ଲୋକ ହେଉ ନାହାନ୍ତି,ଯାତ୍ରୀ ଭଡ଼ା ହ୍ରାସ କରିପାରେ ବନ୍ଦେ ଭାରତ ଏକ୍ସପ୍ରେସ୍
ନୂଆଦିଲ୍ଲୀ : ଯାହା ଆଶଙ୍କା କରାଯାଉଥିଲା, ତାହା ହେଲା। କିଛିମାସ ତଳେ ଶୁଭାରମ୍ଭ ହୋଇଥିବା ବନ୍ଦେ ଭାରତ ଏକ୍ସପ୍ରେସ ଆଶନୁରୂପ ଯାତ୍ରୀ କରିପାରିଲା ନାହିଁ। ଲଗାତର ଭାବେ ଏହି ଟ୍ରେନ୍ ପାଇଁ କମ୍ ଯାତ୍ରୀ ହେଉଛନ୍ତି। ତେଣୁ ଏକାଧିକ ସ୍ୱଳ୍ପ ଦୂରଗାମୀ ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ୍ର ଟିକେଟ୍ ମୂଲ୍ୟ ହ୍ରାସ କରାଯିବା ନେଇ ରେଳବାଇ ଚିନ୍ତା କରୁଛି। ଜାତୀୟସ୍ତରୀୟ ଖବରସରବରାହ ସଂସ୍ଥା ପିଟିଆଇ ପକ୍ଷରୁ ଏହି ସୂଚନା ଦିଆଯାଇଛି।
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ନିକଟରେ ରେଳ ମନ୍ତ୍ରଣାଳୟ ପକ୍ଷରୁ ଉକ୍ତ ଟ୍ରେନ୍ଗୁଡ଼ିକର ଯାତ୍ରୀଭଡ଼ା ସମୀକ୍ଷା କରିବା ସହିତ ଯାତ୍ରୀମାନଙ୍କୁ ସୁହାଇବା ଭଳି ଭଡ଼ା ଧାର୍ଯ୍ୟ କରିବାକୁ ବିଚାର କରାଯାଉଛି। ବିଶେଷ କରି ଇନ୍ଦୋର-ଭୋପାଳ, ଭୋପାଳ-ଜବଲପୁର ଓ ନାଗପୁର-ବିଳାସପୁର ଏକ୍ସପ୍ରେସ୍ ଭଳି କେତେକ ବନ୍ଦେ ଭାରତ ଟ୍ରେନ୍ ଏହି ବର୍ଗରେ ପଡୁଛନ୍ତି। ଭୋପାଳ-ଜବଲପୁର ବନ୍ଦେ ଭାରତ ସର୍ଭିସ୍ରେ ମାତ୍ର ୨୯% ଯାତ୍ରୀ ହେଉଥିବା ବେଳେ ଇନ୍ଦୋର୍-ଭୋପାଳ ବନ୍ଦେ ଭାରତ ଏକ୍ସପ୍ରେସ୍ରେ ମାତ୍ର ୨୧% ଯାତ୍ରୀ ହେଉଛନ୍ତି। ଏଥିରେ ଭଡ଼ା ବାବଦକୁ ‘ଏସି ଚେୟାର୍ କାର୍’ ଟିକେଟ୍ର ମୂଲ୍ୟ ୯୫୦ ଟଙ୍କା ଏବଂ ‘ଏକ୍ଜିକ୍ୟୁଟିଭ୍ ଚେୟାର୍ କାର୍’ ଟିକେଟର ମୂଲ୍ୟ ୧,୫୨୫ ଟଙ୍କା ପଡୁଛି।
