ଭାରତର ଅଭିବୃଦ୍ଧିରେ ଉତ୍ତର-ପୂର୍ବ ରାଜ୍ୟ ଆଗାମୀ ଦିନରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ

ଭୁବନେଶ୍ବର: ଭାରତର ଅନ୍ୟତମ ସର୍ବ ପୁରାତନ ସର୍ବୋଚ୍ଚ ଚାମ୍ବର ତଥା ଦ ଫେଡେରେସନ ଅଫ୍ ଇଣ୍ଡିଆନ୍ ଚାମ୍ବର ଅଫ୍ କମର୍ସ ଏଣ୍ଡ ଇଣ୍ଡଷ୍ଟ୍ରିଜ୍ (ଫିକି) ଦ୍ବାରା ଉତ୍ତର-ପୂର୍ବ ରାଜ୍ୟରେ ତାହାର ପ୍ରଥମ ଜାତୀୟ କାର୍ଯ୍ୟନିର୍ବାହୀ କମିଟି ବୈଠକ (ଏନଇସିଏମ) ଆସାମର ଗୌହାଟିରେ ଅନୁଷ୍ଠିତ ହୋଇଯାଇଛି ।
ଆସାମର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ହିମନ୍ତ ବିଶ୍ୱଶର୍ମା ଏହି କାର୍ଯ୍ୟକ୍ରମରେ ଅଂଶଗ୍ରହଣ କରି ଭିତ୍ତିଭୂମି କ୍ଷେତ୍ରରେ ପର୍ଯ୍ୟାପ୍ତ ନିବେଶ ଏବଂ ସରକାରଙ୍କ ସ୍ୱଚ୍ଛ ବ୍ୟବସ୍ଥା ଦ୍ବାରା ରାଜ୍ୟରେ ଅଭିବୃଦ୍ଧି ସମ୍ପର୍କରେ ଆଲୋକପାତ କରିଥିଲେ ।
ଫିକି ଅଧ୍ୟକ୍ଷ ଶ୍ରୀଯୁକ୍ତ ଶୁଭ୍ରକାନ୍ତ ପଣ୍ଡା କହିଥିଲେ ଯେ, ଉତ୍ତର-ପୂର୍ବ ରାଜ୍ୟର ଅଞ୍ଚଳ ଗୁଡିକରେ ପର୍ଯ୍ୟାପ୍ତ ପରିମାଣରେ ପ୍ରାକୃତିକ ସମ୍ପଦ ରହିଛି ଏବଂ ଆଗାମୀ ଦିନରେ ଭାରତର ବର୍ଷର ଅଭିବୃଦ୍ଧିରେ ଏହା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ। ଏହି ଅଞ୍ଚଳରେ ଆସାମ ସର୍ବବୃହତ ଅର୍ଥନୀତି ହେବା ସହ ଅଧିକ ମାନବସମ୍ବଳ ଥିବା ରାଜ୍ୟ। ଉଭୟ ଭୋତିକ ଏବଂ ଡିଜିଟାଲ ଭିତ୍ତିଭୂମି ବିକାଶ ଯୋଗୁଁ ଏହା ଦ୍ରୁତଗତିରେ ଅଭିବୃଦ୍ଧି କରୁଛି, ବୋଲି ଶ୍ରୀ ପଣ୍ଡା କହିଥିଲେ। “
ଭାରତବର୍ଷର ବିଭିନ୍ନ ଶିଳ୍ପ ଉଦ୍ୟୋଗୀ ତଥା ବିଜନେସ୍ ଲିଡର୍ସମାନେ ମାନଙ୍କ ସହିତ ଭାରତରେ ଅବସ୍ଥାପିତ ଜାପାନର ଆମ୍ବାସଡ଼ର ସମ୍ମାନନୀୟ ହିରୋସି ସୁଜୁକି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଭାରତର ଉତ୍ତର ପୂର୍ବକୁ ବିଶ୍ବ ସହିତ ସଂଯୋଗ କରିବା ଶୀର୍ଷକ ଏକ ଅଧିବେଶନ ସହିତ ଗୌହାଟିରେ ଥିବା ଆଇଆଇଟି ପରିସରରେ ଛାତ୍ରଛାତ୍ରୀ ଏବଂ ପରିଚାଳନା କର୍ତ୍ତୃପକ୍ଷଙ୍କ ସହ ମତ ବିନିମୟ କାର୍ଯ୍ୟକ୍ରମ ମଧ୍ୟ ଅନୁଷ୍ଠିତ ହୋଇଥିଲା ।