ବୈଷ୍ଣବଙ୍କ ବ୍ୟତୀତ ପୀୟୁଷ ଗୋଏଲ ଏବଂ ହରଦୀପ ସିଂ ପୁରୀ ମଧ୍ୟ ଅର୍ଥ ମନ୍ତ୍ରୀ ଦୌଡ଼ରେ ରହିଛନ୍ତି।